السسلام عليكم ورحمة الله

الشهر مبااارك عليكم ان شاءالله


شباب انا بقولكم شي

انا قبلوني بكلية الاتصالات والمعلومات بالرياض

وطالبين مني شهادة الثانوية الاصل

وانا الاصل حقتي بالجامعه ما اقدر اسحبها الا بكره ان شـآءالله

وموعدي عندهم بكره

وش الحل اروح لهم بشهادة طبق الاصل واجيب الشهاده لهم بوقت ثاني

ولا عادي لو انتظر بكره اروح اخذها من الجامعه واروح لهم يوم الثلاثاء ؟

تكفون ردو علي اتصلت على كلية الاتصالات ومحد قاعد يرد
وانا من وادي الدواسر مسافتي موب بسطيه

الله يسعد اللي يرد علي

ضروري الآصل ياخوي
ولازم بالموعد المحدد لك هذا اللي عندي
وموفق أخوي صلوح ويجي من يفيدك ...

هلآ وغلآ يآ آخوووي ..

تبي آلعلم آلزين ..

آولاً :عسى ربي يوفقك ويسهل آموركـ ..

ثآنياً : خذ نصيحتي أحسب مسآفتك من وآدي آلدوآسر للريآض وعلى كذآ آمش من آلدواسر قبل آلدوآم عشآن

مآتوصل آلريآض إلآ على وقت آلدوآمآت وتروح للجآمعه تأخذ شهآدتك وتروح لكلية الإتصآلآت وتخلص آمورك

دآم موعدكـ بآكر لآتفوتهآ على نفسك يآلغلآ وآلله يسهل دربك وخطآويك ويكتب لك آللي فيه آلخير ..

موفق بإذن الله ... لك مني أجمل تحية .

المدارس الثانويه تعطيك اصل الشهادة الثانويه ومعاها صورتين مختومه طبق الاصل بختم رسمي وتوقيع
اذا معك وحدة من الصورتين طبق الاصل اتوقع انها بتمشي لانو هذا هو الغرض من الصورتين طبق الاصل انها تنفعك في التقديم لاكثر من جهه للقبول

وعالعموم اهم شي الحضور في الموعد المحدد

يعني لو قدرت يكون افضل انك تروح تجيب الشهاده الاصل وبعدين تروح عالموعد
لكن اذا ماقدرت خلاص لاتخاطر وتخلي الموعد يروح لأ خذلهم صورة طبق الاصل ابو الختم الرسمي وجيب الاصل بعدين اذا طلبوه اهم شي الموعد مايروح لانهم اذا مارحت عالموعد مارح يستنوك رح يقبلوا اللي بعدك احتياط على طول ويروح عليك كل شي ومارح ينفعك اصل الشهاده وقتها
وبالتوفيق

يعطيكم العافيه

هذاي بالرياض والله يعين
جبت طبق الاصل والله يسهل

بس بسألكم وين تقع الكليه يقولون مع مخرج 9 وبعدين وين

الله يوفقك ويارب تكون وصلت لهم ,, هذا الموقع دورت لك بجوجل وطلعته
الموقع الجغرافي لكلية الاتصالات و المعلومات بالرياض:

تقع كلية الاتصالات و المعلومات بالرياض في الجزء الشمالي من حي المرسلات على طريق الامام سعود بن عبدالعزيز بن محمد، حيث توجد البوابة الرئيسية على هذا الطريق و المتجه شرقاً الى مخرج 9 و غرب الى جامعة الملك سعود.
تفاصيل خريطة المباني - قسم الحاسب و المعلومات:

يقع مبنى العمادة في الجزء الشمالي من موقع الكلية حيث يرتبط المبنى بمباني الاقسام الاخرى من خلال عدة ممرات و جميع المباني في الكلية مكونة من طابقين.
* مبنى 13 هو مقر رئاسة قسم الحاسب و المعلومات و يضم ايضاً مكتب التنسيق لاكاديمية سيسكو الاقليمية و في الطابق الارضي منه يوجد مركز الاختبارات الخاص بالشهادات الدولية بالاضافة الى عدد من المعامل.
* مبني 12 يضم في طابقة الارضي مركز الحاسب
* مبني 10 يضم في الطابق الارضي نادي الحاسب الالي و ورشة الدعم الفني الخاصة بمعامل أكاديمية سيسكو.
وهذي خريطة الموقع
http://cisco.cti.edu.sa/images/collegemap.jpg

اذا افدتك ,, ادعي لي ربي ييسر اموري

الله يعطيك العافيه ويسهل لك مبتغاك يارب

لآكن للآسف قطعت 600 كيلو على الفاضيي
وربي شفت ناس وقحين بس زي هالشخص الي بالقبول ماشفت
حسبي الله عليه ونعم الوكيل
حسبي الله عليه ونعم الوكيل
حسبي الله عليه ونعم الوكيل
بحق هاليوم الفضيل