والله شوف وانا اخوك المشروع هذا طيّب ومافيه خسارة ان شاء الله خصوصاً انك في منطقة معروفة بالمكاشيت والطلعات البرية
وبصراحة هالمشروع اشتغلته قبل تقريباً خمس سنوات عندنا فالرياض وكان حلو بالنسبة لي ولاكلفني للامانة الا مايقارب 10 الاف وانا مبحبح فيه وقسمين وخيام ومطبخ في كل قسم ودورة مياه وحنفيات وتعقيم وسواتر وكبوس وماطورين كهرباء مع التمديدات .
وكان ايجارها 1000 ريال وكانت الايجار ماشي خصوصا خميس وجمعة
وانت ياحبيب قلبي اذا انت مصمّل تشتغل في هالمجال فاعتقد انه الوقت المناسب انك تبدأ قبل ايام الشتاء الجايه وتستغل ايام الصيف
انا مادري وش نظام المخيمات عندكم لكنك تقدر تسوي بالاربعين خمس مخيمات من اروع مايكون او قول تقدر تسوي اربع مخيمات خرافية اذا قدرت تخطط لها صح وتختار لها فرش رهيب وحاجات بسيطة لاتذكر راح تكون مطلب للزبائن الشباب والعوائل

هذا مالدي على عجالة من امري وعسى الله يوفقك واحتمال لي عودة على رواقه

اخوي سلمان

حياك الله

انصحك اخوي لا تدخل مشروع مثل ها المشروع بكل الي معك

يعني نصيحتي لك ابد بمخيمين او ثلاثة فقط وشف كتجربة ان زان لك الوضع طور مشروعك ما زان او خسرت ان خسارتك بسيطة صح ان الموسم مشجع بس ما اهنا شي مضمون


الله يوفقك ويفتح لك ابواب رزقة

في انتظارررررر اراء وافكار جديده ~

ووووووووينكم يآ أهل الخبرة

المخيمات ما منها الا الغرابيل دور فكره غيره............عن تجربه ولاتنسى انها موسم داخل موسم...يعني موسمه


في الشتاء وفي نفس الوقت موسمها خميس وجمعه بس ولاتنسى ان الشتاء اقل من الصيف بكثير.والعامل ماراح


يقل راتبه عن1500 ريال . واكيد ماراح تخليه على كيفه لازم تتردد عليه يعني كم يكلفك التردد من بنزين وهم


الروحه,,لان لو في التردد هذا فايده كان مو مشكله.غير شكاوي العامل من المستاجرين ....طبعا هذي تجربتي


وممكن تاخذها وممكن تخليها.

بيييييييييييض الله وجهك ~