السلام عليكم ورحمة الله وبركاته
انا موظف في احدى الشركات (القطااع الخااص) وبراتب قدرة(4050)واريد تمويل سيارة ولكن لم اجد الا شرووط تعجيزية طبعا الشركة الي اعمل بها معتمدة في البنوك لاكن البنك الفرنسي رفض التمويل وشركات التاجير بالتمليك شروطهم كفيل ودفعة تتجاوز 4000 ارجو من الاخوان الاعضاء التفاعل مع الموضوع وافادتي باأفضل بنك يمول موظفي القطااع الخاص او شركات التأجير المنتهي بالتمليك وبدون شروط معقدة وكل عاام وانتم بصحة وسلامة...

التاجير بالتمليك مايطلبون كفيل من اسمها تاجير

الي يطلب كفيل هاذا نظام التقسيط

ورتبك جيد ماشاء روح لتويوتا وقلهم ابي سيارة بنظام التاجير المنتهي بالتمليك تناسب راتبي

وعندك بعد الجميح

خل اخر شي تويوتا لانهم حرامية

لكن رح لشركة تأجير وبنك الرياض والاهلي وبالبيد والناغي


بعدين اللي اعرفه ان التاجير بدون كفيل الا اذا كنت عسكري

اخووي راتبببك مااشاءالله حلوو اذا تبي رووح , لـ، شركة الحمراااني .. شركة رااح يعطونك. سياره

شوف أوتو ستار
يمكن تمشي الامور

بالتوفيق

أخوي سامي بقولك رأيي وأنت حر :

نصيحة لوجه الله ابعد عن الشركات ونظام التمليك والتأجير بقدر الإمكان ..

مر على كل البنوك واستفسر عن نسبة القرض عندهم وخذ لك قرض على راتبك واشتر سيارتك كاش وعلى نظرك .. صدقني هذي الطريقة السليمة ..

التمليك أو التأجير لو تتأخر بالسداد شهر واحد يقومون الدنيا ويقعدونها فوق راسك .. لكن إذا أخذت قرض من أحد البنوك راح يتم سحب القسط من راتبك كل شهر وبدون أي مشاكل ..

في الأخير أنت راح يحسم من راتبك كل شهر مبلغ فما دام راح يتم هذا الحسم خذ لك قرض وريح راسك ..

والله أعرف ناس أخذوا بالتمليك وبالتأجير والله العظيم يتأخروا بالسداد ويبلشون مع الشركات والبنوك ..


طبعًا البنوك البعض منهم بدأ يخفض نسبة القرض أو ممكن تحصل عرض مؤقت على القروض ..

طبعًا أنا أخذت قرض من البنك الفرنسي بنسبة 3.5 وأعتقد لحد الآن نسبته كذا وهذي نسبة حلوة ..

كذلك عندك بنك الرياض سمعت من فترة نسبته حلوة وأقل من 3.5

عمومًا لما تمر على البنوك بتاخذ العلم منهم وبعدها بتقرر ..



هذي نصيحتي لك أخوي .. وبالنهاية القرار بيدك .. ولاتنسى إن راتبك حلو ما شاء الله وممكن تاخذ مبلغ حلو حسب توقعاتي بيكون بين الـ 75000 و الـ 80000 وهذا مبلغ حلو وبيجيب لك سيارة حلوة ..


والله يوفقك أخوي ،،،