السلام عليكم ورحمة الله وبركاتة

والله محتاااار صراحة وصارت فيني حاله نفسية أبي أدخل بالموضوع على طول

كنت في مكتب مديري وكان فيه مدير ثاني من نفس الشركة المدير الثاني كان يتكلم مع مديري وصار نقاش حاد وتلفظ مديري عليه بكلام بذئ عليه ( مديري الله يهديه لسانه يبيله تنظيف ) حتى على موظفيه يتكلم المهم انا سمعت كل شيء وشفت كل شيء

بعد ما تفرقوا الكلام هذا وصل لمدير الموارد البشرية وكاتبين اسمي من ضمن الشهود
استدعاني مديري قالي أبيك تشهد فكان يلمح لي يعني كأنه يقولي لا تقولهم بأني تكلمت عليه وقول هو المعتدي وهو اللي رفع صوته من ذا الكلام قلت له طيب ما عليك ولا تشيل هم وموضوعك عندي عشان اهديه وانا من داخلي ما راح اقول إلا الحق والصدق والأمانه
وهذا الشيء اللي تربيت عليه

المشكلة تعرفون يمكن لو أشهد ضده راح أخسر وظيفتي أو ممكن يقولون عني المدراء الثانين هذا ما يكتم سر ما نبيه وتصير لي سمعه مو كويسة بالشركة ( أنا ادري ان الصدق هو الصح بس اخاف من العواقب )

الشركة هذي انا ما أبي أتخلى عنها إن شاء الله وتعبت فيها والله تعبت حياتي كلها ما قد تعبت ذي ذا التعب سويت أشياء سهرت عليها وتعبت وتألمت.

فما أدري أقول بالشهاده اشياء واخفي اشياء عشان اكتم على مديري والا وش أسوي
وش تشوفون أنتو وش اسوي

والله يوفقكم

اخوي قبطااان شوف انا بقلك العلم وانت اختار ........
انت تبغى دنيتك قول ما سمعت شي ...
وان تبغى اخرتك فقول الي سمعته وشفته...
ترى الساكت عن الحق شيطان اخرس.... وثاني شي بتدخل في قبر وربي لا تفيدك وظيفتك ولا مديرك....

قول الي سمعته وشفته وربك الراااااازق .....................

أنتبه أنتبه أنتبه
أن تتألم مرة واحدة أفضل من أن تتألم طول عمرك
أخي ماعليك من مديرك قل الحق ولو على نفسك

لا يابن الحلال أشهد بالحق أشهد بالحق أشهد بالحق

الله الرزااااق

واشهد باللي شفته

السلام عليكم ورحمة الله وبركاته
اولا حبيت اقلك ان مديرك الله يكرمكم جميعا وعذروني على كلامي حثاله
ثانيا لسانه سليط ويش يعني عشانه مدير والا ايش
ثالثا امسح بوجهه ماعليك فيه هذا يسمونه قليل ادب لانه لو شهدت معاه ماراح يتأدب بيصير يهايط زياده
رابعا لمن تشهد عليه كلمهم عشان لو رجع مدير ثاني مره ماله كلمه عليك بس كلم اللي مسؤول عنه بأنك تحب وظيفتك وانك خايف انه لمن يرجع ممكن يطردك.
انا كنت حارس في البنك الاهلي وكان المدير زي مديركم بس ربيته لدرجت اني بغيت امسح بوجهه بلاط البنك ههههه بس صراحه لين يومك هذا لمن سألت الموظفين تتوقع ايش قالولي مؤدب ومحترم مع الكل.
نصيحتي لك سوى زي كلامي والا اسحب قول ماسمعت شي ولا شفت واتمنى ماتسكت لأنا بعض ناس لمن يتعين مدير يشوف نفسه زياده عن غيره. وفي الأخير القرار راجع لك. والسلام خير ختام

[align=center][/align]
السلام عليكم ورحمة الله وبركاته

لاحول ولا قوة الا بالله العلي العظيم

الله يهديك هذا سؤال

الله هو اللي رزقك بهالوظيفة ولا احد يقدر يشيلك منها الا باذن الله وماتدري ربي وايش كاتب لك من خير لو حصل وانطردت

ثاني شي ماتخاف ربي يعاقبك وبعد ماتشهد لمديرك يصير المدير الثاني هو مديرك عاد حلها هذا عقاب دنيوي

وعقاب الاخرة اشد

لا لشهادة الزور ابداً ابداً ابداً واقرا عن عواقبها وراح تكره الوظيفة اللي بتخليك تشهد الزور

نصيحة ارجوك تنفذها اشهد بالحق ولا شي غيره

ياخوي معليك منه اشهد بالحق ولا يقدره يكلمك واذا سوالك حاجة روح اشتك عليه بمكتب العمل

ياخي اشهد بالحق ومالك دخل او اقلها اذا سئلك قل انا خايف على وظيفتي مقدر اكذب و اي سؤال قل كذا الا اذا عطاك الامان وثاني شغله لو فصلوك رح لمكتب العمل