26-01-2012, 02:55 PM
|
عضو جديد
|
|
تاريخ التسجيل: Nov 2008
المشاركات: 2
معدل تقييم المستوى: 0
|
|
السلام عليكم يااخوان
احب اذكركم بوضعنا الحالي احنا في عهد خير والميزانية ماشاء الله والدولة ماهي عجزانة توظفنا جميع
وش الفرق بينا وبين اخواننا اللي شملهم الامر الملكي فرق 4 اشهر فقط
يعني معقولة انحرم من امر ملكي عشان فرق شهور بسيطة احنا ضحية ظلم الوزارة
تذكرون لما قالو انه تم اسقاط اسماءنا من قياس وهذا بحد ذاته ظلم وتعدي على حقوق الغير
ياشباب والله فيه نقص وعجز في كل التخصصات حتى العربي والدين صاحبي لغة عربية تعين في جدة يقول المدرسة اللي انا فيها محتاجين فما بالك بالمدن الاخرى والقرى
حان الوقت لتغيير وضعنا بايدينا اذا انتظرنا وحطينا يدينا على خدودنا وقلنا ننتظر التعيين صدقوني هالشي ما راح يصير
ياشباب الامر الملكي ما جا الا بعد المطالبة والاجتماع والاعتصام
واحنا مطلوب منا وقفة رجل واحد على قلب واحد وهي المطالبة بضمنا الى من سبقنا حتى يصل صوتنا الى الملك والامير نايف
فكر في شي واحد هو تخيل انك انت وزميلك اللي قبلك بفصل دراسي واحد فقط وفرق 4 اشهر فقط
هو ما شاء الله يستلم راتب 8 الاف وانت مازلت على حافز ب الفين
مو هذا ظلم وقهر ويمكن اغلبنا ما يشمله حافز خصوصا لو تاخر تخرجه الى الفصل الصيفي
صدقوني يا اخوان ماهو عيب ولا حرام المطالبة بحقوقنا بالعكس هذا اقل حق لك
والله ياشباب لو ما تعاونا وطلبنا حقنا باحترام انهم راح ينسون منا ونروح ضحية ونقعد عالة على اهلنا لسنوات طويلة
صدقوني انا في فرصة ذهبية ما تتكرر
انا اولكم وليست بأخيركم مستعد نبدأ على الاقل بصفحة على الفيس بوك ومراسلة بعض الصحف
حتى نجتمع ونشوف العدد ونقوم بارسال خطابات موحدة على الديوان الملكي
صدقوني كلها شهر او اكثر ونضمن على الاقل نكون متعيين بداية السنة يعني باذن الله كلها 4 اشهر فقط واحنا في المدارس
وفي الاخير ادام لنا نعمة الاسلام والامن والامان وبارك الله في جهود الملك ورزقنا واياكم من واسع فضله
اخوكم فيصل
للتواصل والمشاركة ارسال رسالة خاصة في المنتدى او عبر الايميل
التعديل الأخير تم بواسطة تباشيرالصباح ; 31-01-2012 الساعة 01:10 AM
سبب آخر: يمنع عرض الايميلات
|
العرض العادي
