السلام

ياشباب بقولكم سالفة واحد من العيال حظه نحس وأقشر
وانتم أحكمو

هذا واحد متقدم على الكليه العسكريه قطاع الجيش
وتم قبوله ودرس فتره وبعدين طردوه

المهم الرجال أستحى يواجه شيبانه وأهله أنه مطرود
وقال على الاقل أفرحهم اني خلصت وبعدها بقولهم أني فصلت

المهم أنه أخذ بدلة واحد من خوياه وراح لاهله
وهو رايح وعلى تفتيش مسكوه وقالو له بطاقتك العسكريه قال مامعي نسيتها
قالو الله لايهينك للقسم
والرجال متورط الحين ومازال محبوس
تتوقعون يلحقه سجن ويعتبر منتحل شخصيه
وخصوصا أنه ماسوا أي جريمه ولا تعدى على أي شخص
كل السبب ماوده شيبانه يعرفون أنه مطرود وخصوصا أنهم كبار بالعمر وأمنيتهم يفرحون بشوفته
قبل الله ياخذ أمانته

يعني هو اول ما انطرد من الكليه راح لخويه واخذ منه بدله ولا بعدها بكم يوم

^
بعد ماتخرجو
لانه أنطرد على أخر الايام من ردى حظه

ياخي ليه ياخذ اسم خويه يفصل بدله بإسمه ولا ينكب العالم معاه
فعلا استغرب العقليات هذي انا
يمديك الان تفصل بدله برتبه لواء على كيفك بس مايمديك تتمشى فيها بالشارع صح كلامي ؟
خلاص الادمي ياخذ بدله ولا ياخذ اسم خويه ويورط خلق الله معاه
بعدين كلها شوي تحقيق ويفكونه ماراح ينسجن فتره طويله الا ان كان وراها مقصد اخر

والله السالفه كبيره انتحال شخصيه عسكري وهو مدني
اذا العسكري اللي على راس الخدمه اذا مسكوه في مطعم بالبدله العسكريه يسجن
فما بالك باللي مو عسكري

مالها الا حل واحد حب خشوم وطلبان ولا بياكلها وبيروح في الحاير

اقتباس:

المشاركة الأصلية كتبت بواسطة الهلال فاز خمسه ياخي ليه ياخذ اسم خويه يفصل بدله بإسمه ولا ينكب العالم معاه فعلا استغرب العقليات هذي انا يمديك الان تفصل بدله برتبه لواء على كيفك بس مايمديك تتمشى فيها بالشارع صح كلامي ؟ خلاص الادمي ياخذ بدله ولا ياخذ اسم خويه ويورط خلق الله معاه بعدين كلها شوي تحقيق ويفكونه ماراح ينسجن فتره طويله الا ان كان وراها مقصد اخر