السلام عليكم ورحمه الله وبركاته

مدري كيف ابدا لكن عندي استشاره وياليت احد يقدر يخدمني فيها


خلصت ثاني ثانوي ليلي السنه الماضيه وعرض علي عرض من اخوي اللي اكبر مني

قال لي اترك وظيفتك اللي انت فيها وادرس وانا اصرف عليك وعلي عيالك وظيفتي بسيطه جدا وراتبي

ضعيف يعني الوظيفه مو راس مال لانها قطاع خاص بعد مو حكومي

واخوي يبغي الافضل لي .

ابي رايكم هل ادرس ثاني ثانوي مره ثانيه عشان اخذ علمي ولا اكمل ثالث ثانوي ادبي

وفي حاله اني اخذتها ادبي وش التخصصات المطلوبه في سوق العمل للادبي

عمري 33 وعندي ثلاث اولاد ومحتار جدا هل ادرس او اجلس علي وضعي .

واتوقع الجامعات مراح تقبل واحد بعمري مافي الا ادرس علي حسابي

ابي دبلوم او اي شي ربما احصل وظيفه احسن او اجلس علي وضعي الحالي ................؟

شوف يا عزيزي تبي النصيحة روح المعهد المهني او معهد العمارة والتشييد اذا انت في الرياض
دراسة سنتين وتاخذ دبلوم طبعنا مع القرار الجديد من حضك تقدم بشهادة اول اوثاني ثانوي
وصدقني افضلك مناحية انة دبلو ومكافئة 800ريال وتقدر تشتغل لانة دوامة مثل الداسة العادية
وملاحضة اخيره انت عمرك 33
ولك طولة العمر وتشوف احفادك..... يعني الثانوية مارح تفيدك لانة ادبي وانت كبير معليش اذ كنت قاسي في كلا مي لكن انصحك في معهد العمارة والتشييد اذ انت في الرياض وا المعهد المهني وتقبل مروري

موفق بإذن الله ... لك مني أجمل تحية .

التخصصات معهد العمارة والتشييد في الرياض
1-- قسم الانشاءات المعمارية

2-- قسم الانشاءات المدنية

3-- قسم الرسم المعماري

4-- قسم المساح

المميزات..

1-- يحصل المتخرج على شهادة دبلوم

2-- مكافأة للمتدرب مقدارها 800 ريال

3-- يحق للمتخرج مواصلة الدراسة بالكلية التقنية

4-- يمنح المتخرج المرتبة الخامسة معتمدة من وزارة الخدمة المدنية


طلبات التسجيل...

1-- شهادة الكفاءة المتوسطة

2-- شهادة حسن سيرة وسلوك

3-- عدد ثلاث صور شخصية مقاس 6x4

وعندك المعاهد المهنية في كل مدينة وهي ايضا تعطي دبلوم ومكافئة 800 ريال ولكن التخصصات تختلف

شكرا اخوي وجزاك الله خير


وبروح لهم اليوم وسجل وان شاء الله اتوفق


وعلي العمر كبير بس مراح يكون العمر مانع من البحث عن الافضل

أول شيء احييك على عزيمتك واصرارك على البحث عن الأفضل
ولو عمرك 50 مايمنع انك تسعى لنفسك بالأفضل

اذا تبي رأيي مابقى الا سنة وتاخذ ثالث ثانوي حتى لو أدبي
كملها ليلي مع الوظيفه

وبعد ماتاخذ الشهاده ادرس بالدبلومات أو اذا توظفت بشهادة الثانوي ممكن يكون وضعك أحسن من الحين


والله يوفقك ويفتح لك أوسع أبوابه ياكريم

الله يوفقك

بالوظيفه الي تمناها

اخوي .باين انك انسان طموح ..بالنسبة للي قال روح المعهد المهني فانا اشوف انك ماتستعجل لين ماتتاكد هل الجامعة تقبل شهاداتهم لان بينهم وبين الجامعات خصومة كبيرة ...
بالنسبة لي اقول لك استخير الله عزوجل مرارا وتكرارا ..وكملي ثالث ثانوي ..ولما تتخرج ان شاء الله ادرس اداراة عامة باالانتساب او التعليم عن بعد ..ورسومها قليلة وممكن يسامحونك بعد ...
وان شاء اللهه اشوفك قريب معاك بكالوريوس ..



موفق اخووووووووووووووي

انا اشوف انك تكمل ثالث ثانوي ادبي وتاخذ بكالوريوس او دبلوم بعد الثانوي شبكات ولا حاسب ولا ادارة اعمال

بس لاتنسى ان اللغة الانجليزية صارت اهم من الشهادة الان

طبعا الدراسة مع الوظيفة افضل لكن اذا الوظيفة راتبها اقل من 2000 ريال حاول تشوف لك وظيفة افضل او اتركها واشتغل فالتجارة

مشكورين اخواني علي التفاعل ويعطيكم العافيه


وانا توكلت علي الله بدرس ثالث وانا علي وظيفتي

بس السؤال بعد ثالث هل بحصل جامعه ولا كليه تعطي دبلوم او بكالوريس

لو بدفع رسوم علي الدراسه وش التخصصات اللي يطلبها سوق العمل

واتوقع ادبي مجالاته قليله








وشكرا لكم