السلام عليكم ورحمة الله وبركاته
أخباركم شباب إنشاء الله تمام خلوني اخش في الموضوع على طول
أنا أنقبلت في الجيش سلاح الاشارة برتبة جندي أول على رقم عريف
طبعا أنا أنقبلت من زمان بس ما ابغى اروح الجيش بس قلت ما ابغى أروح إلا الداخلية
الحين انقبلت في قطاعين الامن العام وحرس الحدود وكلهم سقطوني عشان إني حامل أنيميا
والحين كل ما أقول لواحد يقول خلاص لاتقدم مره ثانية على الداخليه
والحين أنا ما ودي اقدم أخرب على ناس مافيهم شيء وانقبل أنا وبعدين اسقط
وقبل يومين لقيت واحد في سلاح الاشارة قال لي والله الدوام راحة والرواتب كثروها
يقول الحين معانا بدل إرهاب وقريب جاي بدل نائي ويقول لي تعال والله لتنبسط
والمشكلة يوم دق على التجنيد يقول وين نطبع لك القرار في تبوك وإلا حفر الباطن
وأنا ما ابغى إلا في جازان ومحتار حيره أروح وإلا ما اروح
قلت مافيه معايه إلا البطالة استشيرهم أروح وإلا ما أروح

انا اقولك كمل وامرك على الله وخذ حفر الباطن

انا اعرف رجال بخميس مشيط يبي ينقل وكثيرين الي يبون ينقلون من جازان او خميس مشيط

مراح تبلش بأذن الله

وبالتوفيق لك

روووووووووووح وش تنتظر

رورح ياخوي حبيت اسالك لما قدمت علي سلاح الاشارة مشيت في الكشف الطبي بواسطة ولا هم مشوك لاني انا زيك حامل الخلايا المنجلية وبي اقدم علي الجيش مادري يقبلوني ولالا وهل هم متشددين في الكشف الطبي والله يوفقك وسلامتك يالغالي

صلي استخاره وقرر بعدها وعصفور في اليد احسن من عشره على الشجره

والله يوفقك باحسن قطاع في الجيش

كم جلست ودق عليك الجيش انا لي شهرين ومحد دق