الحمد لله ع السلامه

والله لو ما بعد المسافه كان رحت للرياض لكن لو كان طلع معك شي اروح ان شاء الله

بانتظارك

اكرر اعتذاري للتاخري عن الرد لاني مشغول جدا عموما السالفة وما فيها رحت للرياض يوم الاثنين وتوجهت الى وكالة الوزارة للشؤون المدرسية (( تابعة للوزارة التربية )) وبعد المرمطة من موظف الى موظف وجدت الموظف المسؤول عن مشكلة قياس والخدمة المدنية فـا كلمته عن الموضوع وطلب مني السجل المدني واعطيته السجل لانه يبي يشوف انا ناجح او راسب فقال لي : انت ناجح قلت : لا ياشيخ !! انا أدري اني ناجح وهذي مشكلتي اللي جيت عشانها وابي حلها قال : اسمع ابيك ترووح للوزارة الخدمة المدنية (( وزارة الخدمة قريبة من الوكالة 300 متر تقريبا يعني أروح كعابي )) و تقابل موظف اسمه يوسف الحامد ( مدير الاعلانات الوظيفية )) وتطلب منه خطاب للو كالة يعني خطاب من وزارة الخدمة الى وكالة الوزارة للــ..... انك لم تجتز قياس وبعدين جيب الخطاب لي هنا قلت : زين نرووح للوزارة الخدمة .

رحت للوزارة الخدمة المدنية وبحث عن الموظف اللي قالي اسمه فوجدته دخلت عليه و كلمته في الموضوع وطلبت منه خطاب للوكالة الوزارة فيما يخص قياس طبعا طلب سجلي المدني ثم رفع سماعة التليفون يكلم المبرمج المهم قال : انت مجتاز اختبار قياس قلت : كيف ؟ فرع الوزارة بالقصيم يقول العكس قال: السالفة و مافيها ان خريجي الفصل الثاني الذين لم يدخلو في مفاضلة شهر 6 لم تصلنا نتائج اختباراتهم وان يوم السبت وصلنا الــ CD اللي فيه نتائجكم من وزارة التربية و ان بياناتكم حاليا محدثة ولا يوجد اي مشكلة و اللي فهمت من كلامه يقول ماعليك من الفروع حتى لو قالوا لك ان عندهم بالنظام انك لم تجتاز قياس كانه يقصد ان بعض البيانات لاتظهر الا عند المبرمج قلت : طيب فيه زملاء لي تعينوا وهم خريجي فصل ثاني . قال : اللي تعينوا من الفصل الثاني حسب احتياج وزارة التربية, فا عند الاحتياج ترسل بيانات الطالب بما فيها نتيجة قياس والا الاصل هو لم يدخل في المفاضلة لكن عند الاحتياج ترسل البيانات و يترشح , عموما أنا اتوقع ان فيه دفعة قريبة والا ليه طلبوا نتائج قياس للدفعتنا ؟ ؟ المهم قلت :يعني خلاص اكيد عدلت بياناتي ؟ طيب والخطاب اللي طلبوه وكالة الوزارة ؟ قال : وش هو له اعطيك خطاب و انت عندنا ناااااااااجح في قياس ثم سألته اذا مافيه دفعات قريبة قال : فيه دفعة يوم الثلاثاء فا ما أدري اذا هو يقصد دفعة الـ(231) لكن هذه الدفعة نزلت بنفس اليوم اللي جيته فيه او قبل يوم , وما أدري اذا فيه دفعات غير هالدفعة او لا ؟ا لاني سألته وقال ما أدري حسب احتياج وزارة التربية

طولت بالكلام و الزبدة ان بيانتنا لم ترسلها وزارة التربية او لم تطلبها الخدمة المدنية و على ذمة ( يوسف الحامد ) ان CD وصلهم يوم السبت من وزارة التربية فيه نتائج اختبار قياس لمن لم يدخلوا في مفاضلة شهر 6 يعني خريجي الفصل الثاني وسلاامتكم . اذا فيه استفسار انا حاظر لان يمكن فيه اشياء نسيت اقولها ؟

اخوي زيزووم الله يعطيك العافيه ويعوض تعبك خير

بالنسبه ل cd اللي زودو فيه الخدمه المدنيه بروح السبت والموية تكذب الغطاس ... ( مو انت .. الخدمه المدنيه )

ومنها اعطيكم خبر عشان ترتاحون من قرفهم ونحالهم اللي جابلنا المرض

بيض الله وجهك يا زيزووووووم

و إن شاء الله ربنا يكتب لنا اللي فيه الخير و البركة

تكمله

يعني اذا انا طلعت بياناتي معدله وتجاوزت انتو اكيد نفس الشي

اخواني الراقي ح و سفير الود الله يعافيكم بالعكس ماسويت شي وبالنسبة للدفعة يوم الثلاثاء أعتقد انه يقصد الثلاثاء الماضي . أما موضوع الـ CD فهو يقصد جميع الطلاب اللي تخرجوا بعد 5/6 ولم يدخلوا في المفاضلة لذلك لم ترسل بياناتهم الا من استدعي للاحتياج يعيني ارتاحوا ماعندنا مشاكل تخص نتيجة قياس الكلام هذا على ذمة مدير الاعلانات الوضيفية والله أعلم وذمتي برية و أتمنىى انكم تراجعونهم وتشغلونهم وتتاكدون بأنفسكم