السلام عليكم ورحمه وبركاته
كما هو الحال اصبح القطاع الحكومي هو كل شي والقطاع الخاص مهمل من ناحيه الاوامر
والله تعبنا يعني بالله يروح يومي كله في الدوام 11 ساعه دوام الى متى يعني حتى وقت النوم مانام بعض الاحيان خايف مانام الليل اجي الساعه 6 البيت ونام ساعه ويمكن مانام علشان اصلي
والله صرنا مااحس بطعم الحياه حتى اني اصح يادوب اجلس مع اهلي وامشي نصف ساعه يومياَ علشان للجسمي حق 11 ساعه بس ع الكرسي واغلب الوقت فاضي ليش مايقللون الساعات خاصه ان بكره رمضان كل عام وانت بخير ليش كل الاهتمام بالقطاع الحكومي رفع رواتبهم رفع اجازاتهم تقليل ساعات العمل والخاص لاحياه لما تنادي يعني ادوام سبع ساعات يومياَ في رمضان مـو متعبه ياجامعه وربي متعبه 8 ساعات عمل وصيام وفي النهار وقت الحر
صراحه متعبه جداَ لكن ماودي اتركها لاني مابي اكون عاطل وعاله ع اهلي وربي مهلكه خاصه اني جالس مع ناس في المكتب غير مسلمين ..يعيني ممكن بكره يجيني بشاهي قدام

وين الي يسسسسسسسسسسمعنه

خلهاا على ربك يااخوي

السلام عليكم ورحمة الله وبركاته

والله يالغالي نفس الشعور المسؤولين همهم رواتبها وبس اما حنا في الشركات مظلومين بالقوووة
لي 4 سنوات تصدق وربي ما طلعت الاجازة السنويه
والراتب 1838 ريال بالله عليك هذا راتب موظف سعودي بس الشكاوى لله
تقبل مروري
تحياتي للجميع

السلام عليكم ورحمة الله وبركاته

مفروض نظام صارم تلزم فيه الشركة من حيث التعامل مع الموظف (بإنسانية)

يا تلزم فيه الشركة ( أم القطاع الخاص) أو بالطقاق يسكر صاحبها وعنه ما كسب ريال

.. بس لعب و تحليل بالطاقات البشرية . ,, ومن حلاة الراتب بعد ..

[align=center]المشكلة مافي اي حوافز مشجعه فالقطاع الخاص الى ما ندر

يعني الواحد يروح تفكيره للعسكرية قبل ما يفكر فالقطاع الخاص

ليش؟ اول شي الرواتب مرتفعه الجندي وهو جندي يستلم فوق 6000الله يرزقهم من اوسع ابوابه و لكن القطاع الخاص مثلهم يخدمون البلد وكلنا مسلمين !! وانا الي اتعب واجيب شهادة وفلاخير راتب اقل من 4000

ثاني شي فترة العمل العسكري يداوم يومين فلاسبوع كل يوم 12 ساعه "ودوام الفعلي 6 ساعات و 6 الباقية يروح يلعب بلوت ولا ينام الين ما ينتهي الدوام"وباقي الايام اجازة
و المعلم 6 ساعات فقط و القطاع الخاص من 8 الى 10 ساعات ويوم الخميس نص دوام بالله هذا شي يرضي الله وين المساوة

هذي فقط مجرد مقارنة لا احد يقول حسد لا والله ولكن من باب المساوة في الرواتب و فترة العمل

رومضان كريم
[/align]