04-08-2011, 05:52 PM
|
عضو نشيط
|
|
تاريخ التسجيل: Sep 2010
المشاركات: 160
معدل تقييم المستوى: 107843
|
|
اقتباس:
المشاركة الأصلية كتبت بواسطة ي ليل خبرني
أخوي أنا قدمت عليها وكل شي تماام والشروط انطبقت عليا وعطاني رقم الطلب
السالفة انه قريبي شغال مو مو متدرب هناك وقالي يمديني ادخلك بالراحة بس مستقبلها
مو حلو لك انت >> بما اني مقدم بالثانوية , الزبدة قلتله خلاص بافكر واشوف , فأنت بما أنك متدرب وش تشوف وانا خوك تأيد كلامه ؟
وفي حالة اني رحت لهم يخلوني انتسب بالجامعة بعدين لا بغيت اترفع ؟
|
هلا اخوي ياليل .. تمام ,
بخصوص انها موحلوهـ لك لانك مقدم بشهاده ثانويه عامة ..
للعلم , وانت بشهادهـ الثانويه العامه ..
راتبك اساسي حيكون 5000 ريال .. مع البدلات يوصل لـ 7500 ريال تقريبا ..
بالاضافه للرعايه الطبيه ..
هذا وانت ببدايه عمرك .. ,
والدراسه بسيطه يبيلها شدهـ حيل خفيفه وباذن الله تعديها ..
وبرنامج التدرج بـ مرافق .. يضاهي بقوته برنامج التدرج بـ ارامكو وسابك ..
ومع اني اشوفها كـ مستقبل افضل من ارامكو ( وجهه نظر ) , ..
وافضل من بعض شركات سابك ..
والسبب من وجهه نظري يعود لقله الموظفين بالشركة وسرعه الترقيات ..
بصراحه الشركه حلوهـ وتوفر لك راتب ممتاز وبدلات ممتازهـ ..
وبتعيشك عيشه طيبه وكريمه باذن الله .. وبشهادهـ ثانويه عامه ..
اما بخصوص الانتساب .. يسمحون لك لكن مـ ياكدون لك ترقيتك ,
وممكن ماتفيدك الشهادهـ بالشركه كـ ترقيه او غيرهـ ..
وممكن تفيدك لو كانوا محتاجين تخصصك .. ( وهذا نادرا صراحه ) ..
لكن فيه حل ممتاز ..
وهو انه ذاك الوقت حتكون معك خبرهـ ماتقل عن 5 - 8 سنوات ..(غير انه راتبك حيكون عالي )
تقدر تقدم على شركات اخرى وتستقيل من الشركه , وطبعا تقدم ..
بـ , تخصصك الجامعي(انتساب) + بـ خبرهـ مشغل ..
لو الشركه رفضت تخصصك او رفضت ترقيتك ...
راح تلقى فرص اخرى باذن الله .. باماكن اخرى , ( الشركات بالهبل عندنا )
خلاصه ردي .. لو كنت مرتاح ماديا + ولي امرك يقدر يصرف عليك الين تخلص الجامعه + مخك نظيف وشاطر وتبغى تكمل جامعه ,
لاتروح لـ مرافق ولا اي شركه اخرى حتى ..
لكن لو كنت محتاج ماديا وحالتك نص ونص الى عاديه ..
لاتفوت فرصه مرافق ولا اي فرصه من اي شركه اخرى ..
ترى فرصه احسن من كذا بشهادهـ ثانويه عامه ( ما ا ا ا ا فيه , وشبه معدومه )
وراتب مثل هالراتب بالثانويه العامه ( قليل جدا ) ..
بالاضافه ايضا لو ماكنت حق دراسه ,
لان لو توظفت بالمرتب هذا ..
راح تكون حر نفسك + راح تكون خير سند لـ اهلك ..
والله يوفقك ويوفق الجميع يارب ..
واللي استفاد من ردي لاينساني بـ دعوه بظهر الغيب : )
وللجميع ,
اي سوال اخر او استفسار او مشورهـ بالخدمه ..
تحيه طيبه ..
|
العرض الشجري
