السلام عليكم

سبق وكتبت موضوع عن القبول المبدئي
وهذا رابط الموضوع
https://www.btalah.com/showthread.php?t=332957


بعد القبول المبدئي عطونا مواعيد
ورحنى للمركز والمدرسه بالدفاع الجوي بجده
وطبعاً بصمونا على ورق اللي هي أنك دخلت العسكريه بارادتك الشخصيه
وبدون أي أجبار وتتعهد أنك تسلم الاوراق قبل 10 رمضان

وبعدها عطونا موعد لتحليل ورحنى ودخلونا داخل مسجد
وحللونا تحليل مخدرات على كلامهم

بعدين عطونا مواعيد للكشف الطبي


اليوم موعدي تبع الكشف الطبي

أول شيء رحنى للبوابه نفسها بعدين جانا عسكري وأخذنا للمستشفى
مستشفى القوات المسلحه طبعا

دخلنا عيادة التجنيد وكان فيها توزيع ورق ورق الفحص الطبي

طبعاً كانت اول ورقه اللي هي تحليل مخدرات ثاني
ودخلونا داخل فيه عياده وفيها واحد ماقصر
بالترتيب أربعه أربعه تدخلون وتحللون وتسجلون أسمائكم
بعد ماتنتهون تطلعون للمستشفى نفسه ومعاكم باقي الاوراق
تروحون لقسم سحب الدم فلبينيين طبعا
ياخذون منك دم أربع علب بحجم الابره
ويعطونك علبة بول تعبيها بعد

بعد ماتخلص تنزل لدور الارضي فيه الاشاعه
يقولك فصخ ثوبك وتروح للجهاز وتاخذ شهيق ويصورك

بعدين عطونا موعد لتكملة الفحوصات الباقيه اللي هي الباطنيه والجراحه وغيرها يوم الاربعاء الجاي


أنا كنت مخلص كل أوراقي حقت العمده والشرطه وغيرها من الامور

رحت لبوابة الدفاع الجوي وقلت بدخل عند التجنيد
ودخلونا ورحت ل أرجل واحد بالدفاع الجوي / الرقيب نواف باخت العتيبي
والله من جد أنه رجال وماتوفيه الحروف
لانه متحملنا على أخطائنا وعلى عدم فهمنا ويشرح لنا مره ومرتين
ويقولك لو فيه لخبطه علمني أنا موجود
ويتابع معاك بالاوراق
ونفسيته عسسسل حتى أخر الدوام
المهم يعطيك ملفين لونها أزرق على أخضر
تعبيها وتبصم بالعشر عليها
ولازم تجيب معاك ملفين علاقيه أخضر
ملف تحط فيه صور من جميع المستندات والوثائق
وملف تحط فيه جميع الاصول
وطبعاً هو يعلمك كيف الطريقه ويعطيك الخرامه والدباسه
حتى طريقة التخريم ماقصر يعلمك بالتفصيل كيف
وبعدها يشيكها لك ويسجل ثلاث جوالات لك
ويقولك بالتوفيق لك أنت مقبول نهائياً
الا اذا صارت مشاكل بالفحوص
وراح نتصل عليك برمضان قبل الاجازه نعلمك بالشيء الاكيد


ومن هالمنبر أحب أشكر/ الرقيب نواف باخت العتيبي
على قولتهم من لا يشكر الناس لا يشكر الله
فهو أنسان خلوق وماقصرت معانا ياجعله للجنه يارب
ومهما تكلمت ومدحت فيه ف بكون مقصر جداً بحقه
وقسم بالله أنه أرجل شخص بالدفاع الجوي واجهته


وبالاخير دعواتكم لي وللجميع بالتوفيق