السلام عليكم ورحمه الله وبركاته
بسم الله الرحمن الرحيم

اخواني اليوم كانت مقابلتي في جده >>الاربعاء 3_9 الساعه 12

اسمحوا لى بتكلم بعفويتي على طبعيتي

نبدا

شغلت الموتر الساعه 9 ونص ومعي خوي الدرب عزوز>>اخذه معي فزعه هع

المهم وصلنا بعد جهد جهيد الساعه 11 و40 دقيقه المهم دخلت عليهم 12 الا عشر دقايق

والحمدلله على طول يوم دخلت والله جيت بجلس قال مهنا العتيبي قلت حاضر وخذت اراق مدبسه في بعضها

قالي استريح وسجل اسمك على التعهد ووقع انك مرشح

الارواق عباره عن الاولي ورقه بيناتك اسمك تخصصك... الثانيه مشهد انك سويت المقابله الشخصيه في جده...الثالثه ورقه خاصه بلجنه المقابلات في الدرجات (خاصه بالتقييم واعتقد الاخوان حطوها هنا نفسها فيها نطق وتوجه الى التدريس كيفيه التعامل مع الطلاب وووو... المهم الورقه الرابعه ورقه كشف طبي

المهم مشا السر رحت لهم قال جيب الوثيقه عطيته صوره والاصل شاف الاصل رجعها لي وشاف كشف الدرجات السجل وطبعا البطاقه الشخصيه اخذها وصورتين شمسيه ... المهم قال استريح شوي

المهم الورقه مسجل فيها اني في اللجنه السابعه>>يقولون لجنه تطول جدا >>والله صادقين نشوفوا ريقي هع
المهم قالي مهنا العتيبي قاعه 1

رحنا جلسنا قدام القاعه واحد ننتظر والاوارق يبون يرسلونها

المهم انتظرت تقريبا نص ساعه >>والله باقي اللجان سريعه جدا

المهم جا الفرج قال مهنا العتيبي تفضل روح لجنه 7

والان ابي اصيغ لكم اللى دار بيني وبينهم حرفيا على شكل محادثه

انا:السلام عليكم
هم وعليك السلام
انا: كل عام وانتم بخير ومبارك عليكم الشهر
هم:وانت بخير

هو:اسمك وتخصصك
انا: مهنا.........العتيبي تخصص رياضيات
هو: اي جامعه
انا:ام القري
هو طيب مهنا تربوي ولا لا
قلت لاغير تربوي
هو طيب مهنا وشهو مفهوم التربيه>>مسك علي شيء يبي يسالني في التربوي
انا:هي عباره عن نقل مهارات وخبرات وقيم من الملقى الى المتلقي>>مع حركات اليد ترى عليها درجات
هو:طيب والتعليم
انا: اممم هو محاوله تعلم اشياء جديده ووو المهم تفلسفت

هو طيب مالفرق بين التعلم والتعليم
وكمان تفلسفت
وقال لي ماكنه عكسها لخويه قلت بابتسامه صادق وعدلتها هع
المهم سالني خويه عن الرياضيات المناهج المطوره >>والله قعد لي فيها
قلت والله انا حديث التخرج وماعندي خلفيه عنها بشكل كبير لكن باذن الله راح تكون سهله بحكم اني خريج رياضيات

قال لا ماتقول لى باذن الله بكره وراك طلاب تدرسهم
المهم طولنا فيها والله اخر شيء طلعت منها هع

المهم خويه طيب يامهنا لو سالك طالب قال ياستاذ مهنا ليه ندرس الرياضيات وش فايدتها في حياتنا
انا: ابين له فوائدها في حياتنا العمليه
طيب اذكر لي اي نظريه
قلت نظريه فيثاغورس
قال اشرحها لي>شمرت هع
واخذت القلم ورسمت مثلث وكتبت قانونها
بعدها جا المراقب قال ياشباب استعجلوا>>وغيروا السوال >نجيت من الشرح هع
قال طيب جيب لنا مثال في حياتنك عن الرياضيات
قلت مثلا لديك قطعه ارض تريد حساب مساحتها وقلت لهم مثال عن المساحه
المهم بعدها استلمني الثاني
قال مهنا وش صار اليوم من حدث في العالم العربي
قلت ثورات الشعوب الله يكفينا شرها هع
قال انا قلت اليوم
قلت اممم محاكمه حسني مبارك ممكن
قال ممكن؟؟
قلت ان شاء الله
طيب منهو وزير التربيه
انا :الامير فيصل بن عبدالله
هو : طيب ماهي المنظمه المهتمه في التعليم في العالم؟
قلت امممم >>وحط يدي على راسي مسوي افكر>>وقلت اسمها مر علي بس والله مو فاكرها>>نصاب والله هع
المهم قال الفيفا ثلت لا
قال اليونسيكو قلت لا
قال اليونسيف قلت لا
قال اليونفيل اعتقد قلت ايه هز راسه >>والله حاس انها غلط بس عاد قلت خلاص بقول ايه وافتك هع
المهم دخل الثاني
قال كيفك في الرياضه قلت امشي الحال>>والله والله فنان في الرياضه بس مابي ابين لهم اني ناسي التعليم ومهتم بالرياضه
المهم قال لي
منهو مدرب المنتخب الاول
قلت ريكاردو
قال طيب كان مدرب نادي مشهور منهو
قلت برشلونه
قال الاسباني لا الانجليزي
قلت لا الاسباني
قال طيب متخبنا للشباب لعب في كاس العالم
مع مين
قلت مع كروتيا
قال: كم انتهت النتيجه
قلت 2-0
قال طيب اليوم لنا مباراه مع مين
قلت جوانتمالا>>خويه عدلها قلت ايوه هي هع
قال لي بعدها
وش تشجع
قلت نادي الشباب
قال اجل راسب اطلع برا >> يقولها بتريقه ويضحك
وانا اتبسم له>>اهم شيء ياشباب البشاشه والابتسامه >>عاد لاتزودها هع
المهم قال لي الله يوفقك يامهنا انت ممتاز بس يبغالك تتجتهد ترى التعليم مسئوليه وانت باين عليك صغير في السن ووسيم ماشاء الله عليك>>انا والله راح متكشخ لهم زابد اما العمر والله انه صادق انا اصغر واحد فيهم كلهم >>كلهم فيله اللى جايين هههههههههه>>توه داخل في 24

المهم قال اخذ المشهد والله يوفقك>>الدرجه ماكلموني فيها بس حسيت من كلامه اني مجتاز وبدرجه لاباس فيها
قلت الله يعطيكم العافيه ماقصرتوا
المهم بعدها تنفست الصعدا

طلعت برا انتظر اوراق الكشف الطبي بعدها بربع ساعه تقريبا
جات اوراق الكشف وعطوني الكشف ورحت بعدها للرئيس اللجان والله كله علشاني وعلشانكم اجيب لكم الخبر الاكيد لان بعضهم يقول لاترجع للخدمه
قالي رئيس الللجنه تروح تسوي الكشف بعدها تروح تودي اوارقك للخدمه وتخلص الاوارق الباقيه >>باقيه ورقتين تعهد بانك تقبل بالتعيين في اي مكان في السعوديه وورقه خبرات كلها صح وخطا نعم ولا

وبعدها شغلت الموتر وجيت على الشرايع >>صفطنا في الرحيلي وتسحرنا هع
وهذي علومي وسلامتك واسف على التاخير لاني يعلم الله مادخلت البيت الا بعد ماذن
لكم تحياتي
مهنا العتيبي

بالتوووووووووفيق ماقصرت يالذيب وعقبال تجيب لنا أخبار الكشف

موفق بإذن الله ... لك مني أجمل تحية .

[مشكور و يعطيك العافية ياخو شبابة و عقبال التعيين

الله يوفقنا وياك

شـكرا لك وبارك الله فيك ... لك مني أجمل تحية .
كم الوقت اللي اخذوا معك في المقابلة؟