السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


أخواني اعضاء المنتدى الكرااام

تكفووون ابي مساعدة

انا عندي مقابلة بكره في بنك الرياض كيف طريقة المقابلة وشنو اسألتهم

اتصلو فيني اليوم وعطاني موعد بكره بس ما ادري كيف طريقة المقابلة اللي عنده خبر عن طريقة مقابلتهم يفيدني واكون له من الشاكرين

يعطيكم العافية ..

ابحث في القسم راح تجد اجابه بأذن الله

كم الرقم اللي اتصل عليك ؟

هل آخره 884 ؟

انا للحين عملت معهم مقابلتين

قبل المقابلة الأولى عطوني ورقتين احلهم.. كانت اسئلة عن البنك وعن اخر عروض البنك, وسؤال ترتيب ارقام وسؤال كتابة الارقام كتابياً.. وبعض الأسئلة الثانية كانت بسيطة من قدرات ونقاط ضعف بشخصيتك وغيرها

ودخلت المقابلة ومعي الورقتين وكانت عادية عن نفسي واسئلة عن ضغوط العمل وكل شوي يقولون لي العمل ضغط وممكن تضطري تتنازلي عن اجازتك, ممكن تضطري تطلعي عمل ميداني, ممكن تضطري تستعملي سيارتك الخاصة, ممكن تضطري تنتقلي مدينة ثانية.. وانا كل اجوبتي اي ليش لا بالعكس راح يفيدني اي ماعندي مانع

وبعدين طالعت الورق حقي ودققت على كم نقطة وسألت كم سؤال استفزازي بس مشت الأمور بشكل حلو

المقابلة الي بعدها كانت عادية جداً وكانت اقرب الى الجلسة الودية

بالتوووفيق

ربي يرزقكم بالوظيفه اللي سال واللي جاوب ..
وياليت يكون تجمع خاص لكل بنك عشان نستفيد ..
ربي يسعدكم اجمعين

الله يسهل امورك اهم شي الثقه بالنفس وعدم الاستعجال بالرد
والمرونه في الأسترسال

بالتوفيق لجميع

انا بعد سويت مقابله من ٤ شهور وقبلوني وقالو انتظري اتصال الموارد البشريه
وبعدين محد اتصل !
واتصلت عليهم مره وحده ردو وقالو اي باقي توقيع المدير التنفيذي ولي شهر الحين او اكثر
والحين اتصل ومحد يرد
وش السوات ؟

يعطيكم العافية اللي جاوبو علي

ابشركم سويت المقابلة بعد ما جلست تقريبا 4 ساعات

او ما جيت البنك طبعا فيه مجموعة من الشباب يمكن حوالي 25 واحد وجمعونا في قاعة اجتماعات كبير ه

طبعا الكلام هذا في بنك الرياض الفرع الاقليمي في الدمام

المهم عطونا نموذج وقالو لنا عبوه نموذج توظيف
عبيناه وقالو لنا حطو صورة من الشهادة وصورة من السجل الاكاديمي وصورة البطاقة

وارفقناها في النموذج مع صورة شخصية ايضا

بعدها انتظرنا تقريبا حوالي الساعه

رتبونا على حسب الارقام كل واحد عطوه رقم واللي يجي رقمه يدخل يسوي المقابله << رقمه 4

طبعا اللجنة مكونة من 3 اشخاص واحد يبهدلك اسئلة والثاني يتلكع ليك والثالث يتابع تحركاتك وطريقتك في الكلام ويشيك ع شكلك وكشختك عااااااد اهم شي في البنوووك الكشششخه

المهم دخلو الثلاثه اللي قبلي وكل واااحد استقعد له اسأله وش سويت وش قالو لك ومن هالكلام

المهم واحد فيهم خوفني قالي بيسئلونك عن تخصصك وشنو تعرف البنك ومن وتكلم عن نفسك وكذا

جا دووووري

طبعا نفس الفيس اللي دخلت وانا شاااق الابتسامه

اول ما دشيت سلمت وجلست ع الكرسي مقابلهم اول ما جلست سالني واحد قال لي وش فيك تبتسم
قلت له عادي مستانس اني صايم

ما احد ضحك حسيت اني ظريف

المهم قال تكلم عن نفسك تكلمت وانا ماخذها عن ضحك وسوالف

قام يسالني عن درجاتي وجلست افصل له تفصيل ممل عن الدرجاا لانه سؤال ما كو اسهل منه


والحمد لله طلعت وما سألوني ولا سؤال عن تخصص او البنك او اي شي يتعب المخ

طلعت وانا مبسوط بس ما اعتقد بيدقون علي

زبدة الموضوع كله اللي بيسوي مقابلة بوجه عاااام فلهااا من اول ما تدخل اقلبها سوالف وضحك والله ينبسطون على كذا يحسون ان الشخص اللي جالس قدامهم واثق
وطبعا مقابلات البنوك قبل لا ترووح اكشخ حد الدعسة يعني الزبده كأنه يوم زواجك من الاخر يعني وخل ريحة العطر يشمونه قبل تدش البنك

وادعولي بالتوفيق


يا رب يدقون علي ويقولون لي تعال وقع العقد


والله يوفق الجميع ان شاء الله واللي عنده اي خبر عن باقي الاجراءات يفيدنا الله لا يهينه

وشكراً

ملازم المستقبل عقبال مانشوفك مدير المستقبل انشالله

انا كنت معاك بالمقابلات انا دخلت اول واحد <--- كنت معطي مديري بالعمل صاروخ وابتلشت

انا قابلني بس اثنين واحد يتكلم والثاني ساكت متى جى الثالث مقابلتي عاااديه واموري طيبه

بس مانذبحت الا بسؤال واحد اعرف انه المفروض ماجاوب بس مادري وش الي خلاني اجاوبه

مقابلتي الاولى كانت مممتازه بس هذي خربتها

وعقبال ماناكل حلاوة توقيع عقود توظيفك انشالله