المشاركة الأصلية كتبت بواسطة لا تشيل هم واضحك

السلام عليكم ورحمة الله وبركاته .. . انا كنت موظف في شركه تخصصي هندسه ميكانيكه وحصل خلاف بيني وبين الشركه , والان عاطل عن العمل مدة مايقارب الشهر .. انا افكر ان اكمل دراستي في الخارج ويبيلها مبلغ وقدره لاني بروح على حسابي وبعدين انضم للبعثه. (عشان كذا قررت اعمل سائق تكسي مدة 3 شهور بحيث اني اجمع مصاريف رحلتي ) وقررت العمل في جده بحيث اني اوصل من_ جدة الى مكه_ كم برايكم يكون الدخل ؟؟ مستعد اعمل 12 ساعه يوميا . وش الاجرائات الازمه عشان احول تكسي بالتفصيل الممل؟ سيارتي كراون فكتوريا بيضا .. وهل صحيح يكتب في الاحوال مهنتي سائق تكسي؟ انا مابي اي شي ياثر على دراستي في الخارج فياليت توضحون لي الامور ولاهنتم . انا انشاء الله ببدا في ذي القعده وذي الحجه ومحرم

المشاركة الأصلية كتبت بواسطة حلم حياتي اتوظف

3 شهور عشان تأمن مصاريف دراستك لحين حصولك على البعثة مابي احطمك لكن لو قلنا انك تطلع كل يوم 200 ريال تضربها في 30 يطلع معاك 6 الاف تضربها في 3 شهور تطلع 18 الف هل برأيك تكفي ؟

الان موسم رمضان تقدر تطلع باليوم 400 ريال مشاوير من جدة الى مكه ومن مكه الى جدة تضربها في 30 حتطلع 12 الف في نهاية رمضان ونقول ان افضل سعر ممكن تطلعه في شوال وذي القعدة 8 الاف في كل شهر حيكون المبلغ الاجمالي 28 الف خل نقول 30 الف هل تكفي لمصاريف الدراسة ؟

لو تاخذ سلفة من احد اقاربك وتردها له بعد رجوعك من الدراسه افضل والمبلغ الي تحتاجه اسئل عنه في منتديات البعثات السعودية في الدوله الي بتروح لها قولهم ابي ادرس على حسابي كم اقعد لين ادخل بالبعثه وكم مصاريفي خلال الوقت عشان تعرف بالظبط كم تحتاج .

فالبعثة هناك تعطيك راتب تقدر تجمع منه المبلغ الي تسلفته في سنتين تقريبا

بالنسبة لتحويل مهنتك الى سائق اجرة في بطاقة الاحوال امر خاص فقط ببنك التسليف وتقدر ترجع المهنه بعد تسديد اقصادهم وهذا مكتوب عندهم ..

طبعا لتحويل سيارتك الى تاكسي هذي الاجرائات

https://www.btalah.com/showthread.php?t=283594

طبعا لازم رخصتك تكون عمومي عشان كرت التشغيل وفي جدة اذا عندك رخصه خصوصي سارية المفعول تدرس 5 ايام في دلة واذا منتهيه او مفقوده الله يعينك تدرس 15 يوم والدراسة على ونيت يعلمونك التلبيقة هي اهم شي ومحاضرة نص ساعه مهمه لاختبار الكمبيوتر وتراه سهل لان بالمحاضره راح يشغل لك شريط فديو فيه اسئلة بالظبط نفسها راح تجي بالاختبار حاول تركز فيها فقط كل يوم لو تحفظ لك منها 10 اسئلة ما راح تواجه مشكله بالاختبار .

المشاركة الأصلية كتبت بواسطة لا تشيل هم واضحك

اول شي يالغالي يعطيك العافيه على تفاعلك معي .. بالنسبه لتكسي يعني ادفع لاحد فلوس مدري اقصاد والا فلوسي صافيه ؟؟؟ ومن ناحية 30 الف انا اشوف انها حلوه 30 وموتري يجيب 30 تصير 60 الف وحاليا معي 15 الف يعني 75 ودراستي بتكلف تقريبا 100 الف ريال .. لكن حبيت اقولك انا بجده ومكه ماعندي سكن !! ومن ناحية 200 ريال ماظنتي والله .. لان من المطار الى مكه ب 150 رايح و150 جاي يعني 300 ومع مشاوير شوي اقدر اطلع 50 ريال خل نقول 30 × 30 بالشهر 9 الاف وش رايك تايدني الفكره

المشاركة الأصلية كتبت بواسطة حلم حياتي اتوظف

تكلفك 100 واحيانا اكثر بشوي وانت هناك كمان اشتغل هناك في اعمال تشتغلها مثلا 4 ساعات باليوم والحساب اسبوعي

اذا المبلغ يناسبك توكل على الله و انا ما زلت عند نصيحتي لك بالسلف افضل لانك لو دخلت البعثه في راتب هناك يوصل لـ 5 الاف دولار لو توفر منه 3 الاف دولار الي هي تقريبا 10 الاف ريال في سنه راح تسدد السلف بس يبغالك هناك تظبط ميزانيتك وتبتعد عن التبذير الي طايحين فيه الشباب من تمشيات وتزلج وخرابيط

السكن في جدة ومكه في شقق من غرفه بملازمها فقط بدون عفش يوصل ايجارها من 500 الى 700 ريال بالشهر فقط جيب مكيف وفراش يعني تقريبا المكيف لو بتشتريه بـ 900 الى 1000 ريال ممكن تكلفك الغرفه اول شهر 2000 ريال وبعد كذا كل شهر 500 ريال + فاتورة الكهرباء

تدفع فلوس لمين ؟ اذا موضوع تحويل السيارة شوف الموضوع فيه تجربة لشخص حول سيارته الى ليموزين ..

المشاركة الأصلية كتبت بواسطة لا تشيل هم واضحك

يالغالي انا لو وشو ماتسلفت يعني شايلها من راسي انا . وانا ابي غرفه لو 4 في 5 مايهم بس فيها حمام الله يكرمك انت برايك : اشتغل بالرياض ؟ او بين جده ومكه ؟؟ انا من ناحيتي الرياض الي اقدر اطلعه باليوم 150 ريال لكن في جده ممكن توصل 400 ريال اذ شديت حيلي وش رايك بكلامي يابعدهم؟؟

المشاركة الأصلية كتبت بواسطة حلم حياتي اتوظف

ايه الغرفه فيها دورة مياه وانت بكرامه ومطبخ لكن ينقصها مكيف + سرير وفراش يعني ماهي مفروشة

في جدة داخل حجة الدخل يكون من 250-300 ريال يوميا اذا بتشتغل من الفجر الى الظهر ومن العصر الى الساعه 10 راح تجيب هالمبلغ ..

بين جدة ومكه سعر الراكب من 10 الى 15 ريال وفي العشره الاواخر من رمضان يوصل من 20 الى 30 سعر الراكب الواحد بس يكون شغلك فقط رد واحد لمكه وترجع فاضي وتاخذ رد ثاني وهكذا والحج وما ادراك مالحج ابو المواسم سعر الراكب 50 ريال تنزله عند اول اشارة في مكه وتديور على جدة وفي باكستان وافارقه لا اقامة ولا جواز ولا شي يبون يدخلون مكه عشان يحجون سعر الراكب يوصل من 400-1000 ريال للراكب الواحد لكن هذي شغل التهريب ولو مسكوك فيها



لا جيت تحمل ركاب انتبه انتبه انتبه لازم تتفقد اقاماتهم اي راكب ما عنده اقامه نزله لا تشيله في تفتيش الشميسي يدخلونك التوقيف وغرامة 10 الاف على الراكب الواحد

المشاركة الأصلية كتبت بواسطة لا تشيل هم واضحك

لا يالغالي انا ابي ريال حلال وصراحه انا افكر من المطار الى مكه يعني 150 ريال سواء راكب واحد او خمسه عموما انا ابي استفيد من خبرتك يالغالي لاهنت

المشاركة الأصلية كتبت بواسطة حلم حياتي اتوظف

بالمطار فعلا المشوار بـ 150 ريال لمكه لكن يالطيب المطار له وضع خاص حيث لازم تكون سيارتك ليموزين واعتقد لهم شروط خاصه بعدد سنوات السيارة يعني ممكن تكون لازم 5 سنوات موديلها ما يزيد عنه او 3 سنوات صراحة نسيت كم + تدفع رسم في المطار 600 ريال ويعطونك ستكر تركبه في سيارتك في الزجاج الامامي طبعا المبلغ سنوي والشغل في المطار مريح جدا كل الي عليك تدخل الباركنج وتوقف سيارتك في السرى وتنتظر دورك وبعدين لما يوصل دورك تروح للمطار وتنتظر الركاب يجون لين عندك

شغل المطار مريح لكنه عيبه الوحيد الانتظار احيانا تنتظر من ساعتين الى 4 ساعات لكن الان بما انه موسم فالوضع افضل بحيث انتظارك ما يتجاوز ساعه لين تاخذ المشوار وطبعا نسيت اقولك في هناك وشسمه مرحل سوداني او سعودي مهمته يجيب لك زبون وياخذ 10 ريال سمسره