السلام عليكم ورحمة الله وبركاته
اعذروني مدري هو مكان استفسارات من النوعيه ذي ولا لا
اليوم وانا جاي من جده في تريلة مويا طاح منها جك (جالون) مويا واعدملي الصدام والكشفات اللي تحت اللي يبيه الحين يشباب الضمان يصلحها لي ولا لا

معلومه:نوع السياره كامري وماخذها كاش يعني مو اقساط ولا إيجار منتهي بالتمليك

انا مثلك وطيت حاجة وانشق عندي رديتر المكيف رحت الوكالة قالو مايدخل ضمن الضمان لانه سوءاستعمال

بس رحلهم جرب حظك

[align=center]
حبيبي طلعها من ظهر راعي التريلة

لان ما اظن الوكالة بيصلحونها
[/align]

ياخي اول شي فيه شي اسمه ضمان وشي اسمه تأمين وبينهما فرق كبير

الضمان يعني انه يضمن لك اي عيب في السيارة يعني مثلا المكيف خربان او الحرارة عالية ...

التأمين يعني انه يصلح لك السيارة في حالة الحوادث او السرقة او الحريق في حال انك مأمن تأمين شامل

وبما انك مشتريها كاش اعتقد انك زي اغلبية الشعب اللي يقول ان الحوادث قضاء وقدر وبناء عليه اتوقع ان تأمينك ضد الغير

في حال انك مأمن ضد الغير التأمين ما يصلح لك السيارة

في حال انك مأمن تأمين شامل رح لشركة نجم وقلهم وقفت السيارة ولقيتها مصدومة


وفي حال ان اوراقك مشيت ووصلت الى الوكالة التصليح راح ياخذ في حدود الشهر او اكثر حتى لو كنت تبي تغير شمعه

بس لازم تروح ثلاث ورش وتسعرها وبعدين اذا انت طالب تسعيره وكالة الله يعينك لا تتفاجأ اذا قالوا لك ان قيمة الكشافات والصدام 22 الف ويمكن يعتبرونها تالف ....صدقني ما امزح


لكن كل هذا يتعمد على نوعية التأمين

اعطيني تفاصيل تأمينك واانا اقولك وش تسوي

إذا كنت مأمن تأمين شامل راح تقدر تصلحها بالوكالة ..
لكن اذا ماكان عندك تأمين الله يعينك تدفع من جيبك ..

مع اني ماانصح بالتأمين ..
لأن للأسف اعرف اكثر من واحد يصلح سيارته بالتأمين وتجيها صدمة أقوى من اللي قبل
واخرهم زميل بالدوام البارحه مسوي الحادث رقم 4 رغم انه ماله عشرين يوم مسوي سيارته بالوكالة ..!
وكل حوادثه غريبه ..!!