وعليكم السلام ورحمة الله وبركاته
رح منتدى أظن اسمه الشبكة القانونية السعودية فيه محامين اعرض وضعك عليهم ويساعدونك

ههههههههههههه صار لي مثل ما صار لك وقلبت الطاولة عليهم انا اول شي اشتغلت في احدى الشركات الكبرى في مجال السيارات وقبل ما تنتهي فترة التجربة كان ما علي ولا يوم غياب وباقي 10 ايام على نهاية فترة التجربة اضطريت اخذ اجازة يومين سويت فيها عملي بأسناني بعدها سويت عمليه ثانيه و اخذت اجازة يوم علماً ان فترات الدوام كانت من الساعه 8 الى 1 بعدين من 4 الى 7 ونص واحيانا اذا صار فيه ضغط اضطر و اشبك الفترتين الى 7 ونص بعدها ما قدرو شغلي و تنازلاتي لهم كلها و وقالو لي اني ما نجحت بفترة التجربة ومدري ايش ولاكن نبي نسوي فترة تجربه جديده انا حسيت ان السالفه فيها كبري ودريت ان المدير يبي يجيب سكرتير جديد بدالي ولاكن ما يبي يترك المكان فاضي انا جيت من بكرا وجبت معي قلم صغير فيه كاميرا و صورت كل شي وهم يجبروني على الاستقالة وحطيته عندي احتياط بعدها داومت اسبوع و بديت اشوف السي فيات تجي سكرتاريه للمدير و مقابلات قدام عيني جيت انا و دورت شركة و الحمدلله ربي رزقني بشركة احسن راتب و شغل و توقيت عمل وراحة نفسيه اكثر ووقعت عقد من الشركة بعد ما كملت شهر مسوي الاستقالة ويوم وقعت عقد دخلت على الشركة القديمه وقلت لهم انا ماشي قالو اشلون كيف قلت لقيت وظيفه يلا سلام عليكم اليوم اخر يوم دوام لي قالو لا عليك شهر انذار قلت وش انذاره انا مقدم استقالة من شهر كامل نسيت ولا اجيب الي يذكرك وقت ما وقعوني الاستقالة نشرت في الشركة انو عندي تصوير وهم يجبروني ووصل لهم اني مصور وبعدها اسكت وضفيت اغراضي و مشيييييت بلا رجعه

ياخوي مشكلتك هذي ذكرتني بمشكلتي في شركتي السابقه
طلبو مني اوقع استقالتي وانا في طريقي عشان اخذ النموذج اتصلت على مستشار قانوني وسالته وكلمت مكتب العمل وكلهم طلبو مني عدم توقيع الاستقاله الا في حال رغبتي بالاستقاله رجعت لمكتب مديري وقلتله اعتذر منك ماراح استقيل اذا انتو ماتبوني اقيلوني
انا اللي ابيك تسويه ترجع لمستشار قانوني او مكتب عمل واسال في هالموضوع الظلم زااااد
حسبي الله ونعم الوكيل