بسم الله الرحمن الرحيم
اخواني بدون مقدمات ... رحلتي كالأتي ,,,
رحت لمعهد الجوازات من صباح الله خير . طبعا جت الساعه 10 صباحاً وفتح لنا عقيد الباب وسجلو اسمائنا وقالو لنا استريحو على الكراسي وجانا مقدم وشرح لنا الوضع قال تراكم بتوقعون تعهدات على انكم ماتغيرون تخصصكم وماتتركون العسكرية على الأقل لمدة أربع سنوات بعد التخرج ولا بيغرمونك والرتبه جندي والدورة مدة سنتين الأكيد اني رفعت يدي قال تبي تسأل قلت لا ابي اقلب خشتي .. الجدير بالذكر أول مادخلنا جاني نقيب قدام الناس قال تعال انت عاد انا عبيط شوي بس قلت ألي وراي قال لا لا انت قلت ابشر يا عمي الشيخ !!! وانا اجيه وهو ياخذني على الجنب !!! قال انت وش اسمك قلت شكلها مقابله شخصيه من نوع جديد وشكله فك معي وانا اترزز قلت اسمي الشيخ / ؟؟؟؟ بن ؟؟؟؟؟ ال ؟؟؟؟؟ قال ونعم طيب وش جايبك قلت ابا العيشه قال تعرف وشي وضيفتك قلت ايه قال وشي قلت جندي قد الدنيا قال بالله !!! لا يا حبيبي تراك جندي موسيقي وراح تبقى طول عمرك كذا قلت مافيه مجال اغير تخصص قال لو تصير طبله مانغيرك لا والله قال مستحيل وبس طبعا هذا جاني قبل المقدم يجينا ويوم جانا المقدم قلت مابدااااش يا بطل انححححححش لا تصير طقاقه اخر عمرك <<< أسف على الإطاله بس الي حبيت ابينه انه بعض الشباب تضايقو يوم قفل التسجيل والله ثم والله انها خيره ياشباب يوم طلعت طلع وراي واحد ويمكن بعدي مشو ناس الله اعلم بس والله انها خيره هذا انا رجعت للبيت ورجعت للبطاله الله يعوض يارب .