السلام عليكم ورحمة الله وبركاته

كيف حالكم إن شاء الله دائما بخير ؟

تكفووون يالنشامى طالبكم تفزعون لي

الي يعرف احد بوزارة الدفاع والطيران ولا عنده واسطه يفزع لي ويرسل لي ع الخاص
وربي اني محتااج لهذي الوظيفة محتااج لها حيل
انا يتيم وانا اكبر اخواني وانا الي ادير امورهم والحاله الماده ضعيفه جداً وشبه مندمره
وطالبكم طلبه ان تفزون لي يالرجاجيل والله لولاظروف الوجت ماجيت لعندكم فيذا وطلبتكم
والله اني اكتب الموضوع الحين وكلي حزن وألم والدموع ماتفارق عيني
انا مقدم على كلية الملك فهد البحرية وللأسف ماقبلوني
ورحت لجمعيه انسان وقالوا لي بنقدم لك شفاعه وعطوني خطاب أوديه للواء رئيس اللجنة المركزية لقبول طلاب الكليات العسكرية
ووديت الخطاب وقالوا لي بندق عليك اذا صار شي في الموضوع ؟!

رجعت للجمعيه وقالوا لي والله ودنا نخدمك بعيوننا لو الأمير سلمان الله يحفظه موجود كان جبنا لك خطاب لكنه مو موجود رايح مع الامير سلطان في رحله علاجه
وفيصل ولد سلمان موموجود بالرياض ؟!

فوالله ثم والله ثم والله اني ماخليت شي إلا وسويته عشان اخش هالكلية
كل الشروط منطبقه علي إلا التحصيلي نازل نسبتين عن النسبه المطلوبه

وجامعات كثيره قدمت عليها وللأسف ماقبلوني
فأقرب جامعه او كلية مناسبه لي ولضروفي العمليه والمعيشيه هي كلية الملك فهد البحرية
فتكفووووووون يااخواني طالبكم طلبه الي يعرف اي احد يقدر يفيدني في هذا الموضوع ياليت يقول لي والي عنده واسطه ولا يعرف لواء ولا شخص يحل ازمتي ياليت يقووول لي

والي بيساعدني والله ماراح انساها له طوول عمري بيغير من حياتي انا واخواني وأبظل ادعي له مدى العمر
وان شاء الله امي الله يرحمها تدعيلك في قبرها

والموضوع عندي اكبر من كذا وربي فيه اشياء اعاني منها اسريه - اجتماعيه - ماديه كل هالأموور وحلها ألقى كرسي واحد بكلية الملك فهد البحرية
واعذرووني ع اللخبطه في الموضوع لأني والله كلي حزن وهمووم ولي اسابيع ما نمت زين كل يوم الصبح ناط عند مكتب ولا عند رجال !؟ لكن مالقيت من يساعدني !؟

والله يوفقكم والي ماعنده حل لموضوعي فتكفووون يدعي لي
والله يجمعنا بكم في جنات النعيم

[align=justify]

يخوي خلك من الواسطه اول شئ انت طولك لو هو مناسب ووزنك مناسب عط اوراقك اقرب ضابط بياخذها وقله ظروفك وصدقني لو لك شئ بتاخذه بس انت خل املك بالله كبير ولا تيأس حتى لو مأدخلتها الله ماخلق نفس ونساها يبي الله يعينك ويعوضك خير منها ..

امنياتي لك بالتوفيق
[/align]

أسأل الله أن يوفقك ويسعدك في الدنيا والآخرة.

أسأل الله العظيم ان يرزقك من حيث لاتحتسب

أسأل الله تعالى أن يرزقك الوظيفة المناسبة.

الله يوفقك وكل الشباب ويااارب ..

اسأل الله ان يجعل لك من كل هم مخرجا ، ويسعدك في الدارين فالواسطة ياخي الكريم هي الله عليك بالاستغفار والاستغفار والدعاء والله كريم وانا نفس معاناتك لكن لست بيتيم ولكن الواسطة ذي مسببه لي ازمه الله كريم.

عليك بما يلي:
صلاة الليل.
إقامة الصلوات بأوقاتها،
الإستغفار
الإستغفار
يقول الله سبحانه وتعالى

{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }

-----

-----

عليك بما يلي:
صلاة الليل.
إقامة الصلوات بأوقاتها،
الإستغفار
الإستغفار
يقول الله سبحانه وتعالى

{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }

وهذا مو كلامي

ولا كلام الشيخ .....

... أو المطوع .......

.. أو الداعيه .......

.... لا هذا كلام الله سبحانه ..

. الله الله في الإكثار من الإستغفار ..

{استغفر الله الذي لا إله إلا هو الحي القيوم وأتوب إليه

-----