السلام عليكم ورحمة الله وبركاته

مساء / صباح الخير

اخواني انا عضو جديد واتمنى الكل يقرا قصتي للاخر

قصتي انا كنت عسكري بالسجون التحقت بتاريخ 3/6/1429 هـ
وتم تعييني بعد الدوره بالرياض بسجن الملز بالرياض داومت بالسجن حدود الخمس شهور وغبت عن الدوام لمدة سبع ايام لظروف عائليه قاهره الزمتني الغياب بحيث ان اهلي يبعدون عن مدينة الرياض 650 كيلوا فتفاجئت بعد رجوعي لدوام على اني اباخذ جراء وارجع اداوم تفاجئت بفصلي نهائيا جيتهم وقالوا لي رح خذ اخلاء طرف وعدل مهنتك من عسكري لمتسبب ليش وكيف قالوا مع السلامه فصلت بتاريخ 3/6/1430هـ حتى ما امداني اني استانس بوظيفتي مع العلم اني جلست بالدوره العسكريه مع مشاكلها وتعبها اكثر من ايام دوامي رجعت لديرتي وقمت اشاور وش اسوي انفصلت بسبب غياب سبع ايام والله ماتسوى انفصل على شانه غيري مريح عند اهله ما يداوم ويمشي راتبه وانا عشاني ضعيف قليل الحيله ماعندي واسطه افصل؟؟ قالو لي رح قدم اعاده خدمه يرجعونك اخذت اوراقي ورجعت لرياض قدمت اعاده قالو لازم يكون ماضي لك سنه على فصلك عشان نرجعك ليش قالوا كذا النظام رجعت وانتظرت سنه وقدمت اعاده على سجون الرياض وبعد معامله طويله رفضو يرجعوني واقدم معامله من جديد مافقدت الامل ومعامله طويله ثانيه وتنتهي بالرفض واروح ارسل معروض ومعاملتي كامله للامير محمد بن نايف بجده ويشرحون عليها فيما معنى الشرح اذا ملفه العسكري والمدني نضيف رجعوه وتروح المعامله للسجون ويرفضونها وارجع اقدم معروض من جديد على اللواء الدكتور الحارثي مدير سجون المملكه بالمعذر ويرفضونها واقدم مره ثانيه وثالثه ورابعه وخامسه وترفض ترفض ترفض قدمت 8 معاريض وكلها ترفض واطلع لوزارة الداخليه بالرياض واقدم معامله على الامير محمد بن نايف طبعآ مافيه امل ادخل عليه بس على الشؤون العسكريه وهم يودونها له ويشرح عليها نفس شرحهم الاول وهل السجن بحاجه لخدماتي والتاكد من انه حامل شهادت الثانويه وترسل الاوراق لمديرية المعذر ومن مديرية المعذر لسجون منطقة الرياض ويرسلونها لسجن الملز ودقو علي سجن الملز وطلبوني قالوا تعال وهات شهاداتك معك جتك الموافقه واطير من ديرتي لرياض فرحان واحمد ربي ومبشر امي وابوي قلت ابشركم وافقو يرجعوني واجي سجن الملز واعطيهم شهاداتي واسرق الانظار لكتابت العسكري وشفت انه كاتب اني من حملة الشهاده الثانويه العامه وان ملفي العسكري نظيف خالي من اي محاظر وان السجن بحاجه ماسه لخدماتي نظرآ لتزايد عدد السجناء وقلة عدد الافراد وكانت المعامله سريه وغلفوها وقالوا راجعها بمديريه المعذر بعد اسبوع عشان يعطونك رقم الصادر تراجعها بوزارة الداخليه قالوا بس روتين معامله وتخلص وترجع ان شاء الله فرحت ورجع لهلي وبعد اسبوع جيت وزارة الداخليه وادور المعامله ماحصلتها الا بعد شهر تروح من موظف لموظف الوكاد يوم لقيت الموظف اللي عنده المعامله اعطيته رقمها طقطق بالكمبيوتر وناظر لي بكل سماجه من ذلك الموظف ويقول ببتسامه ساذجه معاملتك احيلة للحفظ سألته طيب ليش وش الاسباب والموافقه صادره قال بكل وقاحه منه والله لازم عمل بطولي قلت كيف قال لازم تمسك لنا ((( أرهـــــــــــــــــــاربــي ))) وترجع لوظيفتك قلت ارهابي من وين اجيبه القاه في البقاله واشتريه مثلآ قال هذا اللي عندي وتوكل على الله عندنا شغل

انا كل اللي ابيه من صاحب السمو الملكي الامير/محمد بن نايف بن عبدالعزيز مساعد وزير الداخليه للشؤون العسكريه انه ينصفني ويرجعني لوظيفتي اللي صادره الموافقه عليه وحفظت من دون اي سبب بس من يوصل له صوتي وفيه ناس كثير عندهم نفس مشكلتي ومالقو لهم ظهر يسندهم وآسف على الاطاله بس اعذروني مقهوووووووووور

قال ايش قال امسك لنا ارهـــــــــــــــــــــــــــــــــــــــــــابــ ــــــــــــــي

الله يعينك ويفرج كربتك ويرجعك لوظيفتك عاجلا غير اجلا

ا لبس حزام ناسف وروح الدخليه فجرها
وقيم اوفر في دنياء غير ذي

الله يكون بعونك ويسهل امورك 00كلنا مثل ضروفك معاملاتنا تقعد سنين ماتخلص بسبب سوء تصرف موظف

مشكورين على اهتمامكم لموضوعي

ومشكور ياعاطل ترم واحد

وياعاطل باطل تصدق ان افكر اني اصير ارهابي واسلم نفسي عشان يرجعونني هههههههههههههههه بس ما اعرف اصير ارهابي وترا مهما صار لي ماراح اكون ارهابي لان البلا مو من الاسره الحاكمه البلا من البطانه الفاسده والموظفين الغير كفو لوظايفهم

ومشكووووور اخوي كوين الحنان على المرور لكن السؤال وين لجنة مكافحة الفساد بس حاطينه على التجار والموظفين يسوون اللي يبون بلا حسيب ولا رقيب لكن الله اقوى من خلقه

آلله يعييينك ، جد وآلله قهر ،

بس لآ تسكت ، حآول فيهم ، آرجع آرسله مره ثآنيه و ثآلثه ورآبعه ، ولآ شفلك وآسطه شي ،

وآلله يعوضك ب آلى آحسسسسسسسسن منهآ ، ويسسهل أمورك ، ِ

علىَ قولةِ اخويَ حفرآويَ : شفَ لكِ وآسطةَ وآموركَ ’’ تسآهيلُ ’’

..

آللهِ يٌ بشركِ بهآلشهرَ الفضيلِ آنَ شآءِ اللهَ بآنهمِ يرجعونكِ لوظيفتكِ يآخويَ عآجلَ غيرَ آجلِ بآذنِ اللهَ .

جــزاكـــــــــــــم الـــــلــــــــه عــــــنــــــــــي كــــــــــــــل خـــــيـــــــر

بحاول ان شاء الله برسل برقيات والله يقدم اللي فيه الخير

ومشكورين على المرور الجميع

تشكيلي أبكيلك

صدقني .. حنآ دايم كذا .. في كل مكان هنآ في السعودية
إلي ماله ظهر .. يصير لعبة و مسخرة بين ناس لا تخاف الله ولا لها ذرة وطنية

الأمير محمد و الله ما يقصر معاك و العائلة الحاكمة كلهم . بس البلا من العساكر هل سيسمحون
لك و لمعاملتك .. ؟ هذا لا أعتقده دمت سالما