بدخل في الموضوع على طول انا اليوم رحت لمقابله وظيفيه ممكن تكون الاولى بعد المائه وهذى الوظيفه عن طريق صندوق الموار البشريه كنت متابعه الموضوع من حوالى الشهر الى ان تحددت المقابله اليوم وماخليت شى يطرا على بالكم من استعداد من ناحية الدعاء او من ناحيه المظهر الخارجى والاهم من ناحية التخصص وهى وظيفة مختصة في المحاسبه ومن ناحية المواصلات على فكرة احنا البنات العاطلات نجد مشكلة المشاكل في التوصيل واغلب المقابلات تروح علينا لعدم توفر المواصلات المهم ظبت وضعي وجيت قبل الموعد بعشر دقايق ومشت الامور تمام وكانت الاخت مبهوره من تخصصي وقصة كفاحى في الحصول عليه والمصايب التى عشتها في سبيل الحصول على لقمة العيش ووصلنا الى اللغة الانجليزيه وهنا تغيرت الاخت سئلتنى كيف لغتك قلت في خاطري اكذب قلت يله مافيه احسن من الصدق وبيني وبينكم انا اشوف وضعى في اللغة ممتاز بالنسبه للشفتهم ماسكين وظايف حكوميه وماعنده اللى عند جدتى ولكن ممكن تقولو جتنى صدمه في نفسى لان مرة عملت امتحان لغة واخذت 40 من 100 ونسبه الاجتياز 60 فقعد يحطم فينى المسؤل عن وظيفة سابقه من يومها وانا اشوف نفسي وسط في اللغه المهم قلت لها ممكن وسط وهنا قالت لى ببساطة مانقدر نوظفك وقالت شكرا ليك عاد انا ماخليتها ورديت شكرا لك على الاقل انتى صريحه قلتيها في وجهى مومثل غيرك بكرة ندق عليك وصراحه احرجتها احراج وطلعت وعلى الجو وحره انا ولعت معاد اشوف قدامى قلت للى موصلنى على اقرب قهوة والله ولعت وبلعت موكا مثلجه وعلى فكره فلوسها متدينتها والى الحين احاول الهى نفسي ومافيه فايده افكر الحين اكسر اي شى حولى يحدون الواحد على الحرام انا اقدر اتوظف في بنوك ولكن تاركتها علشان الربا وربي شاهد على الحمد لله وضعي احسن من غيري عندى اهلى موفرين لى السكن والاكل ولكن فيه اشياء الواحد خاطره فيها ولكن مايقدر لان ماعنده فلوس والادهاء والامر تلقين ناس مامعهم شهادات ويقصون في هالفلوس قص وانحنا ماقول غير صبرا جميل والله المستعان ((وعلى فكرة انا العضوه دلال7 ولكن عجزت ادخل بهالاسم فسجلت باسمى هذاء))