طبعا الموضوع واضح من العنوان سبب طرحي للموضوع في ناس تبغى تقدم على الجيش لاكن خايفه متدري عن الرواتب وعن التخصصات وافضل قطاع والدوام يقلون ان افضل التخصصات هي :


1/ الشرطه العسكريه
2/ الصيانه .
3/ الاشاره .
4/النقل .............................. والله ماعاد عرفنا الصدق نتمنى الي عنده معلومات عن افضل تخصص والراتب يفيدنا ولكم الشكررررررررررررررررررر.

1/ الشرطه العسكريه
اعرف اثنين
افصلو منها
يقولون مي حلووهـ
الله يوفقك ان شاءالله

اتوقع الصيانة

[align=center]
والله ما عندي اي خلفيه لاكن اعرف واحد من عيال عمي كان في الشرطه العسكريه وتعيينه عند اهله
وبين بيتهم ودوامه مشوار عشر دقائق لاكن فصل منها يقول دوام كرف ولا رواتب تستاهل
[/align]

أخوي أنا ماد ري بالظبط وش الرتبه إلي عطوك وكمان شهادتك إلي قدمت عليها


لكن الشرطه العسكريه والله ماعندي خلفيه عنها والصيانه فتختلف من منطقه لمنطقه عملهم


لكن الإشاره هي قسمين :

إشاره عامه وهذه أخس قطاع بالجيش وترقياته رايحه فيها

القسم الثاني ميكانيكي معدات إشاره وهذا قسم حلو جدا جدا وترقياته زي الحلاوه


بخصوص النقل ماعندهم إلا طلبة الله لكن أسأل عن ترقياته إلي أعرفه لاهي ماشيه ولاهي تتأخر



وعموما يعتبر الجيش أفضل قطاع عسكري ترقيات لكثرة الأرقام وعدم ثباتك في مكان واحد


أتمنى لك التوفيق

من ناحية الرواتب الشرطه العسكريه بس هلاك اما الراحه الصيانه وانا افضل الراحه كم يفرق 500 ريال 1000ريال

الجيش كله مايصلح .. خش اي قطاع الا الجيش لانه دمار للصحه والخافي اعظم

اخوي الشرطة العسكريه بالنسبة لي رواتبها افضل
والصيانه حلوه من ناحية الراحه
بالنسبة للأشاره لا تدخل هذا التخصص لانه مايصرف لهم بدل خطر
والله يكتب لك الي فيه خير

أسير مكه بالعكس الصيانه مايصرف لهم بدل خطر أنا في الإشارره ميكانيكي ويصرف لي بدل خطر