^
^

ادخل على ادارة التربيه و التعليم للمنطقة الي طالع اسم اختك فيها
و شوف اذا منزلين ضوابط اثبات الاقامه او لا

ما نزلوا ضوابط إثبات الإقامة

إدارة الطائف ما عندكِ أحد

الله يسهلها عليكم جميعآ

انا ياعالم من الدفعه الاولى الحمد لله ترشحت
المصيبه اني دخلت دورة انجليزي من امريكا
ولما طابقت قالوا ماتعتمد وهي ماتختمت من الملحقيه
اش هذا الحظ الحمد لله
الحين اخذوا اوراقي واعطتني نسخه من ورقه عبيتها عندهم وقالت راح اكتب في الكمبيوتر
غير مستوفيه الشروط
علشان ختم
حسبي الله ونعم الوكيل
اش الحل ياعالم
هل بيستبعدوني
هل تتوقعون
وحده جنبها تقول لا انشاء الله لا بس نقطتين راح تنقصينها
طيب يعني اترشح واقابل
ولا حلم الوظيفه وتبخر علشان ختم

اسألوا لي تكفون ما ادري الحمد لله واشكره على كل حال

^^^

الأخت مغتربة ,,, كآن الله في عونك ولكن التفاؤل طيب

بقولك موقف صار لأختي قبل ثلاث سنوات في ديوان الخدمة المدينة ... دخلت المعدل بالخطأ .. ويوم جينا نطابق قالوا إنتي مستبعدة لأنك غلطتي في المعدل

المهم بعد اسبوعين وهم يتصلون يقولون تعالي للمقابلة الشخصية والحمد لله على كل حآل

ولكن أتوقع مثل ماقالت الموظفة تنقص نقطة أو نقطتين وإن شاء الله ما تاثر عليك ... وخاصة إذا كآن تخصصك تربية إسلامية أو إجتماعيات لأن فيها إحتياج بشكل غير طبيعي

وفقك الله

تخصصي تربيه فنيه
الله يصبرني

يابنت الحلال لا تخافين أنا أعرف حركات الخدمة المدنية ووزارة التربية والتعليم
وصدقيني بإذن الله ما راح يستبعدونك .. وخاصة إنك ما أخطأتي في بيناتك .. فقط الشهادة لم تكن معتمدة من الملحقية الثقافية بواشنطن وراح يلغونها من النظام ويبقى لك المعدل والتخصص وأقدمية التخرج يعني مثل ما قالت الموظفة تروح نقطتين بالكثير
الشيء الوحيد اللي ما أعرفه هو نظآم إثبات الإقامة حسبنا الله ونعم الوكيل .. كل إدارة تختلف شروطها عن الثانية .. وين عايشين ؟؟ المفروض الشروط تكون واضحة للجميع وتكون من إختصاص الخدمة المدنية

الله ييسر لك سالفة اثبات الاقامه مصيبه ثانيه مافكرت فيها

الله المستعان تعجيز واذلال
طمنتني الله يطمن بالك

لا و الله ما اعرف بس على العموم انت شيك على الموقع كل فتره اكيد بتنزل الضوابط
لان اول دفعه من المطابقة خلصت و بترسلها الخدمه للتوجية

و اختي المغتربة اتكلي على الله و ان شاء الله ما راح يصير الا كل خير

بنات وش تسوي بنت جيراننا مقدمه على مركز المزاحميه وضرماء والرياض ورماح وحريملاء وثادق بس
طلع اسمها في القويعيه كيف بتثبت اقامتها هل عقد اجار ينفع ؟؟ لانه ماعندها اثبات اقامه ولا طلبت القويعيه
يحطونها بمكان هي ماطلبته بعدين يقولون لها شرط اثبات اقامه ؟؟ طيب بما انه من شروطهم ماتنقلين الا بعد
3 سنوات طيب وش يبون باثبات الاقامه خلاص يوقعونها انها ماتطالب بالنقل الا بعد 3 سنوات وخلاص ماله
داعي التعقيد