بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته ,,,,

شباب وانا ابحث في المؤسسه العامه للتدريب التقني و المهني لقيت برنامج فيه مهن كثييره

ادخلو على الرابط و اختارو اي تخصص يناسبك وانا عجبني مراا وحبيت افيدكم فيه

http://tvtc.gov.sa/ARABIC/DEPARTMENT...s/default.aspx

بالتوفيق للجميع

مشكووور يالغالي بس لاهنت كيف التقديم عليها ؟

وعليكم السلام ورحمة الله وبركاته

اللي أنت حطيته هذه لازم تعلن عنها الشركات ثم تروح تقدم عليها, اوضحها لك

الحين كل فترة والثانية نشوف إعلانات تدريب منتهي بالتوظيف ولمن تدخل عليه تحصل مكتوب تدريب سكرتارية وإداري ومحاسب ورجل أمن ( سكيورتي ) فلمن تروح تقدم على الشركة المعلنة يقولون لك راح تدرس مدة معينة (من 3 اشهر -الى سنة ) وبعد ما تنتهي من الدورة على طول تتوظف معنا

طبعاً مميزات هذه الدورات المنتهية بالتوظيف حسب ما قريت وبحثت عنها:
1-فرصة لتطوير لغتك الانجليزية
2-مكافئة شهرية تصل الى 1500 ريال بحكم انها مدعومة من الموارد البشرية.
3-يسجل إسمك في التأمينات الإجتماعية وتحسب لك خبرة.
4-دورة مجانية + شهادة معتمدة
5-تأخذ خبرة في التخصص اللي راح تدرسه سواء محاسبة او سكرتارية الخ الخ
6-تقدر تدور على وظائف ثانية بنفس التخصص اللي انت درسته وتبحث عن الراتب الافضل لك.

انا بعطيك افضل منها ان شاء الله بدل ما تنتظر شركة تعلن عن تدريب منتهي بالتوظيف.
شيك على هذا الرابط
http://news.hrdf.org.sa/overview/OrgDetails.aspx

وشوف التخصص المناسب لك وشوف متطلبات التسجيل ورح سجل عند الجهة اللي عندها الدورة.

علماً بأنني سجلت بإحدى هذه الدورات وايضاً أحيطكم علماً بأنهم لم يعلنوا عنها بس شفت نفسي فاضي ودقيت سلف بالاوراق وتم قبولي عندهم. ( وهي جامعة اليمامة دبلوم حجز التذاكر )

^^^
طيب اخوي التقديم اللي تقول عنه بجامعه اليمامه دبلوم حجز باقي مستمر ولا قفل

وجزيت بالمثل يا قنفذي اخلاق

اقتباس:

المشاركة الأصلية كتبت بواسطة كاشخ وعاطل ^^^ طيب اخوي التقديم اللي تقول عنه بجامعه اليمامه دبلوم حجز باقي مستمر ولا قفل

ما أدري سؤالك لي او موجه بالاسهم ^^^ لقنفوذي

عموماً توني دخلت على الرابط ولا شفت الجامعة شكلهم اكتفوا مع انهم ما اعلنوا والله غريب أمرهم لمن شالوها, وان بغيت النصيحة خذ رقمهم من موقعهم او اتصل على 905 واذا اتصلت عليهم اطلب قسم خدمة المجتمع والتعليم المستمر واستعلم منهم, او اذا انت قريب من الجامعة انقز لهم مع الساعة الان تشارف على 2.30 ولا تنسى اليوم ربوع والعالم تفقع من الدوامات, بس نصيحة اتصل عليهم وعلمنا وش يقولون لك او خذ صورة من الشهادة وبطاقة الاحوال ورح لهم يوم السبت الساعه 10 الصباح واطلب تسجيل

موفق بإذن الله ... لك مني أجمل تحية .