[align=center]

[align=center]
السلام عليكم ورحمه الله وبركاته



تقبل الله منا ومنكم الصيام والقيام وصالح الاعمال

وكل عام وانتم بخير



ما ادري الوقت مناسب اني اطرح الموضوع او لا لاني احتاج ارى كثير من الاعضاء بها الموضوع وخصوصاً اللي عندهم خبره وافكار تجاريه ..


طبعاً مثل ماهو واضح بالعنوان اخذت انا واختي قرض من البنك تقريباً 100 ألف ريال بنفتح مركز خدمات طالب للوالد موقعه جداً ممتاز... ولكن تاخر افتتاحه 6 شهور بسبب الرخصه!!!!

المحل جاهز بالبضاعه وبالات التصوير وغيرها وانا ما قصرت طبعت اعلانات وبطاقات ولكن ....


الان المحل مغلق وما فيه احد .. والوالد ما قصر بالبداية تعلم اشياء كثيره بس لازال مايفهم فيه كثير ولا قدر يجيب عامل يمسك المحل بسبب شروطهم الا واحد ما يفهم شئ فيه طفش الزباين وتركه الوالد !!!



انا كل يوم كوابيس وما انام منها

بس ما اقدر اسوي شئ والوالد ما اهتم كثير

دخلت منتديات وصحف واعلانات وطلبت فني تصوير ولكن ما فيه فايده

فكرت اخذ قرض 10 الف ريال زياده واضبط ديكور المحل وازيد البضاعه واوسع الشغل بس الكل يقول بيعي المحل ما جاب همه

أنا متأكده انه راح يكسب ذهب بس ما عندي ناس يتحركون تمنيت اني رجال واعتمد على نفسي


فكرت اجيب عامل عربي يكون فني تصوير وعنده خبره واعطيه نسبه من 10 ألى 20 % من الارباح غير الراتب علشان يتحرك شوي ويهتم بالمحل بس قالوا راح يسرقني <<< وش رايكم ???


اخيراً انا دخت ما ادري وش اسوي ؟؟


لاعمال

لاديكور

لا بضاعه

لا احد مهتم

عطوني نصائحكم وافكاركم لاهنتوا علشان اجذب الزباين واضبط وضع المحل


انا معتمده على ثم عليكم ونصائحكم


للعلم المحل هو الدخل الاساسي لأهلي بعدي انا واختي يعني ربح المحل كله لهم

[/align]

ف اي مدينة انتي ؟

توكلي على الله

قبل كل شي

وحولي المحل نسائي100%

وانتي اشتغلي فيه

نصيحة لوجه الله

[align=center][align=center]

اقتباس:

المشاركة الأصلية كتبت بواسطة ماجد السعد توكلي على الله قبل كل شي وحولي المحل نسائي100% وانتي اشتغلي فيه نصيحة لوجه الله

انتي في اي مدينة

اقصد كل اللي يدخلون المحل حريم

وراح تكسبين باذن الله

للأسباب التاليه :

1_ ان الطالبه او الزبونه راح تدخل مرتاحه للمحل وتفاهم معك تمام

2_ شهرة المحل راح تطغى عند الجميع وكلن راح يجيب اهله وهو مرتاح

3_ تبدين بشي جديد ينفع خواتك من النساء بفكرة تأنيث المحل

والكثير الكثير

لكن هاذا اللي عندي هالحين

الله يوفقك عزيزتي ويفتح لك ابواب الرزق يارب