السلام عليكم ورحمه الله وبركاته








كيفكم ان شاء الله طيبين حبيت اقولكم قصتي اليوم كنا انا والعيال جايين من الاستراحه ووناسه ومبسوطيين ولله الحمد والاشاره صارت برتقاليه وانا ازود السرعه وحمرت وماقدرت اهدى وفتحت الاشاره الثانيه عليه ههههههه تورطت ورحت فيها والله ضربت فرامل والسياره ماسمع الا صوتها هههههه والمشكله اللي قدامي شاحنه الحمدلله مادخلت فيها

قلتلكم هالموضوع عشان شيئين الاول: احذركم لحد يسرع والله مو زينه السرعه
والشي الثاني: الحمدلله الحمدلله الحمدلله

من جد الحمدلله الله ستر

السرعة / التجاوز الخاطئ / قطع الأشارة

أسباب الحوادث الرئيسية

اخوي الحمدلله على سلامتك

انت مسوي مصيبتين في واحد يعني زي الشامبو 2*1

بس الشامبو ازين منك بمليون مرة هو جالس على الرف وكافي خيره شره مع انه مرتفع شوي لكن والله مو منه من اللي يوزعه علانا

ولو اني انصحك بشامبو لادموع بعد اليوم لانه ما يخلي عيونك تدمع وانت ماتدري لكن مصيبتك هذي خلت دموعي تذرف اربع اربع ولو تشوفني تقول قاعد يقطع بصل.....

لكن فيه سؤال منطقي انت ما قد سألت نفسك هالسؤال..

اللي هو ان الثوم من نفس فصيلة البصل لكن لما تقطعه عيونك ماتدمع ليش؟؟؟

ان اقولك ليش لان الثوم مو من فصيلة البصل لان البصل يجيك لونين كأنه جمس يعني من برا احمر ومن جوا ابيض ولما تقطعه على شكل دوائر يطلع لك مربعات ان اقولك ليش؟؟

لان البصل من فصيلة الثوم .....


لكن اخوي اسأل نفسك سؤال ثاني ...

انت ليش قطعت الاشارة ؟

لانك زودت السرعة والاشارة صفرا وهذي مخالفة ثانية وبعدين قطعت الاشارة وهذي ثالث مخالفة...

طيب هل الشي اللي قطعت الاشاره على شانه تستاهل هالمغامرة ؟؟

يعني لاقدر الله وسويت حادث ....تعرف وش اللي بيصير؟؟؟؟؟؟


اول شي في حالة الوفاة بعيد الشر عنك....ماراح تكون لك دية.....تعرف وش معنى هالكلام؟؟؟

يعني تصير انسان مالك قيمة بعد موتك....

في حالة انك بقيت على قيد الحياة ...تسوي كل السيارات اللي صدمتها ....وفي حالة انك مسوي تأمين ....التأمين ما يغطي حالات قطع الاشارة....

بعد ما تدفع تكاليف تصليح السيارات ....تدخل في موضوع الحق العام ...وهذي عقوبتها سجن لمدة من يوم الى شهر....ويسجلون عليك مخالفة قطع اشارة



هذي نتيجة قطع الاشارة....مين يبي تكون حياته بهالتعاسة...

لكن احيانا تضطر انك تقطع الاشارة ....اقطعها لكن بحذر وعلى مسئوليتك....وصدقني المرور لو عرف وش اللي عندك صدقني راح يوقف معاك

اذكر مرة كان معي مصاب في حادث وكنت مسرع بالحيل وكانت تطردني دورية ...وقفت له ونزلت جري قلت له معي واحد مصاب وقاعد ينزف ....والله ماقصر الذيب مشى قدامي وفتح لي كل الخطوط حتى الاشارات قطعتها وهو قدامي الين دخلت بوابة المستشفى ....والله اني ادعي له ...والمصاب يدعي لي


بعدين اخوي ربنا عطاك عقل ورا ماتشغله والا فالح بس تحط العقال فوقه

قلي ليش؟؟؟

هاه رد...


رد ياخي


ليش ماتفكر ....


^^
امزح

^^
هههههههههههههههههه نوكومنت !!

ححلو إنك أخدت درس من ألسسسرعه ,,
الحممدلله ع سلآمتك ,,

حمد لله على سلامتك ياخوي السرعه شينه والاشين مايصير بعد السرعه

والله يهبل لساهر قنبله تفجرهم وتفجر من اخترع نظام ساهر هههههههههههههههههههههههه على طاري السرعه

ذكرتني بحادث شفته قدامي امس الصباح وانا رايح ع الدوام سيارة انقلبت بالخط ودصدم فيها سيارة من نوع جمس وطبعا راعي الجمس ما صارله شي لكن راعي السيارة الاولى مات الله يرحمه قبل مايجي الاسعاف وغطيناه وشلنا من وسط الشارع وحطينا فوق التراب والله ياشباب واقف عنده واتامل فيه واسال نفسي اقول ياترى كيف بتواجه ربك ياترى عملت ليومك هذا وهل كنت تتوقع انك بتموت اليوم تخيل لما تكون رايح الدوام مثلا او الجامعة وانت سايق السيارة وتفكر مثلا اليوم بتروح مع اصحابك بعد الدوام او مثلا تقول اليوم بتغدا كذا ولا تقعد تفكر ايش بتفطر وفجأة يجيك حادث وتموت في نفس اللحظه والله شي صعب والشي الغريب انه الآدمي ميت والناس ناظروه شويه وبعدين اللي يسولفوا واللي يكلم جوال واللي يمزحوا حسيت من جد انه الانسان بعد مايموت مايسوى وخلاص اصبح مجرد مااضي الله يكفينا شر الحوادث ويحسن خاتمتنا

مره لفيت يمين لن الاشارة حمراء وتاخذ سنة وهي ماولعت يوم لفيت يمين وعكس الخط
والاشارة الثانية توها مولعة واطلع يمين مع الاشارة الثالثة المهم شافني المرور السري
عاد انا كنت منسجم ع ابو ملوح ولا وقفت ولا دريت ان واري مرور ماوقفت الا عند البوفية
وطقني بمخالفة 500 ريال بس القطع النفروض فيه توقيف سالة ان كان فيه توقيف او لا
قالي لا ولي كم اسبوع اشيك ع الموقع انتظرها متى تنزل وسددها ماني فاضي دبل مخالفات