02-08-2011, 12:28 PM
|
 |
عضو ماسي
|
|
تاريخ التسجيل: May 2011
الدولة: [ في .. وطن البطاله ] مشكور يآوطن
المشاركات: 1,972
معدل تقييم المستوى: 905388
|
|
|
رغمَ كُلٍ شئ . هنآك أمل
السسلآم عليكم ورحمة الله وبركآته
أنا كنت متوظف في شركة النهدي الطبيه طبعا معي دبلوم صيدله
أنا كنت داخل معهد صحي درست منحه على حسآب شركة النهدي ووظفوني عندهم بالصيدليه كمسآعد صيدلي في إحدى صيدليات الرياض
وكان الدوآم 8 ساعات من السآعه 8 - 4 والرآتب 3000 ريال < بذمتكم ذآ رآتب وآحد ماخذ دبلوم صيدله
وإذا قدمنا ع الخدمه المدنيه أمسك سرآ إلين يجي دورك يعني ردد ..
المهم جلست أداوم 5 شهور وبعدها ضربت النفسيه من التعامل الزفت من قبل الموظف اللي معي بالصيدليه
تخيلوآ كآرف الهندي اللي موجود معنا تمسيح وترتيب وهو بس جآلس يصرف بالأدويه
طبعا أنا كمساعد أجيب بعض طلبات الزبائن فيجي وقت أكون فاضي أساعد الهندي اللي معنا مثلآ ترتيب الأغراض اللي ع الرفوف وإذا في شي ناقص أروح أجيبه من المستودع عادي أنا أحب المساعده
هذاك إستغل الوضع , قال إنت عليك كل شي خارج نطاق الأدويه يعني شي ناقص برآ منتهي تاريخه أنت المسؤول . طبعا وآفقت عادي جدا
أنا داومت بأول رمضان السنه اللي طافت أخذت تدريب 41 يوم
بعدها صآر يعطيني وصفات الزبائن طبعا ما حفظت كل الأدويه والله لو إني شنو
أقول له ما عرفت ذي , يجلس ينافخ قدام الزبون إنت كم لك بالصيدليه ولا تعرف يعني من جد أحراج لدرجة وقسم بغيت أصكه على وجهه , يعني خلال 41 يوم تبيني أحفظ أكثر من 500 دواء
وفي شهر واحد ذي السنه أخد إجازه الهندي م بقى إلا أنا واللي معي بالصيدليه
رح جيب , رح سو , خذ وودي , م بقى إلا يقول أمسح الأرضيه يعني من جد تمسخرت مسخره وقسم كرهت نفسي
تدرون قآل لي بالحرف الوآحد > لأكرهك بالدوام
أنا هنا ضرب عندي الفيوز , اليوم اللي بعده رحت لمقر الشركة ودخلت ع المشرف قلت أبي نقل من الصيدليه وكذآ لأن أنا من طبيعتي خارج نطاق المشاكل الحمد لله مسالم
قال لي ليه قلت إذا فعلا تبوني أسستمر في الوظيفه ذي إنقلوني صيدليه ثانيه وقلت إن اللي معي قال كذا وكذا قال مين هو عشان يقول كذا جلس يهايط فوق الرآسي الموظف قال طيب
داومت عادي جلست إسبوعين وأنا كل شوي أقول له بتنقلني قال أصبر وأصبر الوضع قلب سوء أكثر وأكثر بعدها قدمت أستقالتي
يعني لا تعامل زي الناس , مو عشآنك ماخذ شهادة أعلى أو إنك خبير بذا التخصص
والحين عاطل كل م رحت أقدم بمستشفى أهلي قالوا مافي أماكن شاغره
حكومي والله إنتظر دورك إلين يجي
وأجي أقدم على شركات وإلا حرآس أمن يجيهم برنت على إني قد توظفت في شركة النهدي مساعد صيدلي يقولوا لا , يخافون فأي لحظه أسحب عليهم
وقسم من الطفش والقهر صرت أقدم بالعسكريه والحمد لله شي زين وربي
والحمد لله على كل حال راضي باللي كتبه الله لي
وفعلا رغم كل الصعوبات اللي مريت فيها ولكن أملي بالله كبير
والله يكتب اللي فيه الخير
|
العرض العادي
