السلام عليكم ورحمة الله

راح ادخل بالموضوع مباشره
انا تطلقت من ملكه الاسباب كانت كثيره وانا من طلب الطلاق بعد ان تعبت ومرضت .
عالعموم
ساعات تجيني هموم وآلآم
خايفه ما ينساني ويعيش حياته طبيعي رغم انه خطب حتى قبل ماتوصلني ورقتي لكن محد رضى فيه من بعد مافسخت العقد
وكمان اخاف على نفسي من المستقبل
ماني حاسه بالراحه النفسيه والاستقرار رغم ان حياتي عند اهلي كويسه طيبين جداً معي الله يخليهم
ولكن ساعات من الهموم ودي اتزوج شخص احبه من اول ما التقيه لين افارق الحياه ويكون هو نفس الشيء ويكون بيننا احترام وتقدير ويكون ملتزم ومحافظ على دينه ... وبعد هالطلاق ماظنتي احد بيفكر فيني
عمري 25 وجامعيه وكويسه من ناحية الشكل الحمدلله
لكن هموم تجي وتروح توديني وتجيبني بخصوص حياتي المستقبليه وخاصتاً لما يجيبون لي سيرت طليقي
انا ماصدقت اتطلقت وارتحت وتحسنت صحتي ولأنه اتضحت امور كثيره بعد الطلاق خلتني ارتاح لقراري ومن مليون المستحيلات افكر فيه بالعكس احمد ربي واشكره انه فكني منه ساعات اقوم وانا نايمه اصلي واحمدربي على نعمة الطلاق

و لكن ما ادري وش هالهموم رغم اني ملتزمه جداً واقوم الليل ومواظبه على الاستغفار ومن قبل الخطوبه والملكه الحمدلله متعوده على هالأمور

ابيكم تقولون لي متى الوحده تنسى وتحس انها طبيعيه وكأن شيء لم يكن
كم احتاج من الوقت حتى انسى واعيش بشكل طبيعي
وش سويتو انتم ؟ وكيف حياتكم الحين وياليت كل وحده تقولي تجربتها وكم عمرها وهل انخطبت بعد الطلاق
كمان صرت خايفه انخطب واوفق ومن بعد الملكه يصير معي زي ماصار مع الاول لأني ماتقبلته من بعد الملكه لاحظت عليه امور كثيره سببت لي نفور منه وضيقه .
وشكــــــــــــــراً