المفاضلة التعليمية لخريجي الفصل الثاني

زيزوووم · #41 (**permalink**) 01-08-2011, 05:53 PM

اقتباس:

المشاركة الأصلية كتبت بواسطة فهد الاسطورة

ان شاء الله انا بروح الاربعاء للرياض و بروح للتربيه والتعليم

نبغي نعرف هل نقدم ع الاهليات او ننتظز او وش نسوي

لا تتكاسلون اخواني الي يقدر يروح لا يقصر الله يعافيكم

الله لايهينك اخوي اسألهم ورد لنا خبر انا والله لو بالرياض اني لانشب بحلوقهم لكن انا بقرية بعيدة عن الرياض واتمنى من الاخوان التفاعل لان خريجي الفصل الثاني تائهيين مايدرون وش هم عليه على ان مالهم حق ياخروننا سنه بدون وجه حق وحنا ع الخطة الدراسية

عبد الرحمن العلي · #42 (**permalink**) 01-08-2011, 06:20 PM

السلام عليكم ,,,

انا خريج ادب انجليزي معدل مقبول من جامعه الملك سعود الترم الثاني ,,,, والحمد لله اجتزت اختبار المعلمين الاول مو الاستثائي

سوالي متى مواعيد المقابلات الشخصيه ,, لانهم للحين ماعلنو شي ,,

لاهنتم

عمررررر · #43 (**permalink**) 01-08-2011, 06:45 PM

أنا معكم بعد ..
خريج كلية الشريعة الفصل الثاني
واجتزت اختبار المعلمين السنة الماضية .

ولا أدري وش بيكون وضعنا الآن هل في مقابلات او لا

فهد الاسطورة · #44 (**permalink**) 01-08-2011, 07:32 PM

شباب الله يعافيكم

كلنا ما نعرف عن المواعيد لابد ننشب لهم

انا بقريه ٥٠٠ كيلو عن الرياض بس بجي اراجعهم

لو نتكل على بعض ما راح نوصل لنتيجه

تبولوجي · #45 (**permalink**) 01-08-2011, 09:57 PM

الحين رياضيات و انجليزي عاطلين طيب اش الاحتياج خبروني؟

يمكن يبون طب ماجستير جراحه باطنية لصف سادس ابتدائي......................الله اعلم

مملكة العلم · #46 (**permalink**) 01-08-2011, 10:59 PM

تكفون ياهل الرياض :::

واحد يروح للخدمة المدنية .. ويسألهم عن التخصصات الشاغرة... .. اكيد أنها رياضيات وانقلش .....

وبعد الوزارة التربية .. تقول ان عندهم 3000معلم مصري متعاقد ... يأخوان ثلاث الألف معلم مصري متعاقد .... ليه ما يوظفوننا بداله .. نظاااااام العمل بالسعوديه يقول ان الوظيفه المشغوله بأجنبي في حالة وجود المؤهل السعودي تشغل به فورا..

القلق والضغط · #47 (**permalink**) 02-08-2011, 02:23 AM

ان شاء الله يكون في اخبار تفرح خلال الايام القادمه
قولوا ان شاء الله
وعليكم بالدعاء والصبر

عبد الرحمن العلي · #48 (**permalink**) 02-08-2011, 02:32 AM

السلام عليكم

الله يكتب الخير ,, بس والله بالنسبه لنا حنا ياخريجين الادب الانجليزي والكلام الي صار ان الانجليزي بيبداء من رابع ابتدائي واخرتها الاسامي الي طلعت من جداره .. سبعين معلم انجليزي فقط للمرحله الابتدائيه على كل المملكه انك تخاف انك تجلس .....ولكن رحمه الله اوسع من كل شي ,,

زيزوووم · #49 (**permalink**) 02-08-2011, 02:41 AM

الاخوان اللي يسألون عن المقابلة الشخصية مافيه مقابلة الا بعد ماتطلع المفاضلة وبعد المفاضلة مطابقة البيانات وبعد

المطابقة الترشيح واذا ترشحت يبقالك المقابلة والفحص الطبي يعني لاتسألون عن المقابلة حاليا اسالوا عن المفاضلة

عموما اللي يسألون مالوهم لان خريجي الفصل الثاني تائهين مابينو ايش وضعنا هل لنا شي هالسنة او يأخرونا سنة ؟ علما بأن اي تأخير والله العظيم محسوب علينا والله المستعان