[align=center]
السلام عليكم ورحمة الله وبركاته

اخوان انا في راسي مشروع صغير .. انا من سكان محافظه النعيريه وما عمري سويت مشروع

فسمعت من الاخوان يقولون سو مشروع تاجير الخيام .. وانا استفسرت من اهل الخير وعلموني

فقررت اسحب قرض من البنك 40 الف وادهر اروح الكويت واخذ خيام وبيت شعر واكمل

باقي شغلي من النعيريه تكرمون دورات المياه والماطور والاناره وحبيت اسوي قسم للرجال

وقسم للحريم .. وحبيت يكون المخيم يكون مرتب وشغل عدل تلفزيونات شاشات LCD‏

وترتيب من دآخل حلو( حتى ناوي اظبط مع واحد راعي تاجير دبابات عشان العوائل بزرانهم

يلعبون بالدبابات قريب من مخيّمي وياخذون راحتهم ويستفيد راعي التاجير

وانا استفيد احط بلوحه الاعلان ان عندي دبابات ..

وحبيت يكون مخيم ( عوائل فقط ) انا اعرف ناس يقولون انهم في

الموسم حق التخيييم من الخليجين يطلعون فلوس مهيب طبيعيه تقريبا الموسم ما بين شهرين

الى 3 او 4 اشهررر يقولون تطلع قيمه القرض كامل وفوقه فوائد بس يبي لي اعلانات على

الشارع العام .. ( وكلّ شي بتوفيق الله سبحانه وتعالى ) .. فيمكن اجهز من الحين عاد سعر

الخيام شوي ارخص اشتريها واخزنها <= طبعا لازم يكون فيه بيت شعر للرجال ..

فانا حبيت أخذ نصيحتكم شلون اجهز من الحين واروح اشتري الخيام .. تكون جديده ولا اشتريها

مستخدمه .. او احد عنده فكره أحسن .. او احد عنده فكره تطويريه شوي للمخيم .. او احد

عنده نصيحه تكفون لا تبخلون علي والله اني بحاجتي الماسه لنصآيحكم ووقفتكم معي ..

ومشكورين آولاًَ واخيراًَ ..
[/align]