04-08-2011, 11:25 PM
|
عضو مهم جداً
|
|
تاريخ التسجيل: Jan 2010
المشاركات: 595
معدل تقييم المستوى: 33074
|
|
ياناس تعبت ضايقة فيا الدنيا استغفر الله بس
السلام عليكم
ولله تعبت ثم تعبت ثم تعبت وانا عاطل حياتي اصبحت مملة
ابي اروح واجي على اي عمل مثل العالم
ولله لو اقولكم كيف كان طموحي وكيف اصبح كان تضحكوا بس مثل المقوله اللي تقول (ليس كل ما يتمنى المرء يدركة)
الطموح اني اكمل بكالوريوس ومتحمس جداُ لكن للاسف لم تشوف وتسمع ابوك يقولك انا نص الشهر الحساب فاضي غير اتسلف من فلان وعلان
قسم انها تاكل معاي بقلبي اروح الغرفة والدمعة تنزل من الحالة اللي انا فيها ابي اقلها اصرف على نفسي بس مو قادر احصل شي
ولله وقتي على النت كله بحث عن الوظايف وكل وقتي تفكير في تفكير
طبعا انا خريج
1432
دبلوم كلية الاتصالات تخصص الكترونيات معدل 4,04
مع العديد من دورات تخصصية ولغة انجليزية بمستوى جيد
لكن للاسف ماعندي خبرة بحكم انا خريج فرش
تخرجت بشهر 5 /1432
اربع شهور انا عاطل قسم يااخوان احسها سنين وخصوصا العمر يمشي الان عمري 25 وعدة اشهر
كل بعد فترة من التقديمات يجيني اتصال وافرح شيباني الله يطول بعمرهم اقولهم عندي مقابلة ينبسطوا ,(يالله ياولدي انك تتوفق يارب)
واجي كيف المقابلة اقولهم ولله الحمدللله تمام وبعد فترة ها وش صار
اقولهم لسى انتظر النتائج ما طلعت وهي فعلا ما طلعت النتائج راحت لاهل الوسطات
كان ودي اشتغل بالشركات الكبيرة والدوائر الحكومية لكن للاسف ما حصلت
ذحين ولله يااخوان اني على ما اقوله شهيد اني ابي اشتغل اي شي اي شي
حتى قسم الوظايف الخاص وظايف كاشير بائعين مصفف رفوف برضوا ما حصلت
يمكن باليوم ارسل على الاقل خمس سيرة ذاتية للشركات ولا فية اي رد
شوفوا توقيعي هذا جزء بسيط من اللي قدمت عليها
حتى تقديم الدفاع المدني بالقوة دبرت فلوس (دين) اخذت دورة غوص وحصلت على الشهادة كل لاجل الدفاع المدني ويارب ننقبل جميعاُ
خوياني كلهم ماشاءلله عليهم متزوجين ومستقرين وخاطبين ومملكين انا الوحيد عاطل فيهم
تحس بنفسي ولله تعبت من جد
اعذروني هذا جزء من المعاناة اللي عايشها
فما ادري اي اخوان لو احد عنده فكرة كيف اشتغل فية بندة مرحبا كارفوا جرير يعلمني اي شي الي ما القى الافضل
ولله اخوان اوقات احس اني الشهادة مضحوكة فيها كل ما اقدم بمكان ما احصل رد
طبعا ما اقدر اكمل بكالوريوس عشان الحالة المادية
واعذورني حبيت اطلع شوي باللي بقلبي
الله يزرق الوظيفة لجميع العاطلين
|
العرض الشجري
