[align=center]

السلآم عليكم ورحمة الله وبركآته
مجرد سؤال.. اللي عنده جواب وافي وكافي لآ يبخل علينا ونتمنا له و لنا وللجميع التوفيق..
س//

أنا من أهل الخرج.. جيت فالرياض وأخذت لي شقه على طريق المئه(مخرج 15 مسجد الراجحي)..

وأنا أدل فالرياض حاجه بسيطه.. وما أدل حي الملز اللي فيه المقابله الشخصيه حقت كلية الملك عبدالعزيز الحربيه .. ومقابلتي يوم الاثنين اللي هو بكره الساعه 6 الصبح..
اللي عنده خلفيه يدلني الله لآ يهينه من وين اطلع ووين اتجه(شرق غرب شمال جنوب؟؟)..وأبي
أسماء الشوارع وكم اشاره تواجهني وأي كبري اركبه ..؟؟؟

( أبــي كــروكــي مـــفـــصـــل) الله لا يهينكم وشاكرين ومقدري

تكفوؤوؤوؤوؤؤون الوقت أزف
_______________________
أدعوآ معي ....
اللهم ياحي يا قيووم في هذه الايام الفضيله أنك توفقنا جميعآ في كلية الملك عبدالعزيز الحربيه
..واللي مايتوفق في الكليه يااارب تعووضه اخير منها..
ياااااااااااااااااارب يااااااااااااااكرررريم

[/align]

يالغالي لو معاك جوال في نظام خرائط أقدر أسعدك وأعطيك خطوط الطول وخطوط العرض لموقع

انا اقول انك تطلع اللحين وتشوف المكـان مع اي لموزيـن .. الله يوفقك اخوووي

اولا اتمني لك التوفيق ثانيا اركب لموزين وريح راس من اولها قريطي ياحظره الضابط ههههههههههههههههه بالتوفيق ان شاء الله

وعليكم السلام ورحمة الله وبركاته
الحين انت عند الملز وانت جاي مع شارع الميه جاي من الشرق متجه غرب مسجد الراجحي على يسارك واسواق المجد على يمينك بوجهك تدخل الملز عاد لا وصلت هنا اسال

ششششششكرآآ ولا هنتو بيض الله وجيهكم عسالله يقسم اللي فيه خير وخيره

[info]
ألف مبروك .. لقد سعدت بهذا الخبر
[/info]

موفق بإذن الله ... لك مني أجمل تحية .

وعلييكم السسلام والرحممه ..
ربي يسسهل اموورك ..
ويحفظك ..
ويدلك على المكان بدوون لخبطه يارب ..

هذا رد لأخونا تعيس الحظ , ربي يزين حظظه ويووفقه ::

اقتباس:

المشاركة الأصلية كتبت بواسطة تعيس الحظ اخوي الروقي ابشر بسعدك 1اسم الطريق طريق الملك عبدالعزيز 2 مقابل اسواق الشعله>>اهل الرياض يعرفونها لاتخااف 3مبنى كليه الملك عبدالعزيز القديمه خذ الكروكي مني وانا اخوك^_^ تروح طال عمرك ع مخرج 13 كانك رايح للمستشفى العسكري ومدينه الملك فهد الطبيه تمشي حدود 5 كيلو يجي ع ايمينك مخرج مكتوب عليه شارع المعذر تروح معه عاد ينقسم نصين ياتروح يمين او يسار انت رح يمين تمسك اول اشاره خذ فوق تحت (ارجع) تمشي حدود 500متر يجيك دوار يعني اول دوار خذ معه يمين تلقى الكليه ع ايمينك واسواق الشعله ع يساارك اتمنى اني افدتك يا الغاالي وادعلي ان الله يوفقنا في الكليه^^