البارحه قلبي تخمه طواريــــــه

ودموع عيني بالسهر بايــــــــــتتني

حاولت انام وسر قلبي بطاريـــــــه

ليه الضروف القاسيه عانقـتـــــــــنـي

سهرت لين الصبح بانت مواريــــــه

لين الشرقت شمس الضحى وحرقتــني

قمت اتذكر في زماني وماضيـــــــــه

اثر المشاكل من قديم التعبتـــــــــــــني

مسكين يالي عاند الحظ راعيــــــــه

هذي اللي با أ زمن حطمتـــــــــــــــــني

ومسكين ياللي وده الناس تعطيـــــــــه

وش عاد اسوي والظروف اجبرتــــــني

ومسكين ياللي راعي البيت شاكيـــــــه

مع الحكومه بالطلوع الزمتــــــــــني

ومسكين ياللي حق الجواد قافيـــــــــه

وفاتورت الكهرب بعد قافيتـــــــــــني


ومسكين ياللي صاحب الحق ناويـــــــه

ومنين اجيب ودنيتي عاندتـــــــــني

ومسكين ياللي جور الايام هاويـــــــــه

مات الطموح ودنيتي عقدتـــــــــــني

ومسكين ياللي سقم الاحزان لاويـــــه

الله يلعن عيشت(ن)جننتـــــــــــني

ليه ازمن يكتم على افراحنا ليــــــــه

وليه الهموم باليلها حاصرتــــــــــني

وليه الضعيف مالقى من يواسيـــــــــه

وليه العرب من قربها كارهتــــــــــــني

ليه ازمن يقسى على اللي حواليـــــــه

وليه الرفاقا بالجفااا جاوبتنـــــــــــــي

لا يازمن يكفي وش الي تسويــــــه

الناس قبلك بالهروج جرحتـــــــــــــــني

يكفي من كثر الغرابيل يكفيــــــــــه

خله يقول ان اليالي افرحتـــــــــــــــــني

اضحك مع العربان والهم مخفـــــــيه

واليا تكلمة الدموع فضحتــــــــــــني

قالو موسوس ياعسى الله يشافيـــــــــه

ماذاقو اللي بالخفااا ذوقتــــــــــــــني

الجرح لنه عالت(ن) من يداويـــــــــــه

عالت جروحي بالحشى ومرضتـــــــــــني

مستقبلي ضايع ولاحد(ن)نظر فيـــــــــه

وكل الدواير لا لفيت اطردتــــــــــــــــني

قدمت بالشرطه بالجيش مافيــــــــــــه

والقاعده ماضنها قابلتـــــــــــــــــــني

قالو قصير مالنا حاجه بيـــــــــــــه

العلم صامل واشروط اقنعتــــــــــــني

قصير القامه وش اللي يسويـــــــــه

ابي اتكلم ودموع ابعدتـــــــــــــــــني

ربي خلقني وحمدالله ورجيــــــــــه

مبطي ظروف الوقت ماساعدتـــــــــني

ذكرت انا امي والملفات بيديــــــــه

وش موقفي لاجيتها ونشدتـــــــــــــــني

ترفع ايديها باليالي وتدعيـــــــــه

لو هي بيدها من قديم اسعدتــــــــــــني

تقول يالوالي عن الناس تغنيـــــــه

لو الوظايف عندها وظفتــــــــــــــني

لا والله الا اصبر قلت حراويــــــــــه

وفي حالتي نص العرب لومتـــــــــــــــني

صح لسانك ولسان فارس الأبيات

قصيدة تضج بالشعور والألم وتبرهن وتؤكد صعب المعيشة هذه الأيام في ظل جميع الظروف

من العطالة التي تجتاح فئة الشباب إلى غلاء الأسعار إلى ما سيطول الحديث عنه


الله يعطيك العافية ويقوّيك

موفق بإذن الله ... لك مني أجمل تحية .

مشكورين على مروركم الطيب

صح لسانك



قصيدة معبرة



الله يعيطك العافية