بسم الله الرحمن الرحيم

[align=justify]
السلام عليكم ورحمة الله وبركاته
[/align]

انا من مسوبي حرس الحدود

انا العام الماضي قدمت نفس طريقتكم

خلصت القبول المبدئي بالدمام
تسليم الشهادة
وبعدها المقابلة الشخصية
واختبار اللياقة بالرياض
وبعدها جتني رسالة
حق المستشفى والبصمات والاحوال
ودفتر تعبئة البيانات
وسلمتها

والرسالة النهائية جتني في تاريخ 21/9/1431هـ

تم قبولك في دورة حرس الحدود بالرياض

الرجاء الحضور في تاريخ 15/10/1431هـ

وتخرجت في 1/5/1432هـ

وانا الحين اداوم في المنطقة الشرقية قطاع عردة بالربع الخالي دوام شهر وشهر عند اهلي افل امها فل


طريقة الدورة

بداية 45يوم
قبل لاتخش من عند باب مركز التدريب حط كرامتك في كيس واربطه على اساس بعد 45يوم تجي تاخذه
هههههههههههههه

اول اسبوعين يلعنو خامس خامسك من تدريبات وجزا وتصليبات
في الشمس

والاسبوع الثالث تخشو في التعليم

يعني تاخدو حصتين صباحية في الميدان وبعدها فطور وعلى التعليم لين الظهر

بعد صلاة الظهر غداء تتغدو

وبعد الغداء على حسب مزاج الضابط يمكن يخليكم في الشمس او يخليكم تريحو بالسكن لين صلاة العصر
وبعد صلاة العصر
حصة مسائية
وبعد المغرب البوفية
وبعد صلاة العشاء
تتعشو وبعدها على السكن
والمبزوط يجلسوه على حسب مزاج المستلم يخليه ينام بعدك بساعة

هذا جدول 45يوم

وبعدها
يجيك يوم طالب كل نهاية شهر وعندك خميس وجمعه لاتنحجز

وتجيكم نشاطات دوري كورة ثقافة
يعني ام الفله

وقبل نهاية الدورة
بشهر يبداء الجد
بروفات التخرج

واي واحد يبي يرتاح يخش اي نشاط

بتسير بعيد عن الميدان

ملاحظة (في كل مراكز ومعاهد تدريب حرس الحدود مدربين باكستانية)
يعني لاتهايط عليه عنده جميع الصلاحيات يجازيك ويلعب فيك لعب
بس كلامه يضحك ياهيواااااااااااااااان

والملاحظة الثانية (لاتسمع اي واحد يقولك بزوط تراه كذاب خلك محتر خير الامور اوسطها)
والملاحظة الثالثة(اذا سارت مشكلة قول مادري على اساس اخوياك ماتسير سكروب عليهم)

والله يوفق الجميع

اخوكم تركي
من دورة معهد حرس الحدود بالرياض
رقم الدورة 130