الشاعر
مبارك فايز البخيت المحمدي السبيعي


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/22.gif" border="ridge,3,silver" type=0 line=0 align=center use=sp num="0,black""]
بعض العرب لامن هرج هرجه اكبار=وليا تكلم قلت وش ذا الوليده
وليا بخصته لينه أنجس من الفار=الحقد في قلبه ونفسه زهيده
يمشي على وجهين بلسان مكّار=علم ٍ ينقص به والآخر يزيده
عنده علوم اطوال ويدينه اقصار=ويفرح ليا من حصّل اللي يريده
ويصور اللي باقي ٍ مابعد صار=وكثر التَمدّح مالي ٍ به رصيده
الطِيّب راح يمين وهو دربه ايسار=متسلح ٍ بعقال ولا ّ جريده
وليا كذب له كذبة ٍ مالها عيار=قام ايتخطف مخرج ٍ يستفيده
وسط المجالس عنده لسان ثرثار=يالله عسى الثعبان الأسود يصيده
الطِيب ماله عند الأنذال مقدار=وأهل القلوب الميتات البليده
يالله عسى الأنذال بقصف الأعمار=وأهل النمامه والعلوم النكيده
من شان مايحصل على العالم أضرار=اللي قريِّب دارهم والبعيده
والله يساعد كاسب الطِيب والكار=وأهل النوايا الطيّبات الحميده
اللي تعز الضيف وتقدر الجار=وقت المعاند بالمواقف عنيده
اللي يطبون الخطر وقت الأخطار=أهل العلوم الطيبات المجيده
ترا الردي غدار والوقت غدار=وترا الليالي لينات وشديده
الله يسترنا من الفقر والعار=وأجعل لنا يالله حياة ٍ سعيده
وأستر علينا ياولي وأنت ستَّار=وأجعل وفاة النفس عندك شهيده
والناس صارت تالي الوقت شعَّار=والفرق يطلع في معاني القصيده
وصلاة ربي عدّ همَّال الأمطار=على نبي ٍ نعتقد به عقيده
[/POEM]

الله يخارجنا من هالأشكال ...

صح لسان الشاعر
مبارك فايز البخيت المحمدي السبيعي


وسلمت اناملك يالضيم على نقلك وتنسيقك الرائع ....

رائعه جدا والله اعجبتني

أبيات رائعه <<< في وصف الأنذال ... الله يكفينا شرهم ...

... يسلموا الانامل ...

اللــــــه يبعد كل ردي عن دنيتكــ
أخوووووووووي
نقل راااااااااااااااااااااااااائع
أشكركــــ يالضيم..

قصيده رائعه الله يعطيك العافيه يالضيم ........

اشكركم على مروركم والردود

يسلموووووووووووووووووو

صح لسانك يالذيب