بلاه يا شباب ما تلاحظون ان غالبية المواضيع ( استفسار عن معلومه او طلب مشوره او حل لمشكله او اقتراح 000 )
وهذا شي يحسب للمنتدى ويشكر القائمين عليه وبصراحه استفدت كثيرا كثيرا من الاعضاء وردود المشاركين ولكن
لي فتره ليست بالقصيره ابحث عن موضوع يتحدث عن نجاح عضو موجود بيننا 00يعني وش قصدك ؟
يعني يتحدث فيه العضو عن تجربته الناجحه وكيف بداء وكيف هو الان 00 كثير من الردود تقول ( والله الفكره ناجحه اعرف واحد سواها ونجح فيها ) طيب وين ذا الواحد
اتمنى اني قدرت اوصل الفكره

الناس تخااف من (.) _ (,) > افهم يافهيم هههه

انا اعتقد ان الواحد من الشباب اذا انشغل بمشروعه ووفقه الله

يقل او ينعدم وجوده بالمنتدى


مثل العضو اللي يدور وظيفة

اول ما يلقى الوظيفة يترك المنتدى


تحياتي

ياخوي في موضوع مثبت فوق الي عنوانه 35 سنة تجارة أقدم لكم خبراتي ادخل عليه رح يعجبك مره


وتحياتي لك وللجميع

بالفعل أي عضو رااااح ينحج ويسير مستثمر ماراح تشوفونه لانه مو ااضي لنا!!

طيب انا لي تجارب ناجحة لكن لم استمر بسبب بعض الظروف اولها بيع الاغنام
كنت اشتري تيوس من ميناء جيزان ومصدر التيوس الصومال تيوس حلوة ودك تتفرج عليها بس

وكان معي هايلكس غمارة عليها شبك


كن في عام 1417 تقريباً
وكنت في العشرينات
المهم كنت اذهب الى مكاتب تبيع الماشية قريبة من البحر وادفع الفلوس واستلم فاتورة وكان قيمة الراس 140 ريال يابلاش
اشتري 20 راس طبعا السيارة كانت مركب عليها شبك
وتشيل اذا دخلت المينا كنت اوصي الهنود ينقون لان البيع بالراس ماهو بالحجم
واشيل التيوس واطلع لابها والخميس وابيع التيوس على محلات المندي
وكان في الغالب اول محل مندي ينزلها كلها يشتريها بالجملة كنت اتربح في الراس 50 ريال يعني ربحي 1000 ريال في اليوم
وارجع لجيزان في اليوم التالي
كنت شغال الصيفية كلها لكن مشكلتي الوحيدة السيارة ماهي لي واعطالها كثيرة وايضا دخول الميناء كان بواسطة شريكي وانتهت الصيفية والحمد لله لكن فيما بعد منع استيراد الماشية من الصومال ولا اعلم الان