يأخواني انا بقولكم وش اللي حصل من قبل الأمر الملكي الى اليوم

انتهينا من الأحتياج الرسمي للوزارة وتم تعين 6500 معلم وتم توجيههم نهائي

الأمر الملكي تم تعيين 7000 شخص تم توجههم مبدئي لحين حصر شواغر المدارس

بعد مده نزلت اسماء 1000 شخص بالأمر الملكي توجههم مبدئي

حدث التوجيه الأول لسد الأحتياج لكن لازلت المدارس مكتظه بدل معلمين صار اربعه بالتخصص الواحد

فتم توجيههم مرة اخرى للمدارس ثم مرة ثالثة وهذا يدل على ان الأمر الملكي سد الأحتياج لسنوات قادمة وليس لسنه

ثم تم تثبيت معلمي محو الأمية مع البنود وعددهم 5000 وزيادة تم توجيههم اليوم للمدارس

بحسبه بسيطة الأحتياج السنوي 6000 فقط الأمر الملكي 8000 الأمية والبنود 5000 المجموع 19000 معلم بسنة واحدة

لو قسمنها على الأحتياج السنوي اللي هو 6000 يطلع الأكتفاء 3 سنوات

انا اعرف مدارس فاضيه مافيها معلمين اليوم فيها أكثر من معلم وزيادة

الوزاره صدقت يوم قالت الاحتياج فقط في ثلاث تخصصات
وبدأت تظهر حقيقة هذا التصريح .. وهو تصريح رسمي
والدليل هو
6000 فقط الأمر الملكي 8000 الأمية والبنود 5000 المجموع 19000 معلم بسنة واحدة
انا تحليل للامور
اذا طلع احتياج لبعض التخصصات غير الثلاثه الي صرحت بها الوزاره ماراح يتعدى ميه وبالكثير ميه وخمسين
والدليل عن هذا السكوت يبغون يسدون الاحتياج ويحصرون الاحتياج ويطلع قليل مره وتوقع انه بيطلع قليل دام عينوا 19000 مدرس بسنه واحده وبذلك يطردونا شر طرده
لكن وين الي يروح للوزاره من اهل الرياض ويسألهم عن هذا السكوت

هل هي بوادر تحويلنا للمدارس الاهليه
مثل ماسوت وزارة الصحه بالناجحين بختبار الهيئه الصحيه عندما حولوهم للقطاع الخاص

لكن يارجال اني اتمنى الاداريه ارحم من الاهليه
لكن وين الي يروح للوزاره من اهل الرياض ويسألهم عن الاداريه
لكن طالبوا بالاداريه الي تخصصه فيه احتياج راح يستدعونه
والي تخصصه مافيه احتياج يوضفونه اداري والي مايبيها يرفضها ويتحمل تكاليف العطاله

اقدر اقول اني ضمن التخصصات المطلوبة هذا اللي
مريحني
اتمنى التفائل من الجميع وان شاء الله نتعين جيعا

تعجبني والله
لو طالبنا بالاداريه يوظفونا بسررعه والي تخصصه احتياج يستدعونه
وبكذا تضمن وظيفتك
اهم شئ تضمن دخل يغنيك عن الناس
والاداريه راح تجيك تقريباً على اول ثلاث رغبات

الوزاره معينه 19000مدرس يعني مكتفيه وذا فيه نقص ماراح يتعدى 100 لاغلب التخصصات
وبالنسبه للي قالوا ان فيه متقاعيدين ابغى اقولكم المتقاعدين رفعوا اسماءهم من زمان وراح يتقاعدون بتاريخ 14/8
والي خلاص ناوي يتقاعد وجهوا مكانه المعينن بالامر الملكي والمثبتين
والموجهين لهذه المدرسه الان جالسين بالمكاتب ماعندهم شئ بس ينتظرون
الي ناوين التقاعد ينهوهم من المدارس والموجهين لهذه السنه راح السنه الجايه يدرسون الماده

مفاضلة 1428 انتهت 5/20
مفاضلة 1429 انتهت 5/30
مفاضلة 1430 انتهت 7/20
مفاضلة 1431 انتهت 6/5
مفاضلة 1432 انتهت 6/5
مفاضلة 1433 ........!!!!!

تكفووون .. التربية الإسلامية وش وضعها

خلال تحليلي يا شباب من خلال متابعتي للوزاره الدجه والهجه حللت الموضوع قد يحتمل الصواب او الخطأ
1- الوزاره عنده احتياج 100 الف لو تبي توظفهم بيوم قدروا بس ما يبغون .
2 الوزاره تركز كل سنه على تخصص ما تبقي احد منهم ما تعينه على سبيل المثال حقين الدراسات القرانيه عام 1428 او عام 1429 ما احد جلس منهم عاطل وظفوهم من يصدق انه القرانيه له مستقبل .
3- عام 1432 ركزوا على تخصص الرياضيات حتى احد اصحابي متخرج الفصل الثاني وتعين طبعنا تربوي
4- السنه هاذي شف عاد وش التخصص الحظيظ .

السلام عليكم
يا شباب أنا حسب تصوري الخاص للفتره القادمه أقول لكم يوجد تعيينات هذي السنه ولكن لبعض التخصصات يوجد مثل الإنجليزي والرياضيات - و الحاسب ليس من تخصصات الإحتياج على ما أعتقد لأسباب منها تعيين 1150 معلم حاسب لذلك أكلناها السنه ذي - ..خيرها بغيرها ... اعتقد ان هناك مخطط قذر من كل من وزارة التربيه والعمل والخدمه لتعييننا في الأهليه وهناك برنامج من صندوق الموارد البشريه لتوظيفنا في الأهليه على ما سمعت يبدأ آخر شهر سبعه أوبداية ثمانيه .. الله يستر ويطلع ظني خاطئ .. الله يرزقني وإياكم التعيين يا رب فقد ضاق بنا الحال .

السلام عليكم
يا شباب أنا حسب تصوري الخاص للفتره القادمه أقول لكم يوجد تعيينات هذي السنه ولكن لبعض التخصصات يوجد مثل الإنجليزي والرياضيات - و الحاسب ليس من تخصصات الإحتياج على ما أعتقد لأسباب منها تعيين 1150 معلم حاسب لذلك أكلناها السنه ذي - ..خيرها:cry: بغيرها ... اعتقد ان هناك مخطط قذر من كل من وزارة التربيه والعمل والخدمه لتعييننا في الأهليه وهناك برنامج من صندوق الموارد البشريه لتوظيفنا في الأهليه على ما سمعت يبدأ آخر شهر سبعه أوبداية ثمانيه .. الله يستر ويطلع ظني خاطئ .. الله يرزقني وإياكم التعيين يا رب فقد ضاق بنا الحال .