محمد بن راشد أرسلت لك على الخاص مدري وصلتك والا لا المهم عطني خبر ,,,,

قبل شوي كان بيني وبين مدير إدارة التربية الفكرية نقاش المهم إني سألته حول الاحتياج وليه مايشملنا كخريجين فصل ثاني ؟؟
قال بالحرف الواحد إنت لاتسأل عن الاحتياج أسأل عن الوظايف لأن الاحتياج كبير لكن المشكلة في العدد اللي تحدده لنا وزارة الخدمة من الوظايف .

قلت طيب مع وظايف المكرمة الـ7000 بينزل منها شي للتربية الفكرية قال والله مافي أحد يدري لكن نقول إن شاءالله قلت طيب إذا بينزل تتوقع العدد بيشمل الخريجين القدامى والفصل الثاني والا بيكتفون للقدامى قال والله على حسب العدد اللي بتحدده الخدمة المدنية لكن نقول إن شاءالله يكون العدد كثير ...............

طبعا ياعيال توقع شخصي لا أكثر بأن الأمور ستكون كالتالي :
المتبقي من المتقدمين اللي طابقوا وماترشحوا تقريبا 7000 طبعا من كافة التخصصات .
و وظايف المكرمة المعلنة 7000 .

الوزارة أمام خيارين : الأول التخلص من جميع العاطلين (السابقين ) اللي هم تقريبا الـ 7000وتوظيفهم هالسنة .(وهذا الشي قد يحدث بنسبة كبيرة ). مع إهمال لخريجين الفصل الثاني .
الخيار الثاني : إن الوزارة ترسل من جديد احتياج اخر وأرقام جديدة للاحتياج وقد يكون احتياج التربية الفكرية أو أي تخصص آخر كبير شوي بحيث انهم يستدعون خريجين الفصل الثاني .(وهذاالخيار يمكن يصير لكن بنسبة أقل من الخيار الأول ).

أخيرا :
الرزق بيد الله سبحان وتعالى ...الدعاء الدعاء الدعاء ولااااشيء غير الدعاء .

اللهم ارزقني وجميع المسلمين .