مقابلتي مع شركة الكهرباء ((هنا الاحداث))

ميسي الشرقية · #**181** (**permalink**) 07-09-2011, 05:01 PM

[align=center]
الحمد لله تــــــــــــــــم التوقيع
اول ما دخلت والمعجبات من يميني وشمالي

بعدها صورت قدام مبني سكيكو مع المدراء الاقليميين ورئيس الشركة

ومن بعدها نزلت واستعرض عند مواقف الشركة وتحيه من الجماهير المساندة لي

خخخخخخ بس ليش عطوني رقم اربعه رغم اني كنت ابي رقم 10 بس يالله خيره
........

اي سؤال يا شباب بخصوص ايش صار معاي انا جاهز
واللي عنده اي استفسار يقول وان شاء الله تكون عندي خلفيه ....

[/align]

سلطان السبيعيي · #**182** (**permalink**) 07-09-2011, 08:35 PM

السلام عليكم ورحمة الله وبركاته
اخواني الاعزاء انا خريج ثانوي وقالوا لي تخصصك تشغيل شبكات كهربائيه وتدرس في معهد البترول بالدمام
ومكتوب في العقد يبدأ بتاريخ 8محرم1433 والله مدري ويش سالفتهم
ووين مكان معهد البترول بالدمام ارجووووووو الافاده الله لا يهينكم

عبدالرحمن المداد · #**183** (**permalink**) 07-09-2011, 08:49 PM

اخوي سلطان التخصص هم اللي يختارونه لك وعلى حسب تخصصك تكون دراستك لان بعض التخصصات لا تدرس الا في معهد البترول بالدمام وبعضها بجدة
وارجو الذهاب الى موضوع تجمع المقبولين في شركة الكهرباء البرنامج التدريبي وضعت لك الوصف

ودمت بحفظ الرحمن

عـز · #**184** (**permalink**) 07-09-2011, 10:39 PM

اخواني اللي بقائمة الانتظار ..

هل فيه بصيص أمل لقبولهم نهائي ؟؟

يرجى رفع المعنويات ..

عبدالرحمن المداد · #**185** (**permalink**) 09-09-2011, 02:24 AM

السلام عليكم ورحمة الله وبركاته اخوي عز

اكيد فيه امل لان ولد عمي كان في قائمة الانتظار وجاه قبول نهائي ودراستة جت قريبة بعد
والوضيفة بنفس المدينة اللي ساكن فيها

لان هم اي واحد ينسحب من مدينتك وانت في قائمة الانتظار يستبدلونك فيه في نفس التخصص ونفس مكان عمله المستقبلي

فانت خل املك بالله كبير وماتدري ينسب احد ويحطونك مكانه بس انت شيك على الموقع كل يوم والافضل ان يكون تشييكك من بعد صلاة الفجر الى المغرب لان الوقت هذا هو اللي يرسلون فيه الرسايل

ودمت بحفظ الرحمن

سلطان السبيعيي · #**186** (**permalink**) 10-09-2011, 02:37 PM

مشكورررررررررررررررررررررررررر اخوي عبدالرحمن وبيض الله وجهك

عبدالرحمن المداد · #**187** (**permalink**) 11-09-2011, 05:05 PM

ولو العفو اخوي سلطان ماسوينا شي

ودمت بود

عـز · #**188** (**permalink**) 11-09-2011, 10:37 PM

مشكور حبيبي عبدالرحمن المداد

اخوي اتصلو عليه اليوم وقالو تجينا يوم الثلاثاء

وتجيب مؤهلاتك ورقم الايبان

المشكله هو صار له اسبوعين بالشرقية وحنا بالجوف , وشهادته الثانوي الاصل بجامعة الجوف ..

وهو الان معاه شهادة طبق الاصل للثانوي , هل يقبلونها لو وداها لهم أم يرفضون ولازم يطلبون الاصل ؟

لأن اعتقد راح ياخذ وقت على بال ما نطلع الشهاده من الجامعه ونرسلها له للشرقية ونخاف يروح عليه الموعد ..

لأن المسافة بعيدة من الجوف للدمام 1200 كيلو ..

اتمنى افادتنا ياغالي هل يقبلون طبق الاصل ام يرفضونها ..؟

والشيء الثاني هو من الجوف والجوف تابعه لكهرباء منطقة الشرقية ..

والمصيبه انهم قالوله اليوم ترا مكان التدريب (بـ أبها) !!!!!!!

وش رايكم هل يعقل كلامه ولا بس يبي يشوف جدية اخوي برغبته بالتدريب او لا !!

اتمنى تجاوبوني على هالسؤالين لأهميتهم

بارك الله فيكم

عبدالرحمن المداد · #**189** (**permalink**) 12-09-2011, 07:27 AM

العفو اخوي عز
بما يخص شهادة الثانوية الاصل

لازم انه يجيب الاصل لان صورة طبق الاصل ماتكفي ويشددون عليها بعد
وفيه طريقة انك ترسلها بالبريد السريع

بالنسبة الى التدريب مايقدر يحدد لك الا اذا جا موعدك لانه يشوف عقدك وفي العقد مكتوب كل شي
ومو شرط انه يدرس بالشرقية لان فيه ناس من القصيم والرياض راحو لجدة
على حسب التخصص يكون مكان دراستك لان بعض التخصصات تدرس في الكليات التقنية
وبعضها في معهد البترول بالدمام وبعضها بجدة وفيه تخصصات ماتدرس الا في ابها

والله يوفق الجميع

ودمت بحفظ الرحمن