السلام عليكم ورحمه الله وبركاته ..

شحالكم يارجاجيل ..
فيه ناااس من اخوياي وصلتهم رساله من الخدمه المدنيه لحضور مطابقه البيانات في موعد قبل 3-9-1432 هـ

وش قصة هالرساله ؟؟ وظائف تعليميه ولا غير تعليميه .!!
واذا كانت غير تعليميه : باي قطاع راح تكون ..

ووين راح يكون مطابقه البيانات بـ اي فرع للخدمه المدنيه ؟؟

أستغفر الله الذي لا اله الاهو الحي القيوم واتوب اليه .

وش تخصص ااخوياك ؟؟

ما في أخبار بها الخصوص أسأل أخويآك ؟

أعتقد والله أعلم
إن خواتهم أو زوجاتهم مسجلين بموقع بجداره
وحاطين أرقام أزواجهم وأخوانهم
..
والمطابقه للوظائف التعليميه

غريبه حقت اي تخصصص

الله اعلــــــــــــــــــــــــــ م ,,

أنا وصلني رسالة الساعة 1.00 بالليل كنت احسبها مزحه وحصلت اللي مرسل فعلا من الخدمه المدنيه mcs-4026666
المهم مكتوب بالنص : الخدمه المدنية تدعوك لمطابقة بياناتك قبل يوم الأربعاء 3-9-1432هـ :
والله العظيم اني ما نمت من أمس ورحت وفعلت شحن النت عشانها وقمت أبحث بموقع الديوان وما حصلت أي شي يفيد بهالخصوص لا اسمي ولا رقمي
عندي دبلوم كلية التقنية تخصص محاسبة وقدمت على وظائف غير تعليمية بس انا قدمت بجدارة وكمان قدمت قبل جدارة أظن والله أعلم انها مو جدارة لأن مفاضلة الدبلومات أجلوها من 1- شعبان حتى بعد العيد

آسف ع الاطالة بس ارجوووكم الإفادة اللي عنده خبر مدري أروح أقرب فرع للخدمه المدنية أو بالرياض ؟؟


الله يوفق الجميع ولا تحرمونا من دعاءكم

يمكن احد غلط برقمك ياخوي والا وحدة من اخواتك قدمت وحطت رقمك ..

وهذا الموعد يختص بالبنات اخر موعد للحضور 3/9