المشاركة الأصلية كتبت بواسطة مفصول من حافز

المشاركة الأصلية كتبت بواسطة من أنتم

اخ العيال رحنا وكتبناا لكن مشكلة بعض الاعضاء يروح لاخر صفحة ويقول ماعندك احد

ترا بيشتغل البقس  هههههههههه

رحنا يوم الاثنين بداية الرحلة من حي السلام الى الخدمة المدنية لان احد الاخوان خريج جامعي غير تعليمي ويبغى يستفسر عن رقمه

المهم عطوه رقم وكم باقي قبله في الوظائف الادارية الغير تعليمية

المهم مريت على الاعلانات والوظائف وقالوا ماوصلنا احتياج واذا وصلنا راح نحدد المفاضلة التعليمية قلت له لايكون مافيه قال لي لا كل سنة فيه مفاضلة تعليمية

مر احد زملائي على مدير التوظيف وقال فيه مفاضلة وفيه احتياج راح يصلنا عن قريب من التربيه

توجهنا الى وكالة الشؤون المدرسيه بالمربع قابلنا موظف طيب وحبيب واستقباله لنا طيب سألته عن الاحتياج قال رفعناه قلت اكيد قال انا من ضمن اللي اشتغلوه عليه من شهر 4 وخلصناه قلت طيب بشرنا عن التخصصات المطلوبه قال والله مااذكر بالضبط لكن تبغى كل شيء بالملي رح لفهد النجيم قلنا له مشكور قال ياهلا والله ودي اني اعينكم اليوم قبل بكره الله يوفقكم

توجهنا للنجيم بمكتب بعد السلام سألناه عن الاحتياج رفع او لا قال لا والله باقي يبي له شوية تعديلات والنسخة النهائية الاسبوع القادم

ولا اقدر اعطيكم ارقام بعدين تطلع غير صحيحة بعد التعديل لكن بإذن الله يكون للجميع نصيب قلت طيب قل لنا من التخصصات اللي بالاحتياج قال البدنية والفنية والاسلامية والرياضيات قلت طيب العلوم قال والله نقول ان شاء الله

قلت طيب ليه التعديل قال امس فيه تثبيت لمتعاقدين وراح نخصمهم من الاحتياج مثل اللغة العربية عندنا احتياج نشوف المثبتين كم عددهم ونخصمه من الاحتياج يمكن يغطون عليه ويصير هالتخصص مافيه احتياج

قلت مادام كذا بتخصمون كل التخصصات وتقولون مافيه احتياج قال الاسبوع القادم يكون جاهز وتتضح الصوره ونعرف التخصصات المطلوبه وكم العدد المطلوب

قلت يعني اجيك الاسبوع القادم قال تعال ان شاء الله بيكون الاحتياج جاهز بالارقام

قلت ماقصرت ومع السلامه

المشاركة الأصلية كتبت بواسطة مآنشستر يونآيتد

[align=center]«التربية» تطالب برصد الاحتياج الفعلي للميدان التربوي

الأربعاء 23/05/2012
أصدر نائب وزير التربية والتعليم الدكتور خالد السبتي قرارًا بتشكيل لجنة لمتابعة استعداد الوزارة والميدان التربوي لبداية العام الدراسي المقبل، ورصد الاحتياج الفعلي من واقع المدارس، وكذلك تفعيل برنامج نور، وطالب مديري المدارس بسرعة تعبئة حقول الإعداد للعام الدراسي المقبل في برنامج نور في موعد لا يتجاوز الشهر الحالي مع تكليف منسق لجنة الاستعداد في الادارة بمتابعة المدارس، ومدى إنجازها وطباعة التقارير الخاصة بذلك، ورصد الاحتياج. وكانت وزارة التربية رصدت في السنوات الاخيرة مبالغات في رصد احتياجات بعض المدارس.[/align]

http://www.al-madina.com/node/379625

الحمد لله بدأت الأخبار الي توسع الصدر