28-07-2011, 05:58 AM
|
عضو متواصل
|
|
تاريخ التسجيل: Dec 2009
المشاركات: 40
معدل تقييم المستوى: 31
|
|
اقتباس:
المشاركة الأصلية كتبت بواسطة جابر علي
روحي لمكتب العمل وراح يحلو مشكلتك
موفق بإذن الله ... لك مني أجمل تحية .
|
الله يعطيك العافيه بس ممكن وصف مقر مكتب العمل عشان اروح لهم او رقم تلفون لهم عشان استفسر منهم ؟
اقتباس:
المشاركة الأصلية كتبت بواسطة االضحيه سعيد
ياكثر مايسرقونكم يالبنات الله يعينك أسألي بشؤون الموظفين ومكتب العمل وببساطه خليك قويه وأطلبي توضيح قولي مكتوب راتبي4500 وأستلم3000
|
المشكله شؤون الموظفين بنفس المكان اللي اشتغل فيه ماتدري مستغربه من اللي حاصل !!
انا اخاف اتكلم مع المسئوله عن الشركه وبعدين تستبعدين من الموارد البشريه او تفصلني ودي اعرف من اي مكان بدون ماتدري عشان ماتشيل اسمي وبكذا ماعاد بيكون لي دليل
اقتباس:
المشاركة الأصلية كتبت بواسطة رهينك فديتك
[align=justify]
طيب اسألي مديرك فالعمل ليه راتبك مكتوب 4500 وتاخذين 3030 ريال بس ؟
وقولي انك بتروحين لمكتب العمل وتعدلين الراتب .. !
وشوفي يمكن انه يقولك الكلأم الصحيح وبعض الشركات للاسف لو مو كلها يتعاملون بالنصب مع موظفيهم ولأ ادري وش فائده هالنصب وكيف يرضى ياكل حرام ..
بالنسبه للتأمينات 200 ريال تكفي تأمين طبي يعني هالمبالغ كلها معقوله تروح للتأمينات الواحد يشغل مخه ويعرف انه ملعوب عليه
الله يوفقك ودعواتك لنا بالتوفيق
[/align]
|
سالت مديرتي في العمل استغربت وقالت اشتكي للموارد البشريه بما انه في موقعهم خانه للاستفسارات وتواصلي معهم وشوفي وش يقولون بس مااستفسرت منهم لانهم ماراح ينفعوني بشي لانه قبل زميلتي كتبت لهم ولا استفادت شي غير ان الشركه قالت انه خطا مطبعي وشالوا اسمها من الموارد البشريه لانها لين دخلت السجل المدني يطلع لها غير مدعومه مع انها قبل كانت مدعومه !!
اقتباس:
المشاركة الأصلية كتبت بواسطة E X I T
السلام عليكم ورحمة الله
طبعاً أي موظف سعودي يشتغل بالقطاع الخاص يخصم من راتبه الأساسي 9% للتأمينات الاجتماعية
من الراتب الأساسي فقط
|
وعليكم السلام ورحمه الله وبركاته
طيب اذا خصموا من الراتب 9% معناها ياخذون مني 297 ريال كل شهر اذا كان راتبي 3300 ريال بس هم يخصمون 270 ريال من اصل الراتب 3300 ريال مع العلم انه اصل الراتب حسب موقع الموارد البشريه هو 4500 ريال وانا مااستلم الا 3030 ريال والتامينات تستلم 270 ريال
اقتباس:
المشاركة الأصلية كتبت بواسطة سعد محمد
التأمينات مايقبلون رواتب اقل من 1500 بإختصار مستحيل إنهم مسجلينك في التامينات الإجتماعية وتأكدي اكثر من موقع التأمينات
|
دخلت موقع للتحقق من الإشتراك في نظام التأمينات الاجتماعية وحطيت السجل المدني وطلع لي
أنت مسجل حاليا وملتحق بعمل خاضع لنظام التأمينات الاجتماعية
إذا كنت... - غير ملتحق بعمل ينطبق عليه نظام التأمينات: نأمل إبلاغ المؤسسة بالضغط هنا للإبلاغ عن استغلال اسمك في السعوده الوهمية
- ملتحق بعمل خاضع لنظام التأمينات وغير مشترك في الخدمة الالكترونية: فيمكنك الاشتراك باضغط هنا
بما اني ملتحق بعمل خاضع لنظام التأمينات وغير مشترك في الخدمة الالكترونية لما جيت اشترك في ثلاث نماذج نموذج مشترك او نموذج صاحب عمل او نموذج جهه علاج اتوقع اختار مشترك وبعد مااختارها يطلب مني رقم الاشتراك ويقولون لازم اتصل على التامينات الاجتماعيه واخذ منهم رقم الاشتراك ثم اسجل عشان اعرف كم لي عند التامينات الاجتماعيه ؟؟
الله يعطيكم العافيه جميعا على المساعده وان شاء الله اي جديد في الموضوع راح اكتبه هنا
|
يعني تعبت وسالت ومااستفاده شي ماادري من الجهه المسؤوله اللي ممكن توضح لي وين ترروح 1200 ريال وليه ماكتبوا 3300 بدال 4500 ومن المستفيد من هالتلاعب !!
العرض العادي
