بسم الله الرحمن الرحيم

يااخوان هذا رد على موضووع مقاطعه بمنتدى اخررررر
لانى سعودى وافتخر في منتج مثل المراعى تشوف بالدول العربيه والخليج علامه ماثره
علامه قويه ومنتج سعودى ميه بالمائه يعطيك احساس ان السعودى قادر يعمل علامه قادره تغزو
الدول المجاوره نبي تكون هالشركه لها دور اقوى ولاتنسون ان لها اعمال خير مثل دار الايتام والعمره الى تسوى للايتام ودعم الجمعيات ولاتنسون انه هى من طور السوق السعودى
المراعى جوده تستحق الثقه والله اعلم انى غير مستفيد شي بس اعلم بقاء هذى الشركه هو تطور باقى الشركات ولو ذهبت راح تشوف اسعار خياليه لان ما فيه شركه تقدر توصل لى كل نقطه بالخليج وبالسعوديه مثالها وبنفس التواريخ الجديده وباشكال اكثر من 200 منتج
اتمنى نكون واقعيين وهذى ردى تحت

السلام عليكم والله ياشباب انا معاكم ان المقاطعه للمنتج الغالى شي طيب بس المراعى انضف وارقى شركه بالتعامل لاتنسى ان هى الشركه الوحيده الى نفتخر فيه من جميع انواع انتاجها ولاتنسى انه اكثر شركه توضف سعووودين وراتب اعلى من شركات اهل لبنان وفلسطين = سعودى اوجيه او بن لادن وكرف ياعمى انا انسان اعرف الشركه زين والله الامن فيها رواتبه عاليه ولا تحصله الا في شركه راقيه والسكن راقى للسعودين في المصنع حسب ماااسمع وسواقين الترلات السعوودين روواتبهم عاليه ووغير المسوقين وغير المندوووبين على العموم هذى الشركه ماينكر فضلها على تطوير المنافسين وتطوير نفسها الا جاحد يااخى والله انى متااكد من كلامى ا ى منتج منتهى او بكره ينتهى تاريخه وما ينسحب انه يحسب على المروج والمندوب واذا مر المراقب العام على المنطقه وشاف انه منتهى ممكن تااخذ انذار بالفصل لى هذى الدرجه الشركه حريصه على منتجاتها ودور لى شركه تسحب العصير قبل ماينتهى قبل 2 الى 3 ايام
ودور شركه توضف بهذا العدد من السعووودين والى يبي يتااكد يرووح فرع الرياض او جده الصباح ويشوف الاعداد من السعوودين المراعى لو زادت نص ريال صارت شركه فاشله وسيئه يااخوان قاطعو الاجانب بيبسي كولا الارز السكر دبل الكاكو دبل ويدخل في منتجات كثيره قاطعو اهل العماير دبل الايجار وش معنا المراعى والله والله انا لست موضف فيهااااااااا لكن من سنوات عملت فيه فتره بسيطه وانتقلت لى مكان اخررررررر على العموم الشركه الوحيده الى بالتووضيف بعد بدت الصافى ونادك تقلدهم اتمنى انى ماطووولت عليكم وكل انسان يسى لى منتج ويقول ليس مافيه انت بهذا الكلام تخسر الالف المساهمين للشركه وهذا بخس للعمل شركه وشي اساسي في تطور منتجات الالبان ولى نعلم ان الانسان محاسب امام الله بما يقول الله الله بالعدل بالطررررح


((( سنبـــاع ))))

خل ريالهم ينفعهم

اقول انت مسوي فيها محامي للشركة ..
ان شاء الله هي تكون عبره لغيرها من الشركات
واذا وظفت السعوديين فهذا غصب عليها ومن فوق خشمها توظف سعوديين
وبرواتب تساعدهم على العيش الكريم ..
والله لو مافيه سعوده مايوظفو ولا سعودي خل عنك بس
المقاطعه مستمره الشعب اللي رفعها الشعب اللي يخسف بها بإذن الله
وبإذن الله تلحق عليها شركة كوكا كولا وغيرها من النصابين

عاجل : اولى ثمرات المقاطعة شركة المراعي تنسحب وتتراجع وتعيد حجم 200 مل

ياشباب الى الامام الا مام وهذا اولى قطاف الثمرة والقادم بيكون افضل و اقوى استمروا


لا تضعفوا هذه صورة للبن اليوم كان قبل اسبوع تم انقاصة الى 180 مل اليوم تحت الحصار الذي يحيطهم من قبل المقاطعة اجبرتهم على الانسحاب والتراجع وعقبال باقي الطلبات تتحق وهذا يدل على نجاح المقاطعة بكل المقايس

888888888888
عقبال كوكا كولا

يعني بهالموضوع بتغير نظرة الشعب وتقنعة !!
شي عجيب ,,

المالكى ليه معصب نكون واقعيين بالطرح تقول مقاطعه والله مادرت عنكم المراعى وانا اعلم الكثير عن الشركه
لكن لابد نعلم ان الشركه ميه بالمائه سعووديه وترى الشركات الاجنبيه هى المستفيد من مقاطعه المراعى لانه سعووديه وقوويه وخاصه المشاركه مثل دانو شريك الصافى
المراعى له فضل واعتقد انتم ماعرفتم كم وضفت وهى ليست مجبوره توضف العدد الى عندها لان المقاولات وشركات اخرى ماوووضفت ربع المراعى

وتبقى الشركه علامه قوويه مؤثررره على كل الدول العربيه وانا لست محامى بس انسان اعرف اوزن الامور واتركو الحماس وتقليد الغيررررررر المقاطعه على كل شغله ترى ماااحد درا عن المقاطعه بس ردى هذا عشان نعرف ان كثره المقاطعه تصير بلا قيمه ونشووف اربااح الربع الثالث والرابع واتحدكم جميع اذا خسرت ريال وشكرا للجميع

أقول لا المراعي ولا الصافي صبوح الغنم وهو وبس
هههههههههههههههههههههههههههههههههههههههههههههههههه ههههاي

المقاطعه مستمره مستمره مستمره حتى الافلاس الافلاس الافلاس كفو كفو كفو يا عيال ابو متعب وانشالله شركة الوطنيه للدواجن وراهم ...مسكين سنباع تبغى تحامي عن عمانك انقلبت ضد عمانك متعب نفسك على وش اكيد في شئ والله ما تشقي نفسك الا وراك شئ والمصانع السعوديه اللي يشتغل بها الاجانب ما ضرنا شئ وكذبك ذا يوم تتفلسف علينا تحسب الشعب غبي ما يعرف شئ كلامك كله كذب وسقهااااااا

المقاطعة مستمرة ----وسمعت المتحدث باسم الشركة يقول ان المقاطعة ما اثرت على المبيعات ولا درو عنها يعني اسلوب تحدي بدل الاعتذار عشان كذا نسينا شي اسمه المراعي