للاسف مارحت اليوم :: انا قلت هالاسبوع بروح

الاثنين او الثلاثاء

السلام عليكم ورحمة الله وبركاته,,طبعا اول مشاركة لي في هالمنتدى..
أخوي محمد بن راشد تسلم وماقصرت ,, طبعا انا مثلك عاطل تربية خاصة فكري
وكدحنا وشقينا في الاردن وهذا النتيجه كملت سنه عاطل زين حن حافز وعطانا
.
.
وانا من كم يوم قابلت واحد شغال في التربية والتعليم بالشرقيه والرجال كلامه ثقه وقالي انتظر الى نهاية شهر 7,,طبعا مافي شي يخليني واثق لكن على كلام الشيبان " ذب حملك على الله"

السلام عليكم ..

مساكم الله بالخير ..

المهم أنا عضو جديد في هالمنتدى بحكم أني بأتخرج نهاية الفصل الثاني ..

بصراحة متابع هالموضوع من فترة ,
وما أقدر أقول إلا الله يوفق كل إنسان عاطل ويجعل التعيين من نصيبه عاجلاً غير آجل ..

أهم شي يا شباب تفاءلوا بالخير تجدوه ..

يعني إذا الله كتب لواحد إنه يتعين فـ بيتعين مهما حاول المسؤولين تطفيش الناس وتعقيد الأمور ..

ووالله واحد من جماعتنا أعرفه زين تخرج من الجامعة قبل 4 سنوات ( لغة عربية ) ومعدله جيد ..
وانتظر للتعيين طول السنين الماضية حتى ملّ واشتغل في مدرسة أهلية ,,
حتى أهله قالوا له يروح العسكرية لأنه مافي أمل يتعين خصوصا إن اللغة العربية مكتفين من زمان وعاطلينها كثير ما تعينوا ..
لكن جاه الخير والرزق من الله , مع المكرمة الملكية وتعين بعد 4 سنوات ,, طبعاً تعاقد السنة ذي ,,
وصدر ترسيمه في داخل الطائف >> ما شاء الله ..

فغلشان كذا خلوا أملكم بالله كبير وإن شاء الله بعد فترة معد نشوف أحد في هالموضوع إلا وهو مدرس متعين

الله يوفقكم ويسعدكم دنيا وآخرة ويكتب لنا اللي فيه خير ..

يمكن ما أدخل واجد هـ الأسبوعين لأن اختباراتي النهائية بدأت ..

الامل بيدالله وحده لاغير
ومثل مايقولون الرازق بالسماء والحاسد بالارض

واملنا بالله كبيرررر بالتوظيف

وان شاءالله مايمر شهر سبعه الا وحنا نسوي كشف طبي ومقابله

وان شاءالله نسمع بالاخبار الزينه اليوم
ويكون في واحد نشمي رايح او بيروح

السلام عليكم ورحمة الله وبركاته

اخواني الكرام انا من المتابعين لهذا الموضوع من بدايته عندي نقاط حاب اتكلم فيها

اولا نحن مسلمون ومؤمنين بأن الله هو مقسم الارزاق وان ارزاقنا ما بياخذها غيرنا وان الله تكفل بالرزق لجميع الكائنات على وجه الارض لذلك لا تتضايق من دخول خريجي الفصل الاول والثاني معنا في المفاضله كلا رزقه بياخذه واللي الله كاتبه لك مستحيل غيرك ياخذه .

ثانيا بخصوص تأخر المفاضله الكل يعلم ان الامر الملكي لخبط كل شئ وهو سبب تأخر مفاضلتنا الى الان انا اعرف واحد من زملائي في دفعة 1300 اداري الى الان ما انتهو منهم والبنات نفس الوضع والوزاره تتخبط يمين ويسار اتوقع بعد الانتهاء من تنفيذ الاوامر الملكيه يرفع الاحتياج ومن غير المعقول مايكون فيه احتياج (متقاعدين و استحدث مدارس جديده و بعض التخصصات يعملون فيها اجانب الى الان) لذلك لازم يكون فيه احتياج ومفاضله تعليميه وفي ضني المفاضله التعليميه مابتنزل الا في شوال .

بكل صراحه نعتب على وزارة التربيه والتعليم الضبابيه الموجوده الكل يقدح من راسه موضف يشرقبك وموضف يغربك وكلمة اتوقع كثرة والصحيح ان الجميع لا يعلم متى موعد المفاضله لكن بمجرد الانتهاء من الامر الملكي بيحددون موعدها الله يعينهم على اداء عملهم اسأل الله التوفيق للجميع .

محمد بن راشد سألت لك الله في ثلث الليل الاخير ان يرزقك ويرزقنا والجميع بالوضيفه عاجلا غير اجل الله يجزاك عنا كل خير


اخوكم/عبدالله الحربي

[align=center]


تكفون يأهل الرياض ...

اللي منكم يروح ينشد عن الرياضيات الجامعيين هل لهم نصيب .. وكم عدد الاحتياج ..
[/align]

سمعت ياخوي مملكة العلم انا في احتياج لمادة رياضيات والانجليزي والبدنية لاكن متى العلم عند الله

وانت اكيد مثلي خريج رياضيات الفصل الدراسي الاول

سبق- الرياض: بدأ المركز الوطني للقياس والتقويم في التعليم العالي، اليوم السبت، إتاحة التسجيل لأداء اختبارات القدرات العامة للجامعيين واختبار كفايات اللغة الإنجليزية STEB عبر موقعه على الإنترنت www.qiyas.org، ويستمر حتى يوم الجمعة الموافق 11/ 7/ 1433هـ.

وأوضح مدير إدارة العلاقات والاتصال والإعلام بالمركز إبراهيم بن محمد الرشيد، في تصريح له أمس، أن موعد اختبار القدرات العامة للجامعيين، الذي يستفيد منه الطلاب والطالبات المتقدمون على الدراسات العليا، وكذلك الطلاب المتقدمون على الكليات العسكرية، سيكون مساء يوم الثلاثاء 29/ 7/ 1433هـ، وسيتاح في 20 مقراً موزعة على مدن المملكة.

وأضاف أن موعد اختبار كفايات اللغة الإنجليزية (STEPالذي يستفيد منه طلاب وطالبات المرحلة الثانوية المتقدمون على بعض الجامعات، وكذلك المتقدمون للدراسات العليا، وعلى شركة الكهرباء والتأمينات الاجتماعية، إضافة إلى الطلاب المتقدمين على الكليات العسكرية التابعة لوزارة الدفاع، سيكون مساء يوم الأحد والاثنين 27 و 28/ 7/ 1433هـ، وسيتاح في 13 مقراً موزعة على مدن المملكة.

وأشار إلى أن طريقة التسجيل ستكون من خلال ملف الطالب، مبيناً أن على الطلاب الذين يسجلون لأول مرة فتح ملف لدى المركز من خلال الموقع الإلكتروني www.qiyas.org حيث يتم التحقق من جميع بياناتهم الشخصية، ومن ثم حصولهم على رقم المشترك الذي يستمر مع الطالب طيلة تعاملاته مع المركز، كما يمكن الدخول للموقع الإلكتروني للمركز للتعرف على طريقة التسجيل.

ويجيب المركز على جميع استفسارات المتقدمين وملاحظاتهم من خلال مركز الاتصال على الرقم 4909090-01 ، وللمتقدمات على الرقم 920001170، على مدار 12 ساعة، وذلك من الساعة الثامنة صباحاً وحتى الساعة الثامنة مساءً، وعبر شبكات التواصل الاجتماعية الفيس بوك وتويتر @Qiyasonline.


وهذا دليل يوجد احتياج انجليزي