السلام عليكم ورحمة الله وبركاته
انا رجال لاني موظف ولا شي و نسبتي رايحه الجامعات ما تبيني و ش اسوي و الوظايف العسكريه غير مقبول و اذا قبلوني مرمطوني شهر و بعدين استبعاد و لا ما نبيك و مالي الا التجاره و الشغل الحر اكثر من واحد قال لي و المشكله يوم شفت اخوياي شباب و صغار ما يتعدى عمره 22 يشتغل و خيره واجد و مو محتاج شي
المشكله اني ما ني موظف ولا شي و لا يمديني اطلع قرض ولا حتى اتسلف من واحد لان التجاره ما هي مضمونه و لا ادري وش اسوي ؟؟ حاولت من هنا ومن هناك ما قدرت اجمع 500 ريال
وش الحل لا قرض و السلف ما ابي اخاف ابلش لي مع واحد يديني و يقعد ينشب لي كل يوم بالمحاكم و الدين يجيب السكر و الظغط و الكرسترول و الرومتانيزيوم و لا ادري وش الحل و ش رايكم وش تنصحوني فيه ؟؟ لاحد يقول لي رح توظف ولا رح دبر حالك ابي تجاره ما لي غيرها وش الراي يا وجية الخير ؟؟

الله يوفقك اشتغل في الوساطه ماتحتاج راس مال تبي واد مخلص زي ما يقولون اهل النيل

طيب جرب تدخل برنامج ريادة لانهم راح يمولونك بالمشروع وعليها راتب لمدة محددة حتى ينجح مشروعك .
واسأل الله لك التوفيق وان يرزقك من واسع فضله

اخوي اهديك هذا الموضوع .. اقرأه بروية وهدوء واقرأ جميع الردود واستخير الله وابدأ به
وابحث عن شريك مبدأئيا لمدة شهر ( ولاحظ الشريك يجب ان يكون مسئول ايضا عن الربح والخسارة والا دخلت في الربا حفظك الله )
على ان تظهر الهمة والحماس والعمل 18 ساعة لو لزم الامر
وعليك بالدعاء اللهم انا نسألك من فضلك - واللهم اغننا بحلالك عن حرامك وبفضلك عمن سواك ..

وربي يرزقك من اوسع ابوابه

هذا هو الرابط
https://www.btalah.com/t143221.html

انا نصيحتي غير ممكن تكون فيها اكبر تاجر في السعوديه
البورصه سوق الاسهم اللي فيه الهاومير خلك ياخوي جالس 24 ساعه بدون راس مال الاسبوع الاول مراقبه شوف وتعرف والاسبوع الثاني شوي شوي حاول تسال الاسبوع وجذي لين تفهم البورصه عدل ويكون لك معارف
وبعدين هناك مالهم خلق يتابعون باستمرار اعرض خدماتك قول انا اراقب الاسهم لكم وشطارتك
انا قبل فكرت ادخل الاسهم بس مالي خلق اتابع واكيد هالشغله يبيلها تفرغ مثل ادارة الاسهم
اذا استفدت اخوي ادعيلي بالجنه والرزق الحلال

طيب شور ثاني
مكتب عقار
اعرض خدماتك علي صاحب المكتب قول شنو تحتاج انا اسويه ولك الاجر يعني دخل الجانب الانساني فيها قوله انا ادورلك الزباين عندك سياره لف علي المباني الجديده اللي توها عظم ومطلوبه للبيع اخذ رقمه وروح نزلك موضوع في عقار سيتي ان عندك فلل للبيع باعلي سوم وجذي هي الشغله يبيلها صبر وشدة حيل الله قال اسعي ياعبد وانا اسعي معاك
طيب عندي سوال داخل عرض شلون تحمل الصوره وتنزلها عن النت نفس الصوره اللي فوق