[align=center]بسم الله الرحمن الرحيم [/align]
[align=center]اللهم لك الحمد اليوم انهيت المقابله الثانيه في التقديم لقوات الأمن الخاصه وكان كل شي على النحو التالي الحضور بالزي الرياض الحضور الساعه السادسه الأثبات الأصل وبطاقة العائله الأصل والصور الشخصيه ضروووري يا شباب تكون معكم ولا تراك بترجع بيتك بتجلس في المصلى ثم ياخذونكم مجموعات كل مجموعه عشره على حسب ترتيب الكشف تطلع فوق في النادي يدخلونك على اربعه ضباط يسألونك اسأله جدا عاديه وين ساكن ايش اسم جدك ايش يشتغل ابوك من وين انت فيه ضابط او دكتور مدري الزبده دكتور نفسي انا مثلن سألني تعاني او قد عانيت من امراض نفسيه او اكتئاب سألني وش تعرف عن الأمراض النفسيه سألني واحد منهم تدخن ولا لا ومن متى تدخن يسألك مثلن عن عدد اخوانك ترتيبك بينهم الأخير تراه يراقب مشيتك وانت جاي له خلك صلب وانت واقف قدامه تكلم بثقه لا تتردد بأي شي جاوب ولا تتفلسف ابد سألني من امير القصيم الضابط الأخير جاب لي كلمه وانت بديهي تكملها مثلن يقولك والعصر انت ترد ان الإنسان لفي خسر لأخر السوره يا شباب المقابله اي كلام والله انها شي سهل جدا بس ادخل وانت واثق ولا تخاف من شي وتكلم برجولتك خل عنك الصوت المنخفض والمتردد لا تحط يدينك بجيوبك اهم شي لأني زبد لي واحد منهم تقريبا هذا كل شي صار معي والحمد لله اجتزت المقابله بعدها الغير مقبول يعطونه اثباته وبطاقة العائله ويقولون الله يستر عليك اما المقبولين يعطون موعد في مستشفى قوى الأمن بالمدينه الي انت فيها ويعطونك ورقة التبصيم الأدله الجنائيه ويعطونك دفتر اصفر فيه عن الشخص الي بيكفلك والشهود وتعهدك ويكون مختوم من العمده وقسم الشرطه الي تروح له هذا تقريبا كل شي حصل معي الله يوفقكم جميا ولا تنسوني من دعائكم [/align]

موفق بإذن الله ... لك مني أجمل تحية .
بالنسبه للمقابله الاوالى الكشف الطبي كم المده بينها وبين المقابله الشخصيه الثانيه يعني يوم يومين اسبوع وشكرا لك
لاني انا موعدي يوم الثلاثاء 9/9 وانا من خارج الرياض عشان اعرف هل اجلس في الرياض اواطلع وارجع لهم مره ثانيه
وتقبل مرووري

الله يجزاك خير..

وفيه اختبار لياقه ولا

وكرت العائله لازم الاصل

ومبروك تخطيك هذه المرحله وبتوفيق

الله لايهينك
سؤال هل مراجعة المستشفى في رمضان ام بعده

غريبه ما سوولك اختبار لياقة جدا موضوع محير

ننتظر معلومات عن الكشف الطبي ووين مكانه وكيف طريقته

تحياتي لك