يا مراحب باصدقاني المدبلمين منورين الحته

في الحقيقه والواقع عند اكل الضفادع انا مقدم اليوم على برنامج ( تجسير ) وانا خريج كلية تقنيه ( حاسب آلي )

ومثلكم عارفين ، الناس فيه منهم الصادق وفيه منهم اللي خذ وخل :،)
لاني كل ماسالت واحد اللي يقول لي مدري وشهو ويضيف باخر كلامه ( سمعت )
واللي يقول لي حاجات خرافيه ويقول باخر كلامه ( العهده على الراوي )
بالمختصر المفيد انا مليت من اعظاء شركة ( يقولون ) ابي احد يعرف شخص موثوق فيه ويقدر يستفسر منه او انه استفسر منه من قبل يفيدني ويفيد اللي محتاجين يعرفون هالشي

انا ابي اعرف كم رسوم هالـ ( تجسير ) هل هو بالسنه ، او بالترم
وابي اعرف كم مدة الدراسه فيه ،
وابي اعرف هل فيه تطبيق او يكتفون بالتطبيق اللي اخذناه مع الدبلوم ،
وابي اعرف هل دوامهم صباحي او مسائي ،
وابي اعرف كم عدد الساعات كامله في الخطه ،
وابي اعرف مسمى الشهاده

طبعا هذي الاشياء اللي ماني عارفها

ويعطيكم العافيه واتمنى تنتهي ظاهرة العطاله اللي معنا واتمنى لكم التوفيق ولكم ودي وعبير وردي

خارج الموضوع : فيه شخص جايني برساله خاصه يقول ابي سلف ( عشر ريال )

وهو موجود بهالقسم

احب اقول له ترى انا كنت ادخن ( دانهل فضي ) بس لتاثير العطاله اعاذنا الله واياكم منها
صرت ادخن ( ال ام احمر ) حق السباكين والمبلطين

ابيك تستنج من كلامي هذا ردي لك يا اخي العاطل جزاك الله كويس

اخوي با النسبه للتجسير مازال موضعه معللق بين السماء والارض الى لان مافي علم اكيد واخر شي قريته هنا ان التجسير لابد من شرووط ومنها اجتياز التوفل وفي اشياء ثانيه الله يعين بسس

وكذلك لايوجد لجميع التخصصات تجسير

هههههههههههه دمك خفيف التجسير اللي اعرفه انه فيه بالباحه واحد من خوياي
يكمل هناك اما بكم ماادري والله

موفق بإذن الله ... لك مني أجمل تحية .