[ محتاج رأيكم ] .. أفضل معاهد اللغة ؟!

رجل إستثنآئي · #1 (**permalink**) 26-07-2011, 11:26 AM

السلام عليكم ,
أخواني وخواتي الغالين , أنا ولله الحمد توظفت في شركة مميزة وراتب مميز
بكن لدي مشكلة عدم توفر لغة إنجليزية معي ,

أنا ساكن في الرياض ..
أبغاكم تقولون لي أسماء المعاهد اللي تعطي دورات وتنصحون فيها !
ويا ليت تذكرون إسمها وأسعارها وفترة الدراسة وتوقيتها وكل اللي تعرفوه وأهم شيء معتمدة

محبكم

Jurist · #2 (**permalink**) 26-07-2011, 12:53 PM

اول شيء الله يبارك لك في عملك ويوفقك يارب

معاهد تعليم اللغة الإنجليزية كثيرة في الرياض ، لكن في رأيي أفضلها هو معهد ( دايركت إنجلش ) اللي في طريق الملك عبدالعزيز قريب من بنده .. المستويات من 1 إلى 8 وفيه مستوى تمهيدي وكذلك في برنامج دبلوم لغة إنجليزية و كل مستوى تعطى حقيبة فيها صوتيات للدروس وكذلك فيديو غير الكتاب المقرر وكتب مساعده . المقرر نفسه ممتاز إلى أبعد مستوى .. والمركز نفسه جيد من ناحيه المكان والقاعات والمختبرات وكذلك التنظيم ولك الخيار في الصباح أو المساء .. وبالنسبة للشهادة ما تكون رسميه إلا إذا اجتزت اختبار ال TOEIC .. وإذا ما اجتزت تعطى شهادة من المركز وسجل الدرجات. لكن حتى تكون في الصورة أي معهد ما راح يعطيك اللغة 100 % لأن 70 % من تعلم اللغة يعتمد عليك وعلى طريقتك في الممارسة وهذا شيء أكيد .

واحسن شيء أنك تزورهم وتسوي اختبار تحديد مستوى وتطلع على المنهج والطريقه وكذلك المدرسين. اما الأسعار ما أذكر بالضبط كم كانت لكنها معقولة . هذا المركز بالذات وهذا الفرع هو أفضل شيء في رأيي .

أتمنى لك وللجميع التوفيق*

رجل إستثنآئي · #3 (**permalink**) 26-07-2011, 03:49 PM

مشكور وبيض الله وجهك , وفي انتظار البقية
وشرايكم بـ ELS ونيوهورايزن و وول ستريت ودايركت انجلش ؟

عاطلة مش بطالة · #4 (**permalink**) 26-07-2011, 07:15 PM

السلام عليكم ورحمة الله وبركاته

معاك انتظر فائدة

يعطيك العافية

يازين التجاره بس · #5 (**permalink**) 27-07-2011, 05:10 AM

ماانصحك بنيوهيورايزن
لانهم مبالغ خياليه على غير سنع
وديكور وأسم لا أكثر
والتعليم بديره وهم بديره

رجل إستثنآئي · #6 (**permalink**) 27-07-2011, 10:13 AM

عاطلة : حياك الموضوع موضوعك
يازين التجارة : أنا إستغربت كثير اللي يسبون نيوهورايزن
كنت أحسبه إسم كبير بهالمجال وإحترافيين ومدرسينهم أوروبيون وامريكان

شهادتهم معتمدة طيب .. ؟

Jurist · #7 (**permalink**) 27-07-2011, 04:32 PM

اقتباس:

المشاركة الأصلية كتبت بواسطة يازين التجاره بس

ماانصحك بنيوهيورايزن
لانهم مبالغ خياليه على غير سنع
وديكور وأسم لا أكثر
والتعليم بديره وهم بديره

نيوهورايزن متخصص في تدريب الحاسب الآلي يعني برمجه وشبكات

يازين التجاره بس · #8 (**permalink**) 28-07-2011, 01:48 AM

اخوي لو تبي تعليم لاتدخله
لكن لو تبي أسم شهاده أدخله
لان أعرف كذا شخص دخله يدور تعليم وماحصل هالشيء
والمبلغ حقهم مبالغ فيه لدرجة أنك لو تزوده حاجه بسيطه وتدرس برى مايفرق شيء

رجل إستثنآئي · #9 (**permalink**) 28-07-2011, 09:49 AM

أجل شكلي بدرس بـ برتش كونسل - المجلس البريطاني
اللي بالحي الدبلوماسي
كثير يمدحونه لي

ممرضه ولاحد يدري · #10 (**permalink**) 29-07-2011, 08:41 AM

انا مثلك اخوي قررت اقوي للغه الانجليزيه عندي بما اني جالسه بالبيت فاضيه
وانا انصحك بالمعهد الثقافي البريطاني بس بصراحة بعيد عني ماحد فاضي لي يوديني من مخرج 9 لحد الحي الدبلوماسي
فافكرت بمعهد بنفس المميزات اسمه السعودي البريطاني شارع الستين وان شالله باذن الله قررت اسجل فيه الاسبوع القادم وعندي هالتقرير ان شالله يفيدك