السلام عليكم و رحمة الله وبركاته
بركة الشهر والله يعيده علينا وعليكم الف سنه قدام بكل صحه وعافيه
اليوم انا ابغا اتكلم معكم في موضوع الفرص التجاريه
هذا افضل منتدى تقريبا من ناحية المشاريع وكذا لكن اللي لقيته انه فعلا انتهت الفرص وما عاد فيه الا فرص غير قابله للتطوير
يعني انا حاولت وحاولت في مشروع ما لقيت الا مشاريع ما تتطور وتكبر لأن فيه اكبر منا في السوق بكثير وبتقولون صير زيهم بقولكم هم لحقوا زمن التراب والرخص اللي التراب يشتريه بالاف معدوده ويبيعه بملايين وكل شي رخيص وميسر فتح مصنع واسس شركه وسوا كل شي لكن الحين اتحدا اذا فيه احد يقدر غير المقاولات والمشكله يبغالها راس مال جامد واللي بيبدا صغير ما يقدر لانه بيدخل مناقصه وياكل هوا هذا اذا قدر يوصل مرحلة المناقصه اصلا و مؤسسات المقاولات حقت البيوت والعماير يا كثرها وما عادت زي اول مربحه كثير
والشي الثاني انا لقيت فكرة دعاية واعلان حلوه مره مره مره راس مالها 300 الف ودخلها السنوي ملايين ارباح لكن يوم جيت على ارض الواقع ما يمشي الا ف المدن الكبيره ويوم جيت اسأل عن رخصة البلدية قالوا هذي لناس محددين فقط قلت طيب انا عندي مكان وتنطبق عليه الشروط قالوا ما راح تاخذها لو تحلم هذي لناس هوامير ووسايط قويه جدا جدا جدا يعني البلد انأكل من جد و حاولت استعين بالمنتدى لقيت كلها خضار وفواكه طيب هذا اللي راس ماله قليل بس اللي راس ماله كبير وتعدى مرحلة الخضار والفواكه يعني عنده 250 - 350 الف ريال ويبغا يطورها
ابوي قالي بأدعمك بس ترا لا تحلم انتهت الفرص وانت بكيفك وكل ما اجيب له مشروع قالي وبعدين وهو صادق وبعدين يعني ما راح يتطور
الشي الثالث انا لي قريب قسم بالله ان راتبه كان 30 الف فقط وكان مهندس في شركة مقاولات والحين يحلف لي شخص قريب جدا منه ان رصيده اللي له ماهو شغل شركته انه شويتين ويصير 200 مليون طبعا ماله من يوم انفصل الا 4 سنوات فقط واشترا كل المعدات بقروض وطور نفسه لكن كيف سوا مدري وقالي ابوي في نفس الوقت انه كان راعي الشركه يستلم مشروع ب 150 مليون وياخذ منها 50 ويعطي 100 لمقاول اصغر منه يقول تكفل بالمشروع لانه هو عارف ان المشروع ما يكلف الا 70 او 80 مليون ف يقولي بوي ان هذا الشخص كانت تمر العملية عن طريقه وياخذ له كم مليون منها وبنا نفسه والله واعلم وين الصدق من الكذب بس اللي متأكد منه القروض انه اخذ قروض
الشي الثالث طولت كثييير وكثرت كلام بس اتمنى المشاركه واللي يقول فيه فرص قابله للتطوير يسدحها ويبرهن على كلامه واللي عنده اي تعليق يفيدنا لأن الموضوع يحير والواحد ما ينفع يعيش ع الراتب وبحاجه لافكار جباره

الفرصة ماانتهت ولاشي


الشباب السعودي هم الي مايبون يتحركون

ولاالبلد كلها خير للي يبي يشتغل

قسم بالله ماراح تجي فرص وشغل وتكسب والاجانب كثر قواطي البيبسي وكثر التراب

الله المستعان

شوف اخوي انا معك انه الان زمن الواسطات و زمن المعارف و الرخصة اللي بتطلعها بمبلغ و قدره غيرك اللي يعرف ناس يطلعها برخص التراب و فيه استثناءات و فيه مرونة في تخليص موضوعه في اقرب فرصة عكس غيره اللي يجري شهور

بس ياخي انا بقولك كلام نظري اشوفه و الله اعلم واقعي : قطاع المقاولات المناقصات وخصوصا الحكومية ما يصلح اي واحد يدخله في الوقت الحالي , لانه يبغاله معارف و سعة صدر و مرونة في تقبل الرفض و سيولة مالية وذكاء و فطنة ..الخ

فانا انصح اذا حد حاب يدخل شغل المقاولات ياجله شوي و يبدأ مشروع على قد فلوسه و منها يكبر شوي شوي و كل سنة يجرب في مشروع حكومي بس بحيث ما يأثر على راس ماله بقوة و انت خلال مشوارك التجاري لسنوات عدة بتكون كونت قاعدة علاقات جيدة تؤهلك لخوض التجربة بحق و حقيق

ذحين انت اتجه الى النشاطات الخدمية العادية مثلا :افتح لك سلسلة مغاسل على حبة حبة كل سنة افتح مشروع خدمي صغير و تابعه بنفسك عشان ينجح و كثّر من الدعاية لمحلك عبر طباعة الالاف الاوراق و توزيعها على البيوت القريبة مع توفير خدمة التوصيل المجاني
المشاريع الخدمية لو نجحت معك تكسبك تمام و اما التطور اللي فيها انك تفتح كل فترة محل في منطقة و تقدم كل فترة خدمة جديدة في محلك تختلف عن كل المحلات و الله يوفقك

الفرص كثير بس الشعب السعودي يبغى ربح سريع بدون تعب
لذلك عندنا اكثر من 7 مليون اجبي

اااخ

قال الشعب السعودي مايحب ويحب
اقول قم بس قم
اقسم بالله الي يسب ويتكلم على الشعب السعودي يابوة وزير والا امير غيرهم يسكت ويوقف ضحك على نفسة

يقول فية فرص ؟؟؟؟؟
وين تكفى
اذا جيت تفتح مشروع انت يارجل :
يقولك المحل .. الترخيص.... الموقع.... هاااا راس مالك مايكفي ...
اذا بنت :
مايحق لك ... مايسمح لك القانون .... ماتقدرين تديرين المشروع .... يضحكون عليك الرجال .... انت حرمة تزوجي واقعدي في بيت رجااالك احسلك
هااا كان العرسان طوابير عالباب

طيب خلاص اخذ قرض ؟؟؟
طيب اوكى مافية مشكلة
كم الراتب ؟
ياخي لو موظف ما جيتك طيب خلاص اذا توظفت تعااال يعني تفتح مشروع اذا حجت البقر على قرووونها

توظفت ابشرك !!!!
كم الراتب ؟
5000 ريال ها نعطيك 80 الف يعني افتح بوفية ويااااكلك الهندي
يعني امسك ارضك اقسم بالله شي يفجر الراس ويجيب الهم
قلي نظرة تشاااؤمية سوداوية يابو نظرة وردية قلي وش عندك ومن انت اصلا

ربي يفرجها علينا من اوسع ابوابة

بالعكس يااخواني اسعوا ورزقك لن ياخذه غيرك

[align=center]محمد اس
اذا كان المشروع للهوامير ما اعتقد ان هناك مجال للمنافسة

مشروع الخضار والفواكه اذا كنت بتطلع من الدعاية والاعلان 30 الف بالشهر ففيه اجانب يطلعون من الخضار 100 الف بالشهر

اخوي اذا كانت سيولتك واجد واكبر من انك تشتغل ببسطة خضار مو مشكله سو لك ثلاجة توزيع خضار كذا يزيد دخلك

انا صراجة استغرب لما نتوجه لمشارع باهضة التكاليف والدخل اقل من المتوقع بينما بين ايدينا مشاريع باقل من سا بقتها بكثير في الكلفة والدخلغنى

اخوي انا ما انقد عيك عدم ميولك للمشاريع الصغيره وخاصة الخضار

لا كن انقد على عموم الشباب السعودي التعسف والتشكي بينما الفرص بين ايديهم ولاكن ؟؟؟؟؟؟؟؟؟؟؟


اخوي الدعوه مو واصطة الدعوة التصاريح كيف تقدر تجيبها الدعاية والاعلان مو مشروع بسيط على قولتك

تدري ان كل مكتب دعاية واعلان ما يركب لوجة بشارع او محل الى ويدفع للبلدية سعر الاعلان بالساعة واليوم والشهر

وتدري ان له محلات معينه للدعاية والاعلان يدفع اجارها للبلدية الشهر او السنة مبلغ وقدرة

اخوي اسال الله لك التو فيق والنجاح


مع شديد اعجابي بتعليق (((((((( كلنا يد وحده ))))))))))[/align]

اول شيء الارزاق بيد الله
يمكن قل زمن الوظائف إلي تحت المكيف ,,

لاكن زمن التجاره في السعودية توه يبدأ يعني الفرص في التجاره كثيره وبرأس مال قليل فما بالك بالكثير,,