اخوي السيف الصارم ارسلت لك عالخاص اكثر من مره

ان شاء الله وصلت لانه اول ما ارسل اخرج من الموقع ما ادري ليش

ياشباب بالنسبة لاختبار قياس انتم لستم راسبين المسألة عدم ارسال النتائج من وزارة التربية واذا لم ترسل النتيجة يطلع عند الخدمة المدنية ( لم يجتز قياس ) وهذا يدل على العشوائية واللخبطة حتى في أتـفه الاشياء واسهلها فـالمفترض يطلع عندهم بالنظام ( لايوجد نتيجة ) او جملة مثل كذا عشان مايسببون ارباك و قلق للطلاب لان فيهم اللي كافيهم لكن وش أقول و وش اخلي من تخبطات الوزارتين و عشوائيتهم اللتي بسببها ظلم مئات الخريجين بدون مبالغة ((فأن كانت هذه التخبطات عن غير قصد فهذه مصيبة كيف لم تستطع وزارة مُسخر لها كافة الامكانات و تخطي أخطاء بدائية وتظلم بشكل فاضح و إن كانت هذه التخبطات عن قـصد فالمصيبة أعظم فكيف يظلمون مسلم وهم مسلمين والله المستعـان ))

أما بالنسبة لخريجي الفصل الثاني والذين ترشحوا وعينوا وفقهم الله لقد أرسلت بياناتهم للاحتياج يعني بشكل استثنائي لأن الأصل والكلام ليس لي : أن خريجي الفصل الثاني لا تشملهم مفاضلة 5/6 لأنهم تخرجوا بعدها********> لكن نسوا اخوانا بالوزارتين ان فيه طلاب خريجي فصل ثاني كملوا بيانتهم قبل لايتخرجون وهم يدرسون بالترم الثامن!!! فالمعدل عشوائي وتاريخ التخرج عشوائي و مع ذلك هم حاليا معلمين وما شا الله تشملهم العلاوة السنوية الله يوفقهم أما نحن حتى لو ترشحنا الان نبقى مظلومين (يعني لو يعنونا بكره برضوا مظلومين تخيل تشوف زميلك اللي تخرجت انت وياه سوا وأقل منك معدل مرتبه8500 وأنت 8000 أدري ان بعضكم مافرقت معاه لكن أليست ظلم ؟؟ .. لكن السؤال الوجيه على أي اساس يختارون ويرسلون نتيجة خريج الفصل الثاني للاحتياج ؟ هل هي على المعدل او على الواسطة !!! أو على ماذا ؟؟ فـاللي يظهر لي و يظهر لكم ان هناك خريجي فصل ثاني أقل معدل و مع ذلك تعينوا و التعيين من أبسط حقوقهم اللهم لاحسد لكن المفترض وظع الامور في موازينها و عدم الظلم و وفقني الله واياكم .

اتمنى ياشباب تراجعون الوزارة و تشغلونهم كما اتمنى ننظم نحن خريجي الفصل الثاني تجمع لنا قدام وزارة الخدمة ونفضحهم فضيحة عند الله خبرها يعني تخيلوا نرفع لافـتات نكتب فيها مشكلتنا مع قياس و عذر الوزارة الغبي والمردود عليه بأننا لاتشملنا المفاضلة و نسوا الحبايب انهم اخذين من خريجي الفصل الثاني و نقاطهم أقل بعد , فلماذا أرسلت بيانات طلاب و طلاب لا ؟ اتوقع ينزل الفايز براسه ويقول نعينكم بس نزلوا هاللافته الفضيحة و نصور التجمع و اللافـتـات او ننسق مع اي اعلامي ثم تنشر بالصحف الالكترونية . و الله العظيم لتصير أكبر فضيحة لوزارة الخدمة المدنية و احتمال يتكلمون عنها الكتاب وو و ..الخ و الله لو نتحرك راح نـحرج الوزارة لانهم أكلين خابور ما حسبوا حسابه بس لو نتحرك

بالنسبة للأخوان اللي يقولون حتى بعد ارسال الـ CD لازالت المشكلة موجودة (عدم اجتياز قياس ) المشكلة هذي حصلت معي عندما استفسرت بعد كلام مدير الاعلانات الوظيفية يوسف الحامد عن ارسال النتائج عند أحد الموظفين العاديين ( يعني غير مسؤول ) و قالي :لم تجتز قياس فا رجعت للـ الحامد وقلت له بياناتي ما تعدلت قال لي : ماعليك من اللي قالك لم تجتز ,بياناتك محفوظة عند المبرمج وأي مفاضلة راح تدخل فيها ما عليك من اللي قالك لم تجتز الموضوع عند المبرمج . بالنسبة للاخوان اللي يقولون نروح او ما نروح ؟ السؤال هذا مع احترامي لهم ماله داعي أكيد روح و تاكد من نفسك أنا قيل لي الكلام هذا قبل لا أروح للوزارة لكن ما ارتحت لين رحت بنفسي و تاكدت . هذي مافيها مشاورة يا أخوان واللي عنده ظروف و مايقدر يروح أبد , أنا يمكن أروح الاثنين القادم للرياض و أشوف وش صار وبأمكان أي واحد يرسلي ع الخاص جواله ويعطيني سجله المدني أو أخليه يكلم الموظف بالجوال و يتاكد بنفسه بعد بس مو بالحين اذا بغيت أروح راح اعطيكم خبر و بكيفكم . أتمنى تتفاعلون مع الموضوع اللي عنده اخبار او تعقيب على كلامي يشارك معنا و أي استفسار انا حـاضر ............

موقع الخدمة المدنية الفاشل الى الأن ما نزل مواعيد المفاضلات للعام الجديد
كل الموجود من القديم لا تحديث و لا شيء ,, تخلف !